legalinfo.mn

+(976)-11-323317

info@legalinstitute.mn

A

A

A

en
Нууц үг сэргээх Шинээр бүртгүүлэх
  • Бүртгүүлэх
  • Нүүр
  • Засгийн газрын тогтоол
  • ТҮҮХ, СОЁЛЫН ДУРСГАЛТ ЗҮЙЛИЙН ТООЛЛОГО ЯВУУЛАХ ЖУРАМ (Засгийн газрын 2018 оны 184 дүгээр тогтоолоор хүчингүй болсонд тооцсон)
Шүүлтүүр
Бүлэг: 1979
Засгийн газрын 1994 оны 233 дугаар тогтоолын 1 дүгээр хавсралт


ТҮҮХ, СОЁЛЫН ДУРСГАЛТ ЗҮЙЛИЙН ТООЛЛОГО ЯВУУЛАХ ЖУРАМ
 
(Засгийн газрын 2018 оны 184 дүгээр тогтоолоор хүчингүй болсонд тооцсон)

Нэг. Нийтлэг үндэслэл

1. Улсын бүртгэл-мэдээллийн санд бүртгэсэн түүх, соёлын дурсгалт зүйлийн тооллого явуулахтай холбогдсон үйл ажиллагааг зохицуулахад энэхүү журмыг дагаж мөрдөнө.
 2. Тооллого явуулах зорилго нь төрөөс түүх, соёлын дурсгалт зүйлийн бүрэн бүтэн байдалд хяналт тавих, тэдгээрийн түүх, соёл, шинжлэх ухааны ач холбогдлыг тодорхойлох, хадгалалт, хамгаалалтыг сайжруулах, улсын бүртгэл-мэдээллийн сангийн бүрдэлд дүгнэлт гаргах, шинэчлэн баяжуулах бодлогыг боловсруулж, хэрэгжүүлэх үндэслэлийг тогтооход оршино.

2. Тооллогыг явуулах, тооллогын комиссыг байгуулах

3. Түүх, соёлын дурсгалт зүйлд улсын болон аж ахуйн нэгж, байгууллагын тооллого /цаашид "тооллого" гэнэ/ явуулна.
 4. Улсын тооллогыг 4 жил тутам, аж ахуйн нэгж, байгууллагын тооллогыг 2 жил тутамд тус тус явуулна.
 5. Тооллогыг улсын болон аймаг, нийслэл, сум, дүүргийн комисс, аж ахуйн нэгж, байгууллагын комисс тус тус эрхлэн гүйцэтгэнэ.
 6. Тооллогын тайлан, бүртгэл, түүний он дарааллын товъёогийн бүртгэлийг тухайн түүх, соёлын дурсгалт зүйл харъяанд нь байгаа бүртгэл-мэдээллийн санд хадгална.
 7. Улсын тооллогын комисс /цаашид "улсын комисс" гэнэ/-ын бүрэлдэхүүнийг Соёлын сайд, аймаг, нийслэл, сум, дүүргийн тооллогын комиссын бүрэлдэхүүнийг тухайн шатны Засаг дарга тус тус батална.
 8. Улсын комиссын бүрэлдэхүүнд Соёлын яам, аймаг, нийслэл, сум, дүүргийн соёл урлаг, шинжлэх ухааны асуудал хариуцсан ажилтан, холбогдох мэргэжлийн хүмүүсийг оруулна.
 9. Аж ахуйн нэгж, байгууллагын тооллогын комиссын бүрэлдэхүүнийг тухайн аж ахуйн нэгж, байгууллагын захирал /дарга/-ын шийдвэрээр томилно.
 10. Улсын болон аж ахуйн нэгж, байгууллагын тооллогын комиссыг байгуулсан шийдвэрт тооллогын ажил эхлэх, дуусах хугацааг тодорхой заана.
 11. Тооллогын хугацаанд тооллогын комиссын гишүүдийг үндсэн ажлаас нь түр чөлөөлж, цалинг үндсэн байгууллага олгоно.
 12. Улсын болон аж ахуйн нэгж, байгууллагын тооллогын комисс дараахь шаардлагыг биелүүлэх үүрэгтэй.
 а/тооллогыг комиссын гишүүдийн 80-аас доошгүй хувийн бүрэлдэхүүнтэйгээр явуулах;
 б/комиссын гишүүд түүх, соёлын дурсгалт зүйлийг хадгалж байгаа байранд нэгэн зэрэг орж, гарах бөгөөд байрнаас гарсан тухай бүр уг байрыг лацдаж битүүмжлэн үлдээж байх;
в/тооллогын явцад түүх, соёлын дурсгалт зүйлийг хадгалалт, хамгаалалтын нөхцөлийг сайжруулах, илэрсэн зөрчлийг арилгуулах арга хэмжээ авахуулах.
 13. Улсын болон аж ахуйн нэгж, байгууллагын тооллогын комисс түүх, соёлын дурсгалт зүйлийн тооллого явуулахдаа дараахь журмыг баримтална:
а/Монгол Улсын нутаг дэвсгэрт байгаа бүх түүх, соёлын дурсгалт зүйлийг зэрэглэл харгалзахгүйгээр тооллогод бүрэн хамруулах;
б/тогтоолыг түүх, соёлын дурсгалт зүйлийн бүртгэл мэдээллийн сангийн бүртгэл, өмнөх тооллогын үндсэн бүртгэлд үндэслэж явуулах, шаардлагатай бол бусад материалтай танилцах;
в/тооллогын үед гадаадад байгаа түүх, соёлын дурсгалт зүйлээс бусад дурсгалт зүйл бүрийг биечлэн шалган үзэж тоолох;
г/тооллогын явцын талаар өдөр тутам тэмдэглэл хөтлөх;
д/улсын тооллогоор үндсэн бүртгэлийн бичлэгт их хэмжээний засвар, өөрчлөлт гарсан тохиолдолд уг бичлэгийн шинээр үйлдэх;
е/улсын болон аж ахуйн нэгж, байгууллагын тооллогоор үндсэн бүртгэлд "тоолов ... он" гэсэн тэмдгийг тооллогын комиссын нарийн бичгийн дарга хариуцан тавих;
ж/шинж төрх нь өөрчлөгдөн гэмтэж болзошгүй түүх, соёлын дурсгалт зүйлийг тоолохдоо дүрс бичлэг хийх, эсвэл гэрэл зургийг нь авах.
14. Комисс нь өмнөх тооллогын бүртгэлд түүх, соёлын дурсгалт зүйлийг тодорхойлсон бичлэгт найруулгыг нь сайжруулах зорилгоор засвар хийж болно.
Харин түүх, соёлын дурсгалт зүйлийн үндсэн төрх, чанарыг заасан үг найруулгыг хэвээр үлдээнэ. Хуучин бүртгэлийн алдаа, зөрүүг нотолсон тайлбарыг тэмдэглэлд тусган бүртгэлд залруулна.
 15. Тооллогын үед түүх, соёлын дурсгалт зүйлийг төрөлжүүлэн ангилах, дугаар хадах, жижиг засвар хийх, байр орчныг тохижуулах ажлыг өмчлөгч, эзэмшигч хариуцан зохион байгуулна.
 16. Түүх, соёлын дурсгалт зүйлийг дахин үнэлэх шаардлагатай бол түүний зэрэглэл, тооллогын үеийн олон улсын болон зах зээлийн үнэ, ханш, даатгалын үнэлгээг үндэслэн улсын тооллогын комисс санал гаргана.
 17. Шаардлагатай гэж үзвэл Соёлын яамны санаачилгаар түүх, соёлын дурсгалт зүйлийн тооллогыг харъяалал, хугацаа харгалзахгүйгээр явуулж болно.

Гурав. Тооллогын дүнг тайлагнах

 18. Түүх, соёлын дурсгалт зүйлийн тооллогын дүнг дараахь байдлаар тайлагнана:
     а/аж ахуйн нэгж, байгууллага тооллогын ажил дууссанаас хойш 30 хоногт багтаан сум, дүүргийн Засаг даргад;
     б/аймаг, нийслэлийн Засаг дарга тооллогын ажил дууссанаас хойш 3 сарын дотор сум, дүүргийн тооллогын нэгдсэн дүнг гаргаж Соёлын яаманд;
     в/ Соёлын яам аймаг, нийслэлийн тооллогын дүнг 6 сарын дотор нэгтгэн дүгнэж хэлэлцээд Засгийн газарт.
     19. Түүх, соёлын дурсгалт зүйлийн тооллогын тайлан дараахь хэсгээс бүрдэнэ:
     1. Түүх, соёлын дурсгалт зүйлийн бүрэн бүтэн байдал, хадгалалт, хамгаалалт, бүртгэл-мэдээллийн сангийн бүрдүүлэлт, баяжуулалт, цаашид анхаарах болон авч хэрэгжүүлэх арга хэмжээний тухай саналыг тусгасан илтгэх хуудас, тооллогын комиссын акт;
     б/түүх, соёлын дурсгалт зүйлийн тооллогын бүртгэл /батлагдсан маягтын дагуу/;
     в/эвдэрч гэмтсэн, устсан түүх, соёлын дурсгалт зүйлийн жагсаалт, тэдгээрийн гэмтэж устсан шалтгааныг тогтоосон акт;
     г/гэмтсэн түүх, соёлын дурсгалт зүйлийг сэргээн засварлах, хамгаалахтай холбогдсон зардлын тооцоо.
     20. Тооллогын комисс толлогын шинэчилсэн бүртгэлийг 3 хувь үйлдэн тухайн түүх, соёлын дурсгалт зүйл харъяанд нь байгаа бүртгэл-мэдээллийн санд болон эзэмшигчид тус бүр 1 хувийг үлдээнэ.
     21. Тооллогын комиссын актад комиссын гишүүд, эзэмшигч гарын үсэг зурснаар хүчин төгөлдөр болно.
-------оОо-----
 

Текст томруулах

A

A

A