legalinfo.mn

+(976)-11-323317

info@legalinstitute.mn

A

A

A

en
Нууц үг сэргээх Шинээр бүртгүүлэх
  • Бүртгүүлэх
  • Нүүр
  • Засгийн газрын тогтоол
  • ШИНЖЛЭХ УХААН, ТЕХНОЛОГИЙН САНГИЙН ДҮРЭМ (Засгийн газрын 2019 оны 50 дугаар тогтоолоор хүчингүй болсонд тооцсон)
Шүүлтүүр
Бүлэг: 1979
Засгийн газрын 1993 оны 192 дугаар тогтоолын хавсралт


ШИНЖЛЭХ УХААН, ТЕХНОЛОГИЙН САНГИЙН ДҮРЭМ
(Засгийн газрын 2019 оны 50 дугаар тогтоолоор хүчингүй болсонд тооцсон)

Нэг.Нийтлэг үндэслэл

 1.Монгол улсын эдийн засаг, нийгмийг хөгжүүлэхэд төр, засгийн газраас явуулж байгаа бодлого, хэтийн чиглэл, ойрын зорилтыг хэрэгжүүлэх шаардлагыг харгалзан шинжлэх ухаан, технологийн төсөл /цаашид "төсөл" гэнэ/-ийг санхүүжүүлэх эх үүсвэрийг бүрдүүлэх, түүнийг захиран зарцуулахад энэхүү дүрмийг дагаж мөрдөнө.
 2.Шинжлэх ухаан, технологийг хөгжүүлэх бодлогын дагуу тодорхойлсон төслийг санхүүжүүлэхэд зориулсан хөрөнгийн эх үүсвэрийг Шинжлэх ухаан, технологийн сан /цаашид "сан" гэнэ/ гэнэ.
 /3 дахь хэсэг 1997 оны 90 дүгээр тогтоолоор хүчингүй/
4.Улсын болон салбарын чанартай төслийн захиалагч нь Засгийн газар, төрийн захиргааны төв байгууллага байна.

Хоёр.Сангийн хөрөнгийг бүрдүүлэх

5.Сангийн хөрөнгийг дор дурдсан эх үүсвэрээс бүрдүүлнэ:
а/төслийг захиалагч аж ахуйн нэгж, байгууллагын хөрөнгө;
б/улсын захиалгаар гүйцэтгэх төсөлд зориулан шууд болон эргэж төлөгдөх нөхцөлтэйгээр олгосон төсвийн хөрөнгө;
в/шинжлэх ухаан, технологийн хөгжилд зориулан банкнаас олгосон зээл;
г/аж ахуйн нэгж, байгууллага, иргэдээс шинжлэх ухаан технологийн хөгжилд зориулан өгсөн хандив, тусламж;
д/шинжлэх ухаан, технологийн хөгжилд зориулан гадаад орон, олон улсын байгууллага, гадаадын иргэдээс өгсөн хандив, тусламж;
е/орлогын бусад эх үүсвэр.
6.Сангийн хөрөнгийг бүрдүүлсэн эх үүсвэр, үндэсний зөвлөлөөс гаргасан үнэлэлт,дүгнэлт, төслийн үр ашиг, ач холбогдлыг харгалзан Засгийн газраас зарласан төсөл, суурь судалгааны төсөл, салбарын болон аж ахуйн нэгж, байгууллагын захиалгат төслийг ялгавартайгаар санхүүжүүлэх зарчим баримтална.
7.Сангийн өдөр тутмын үйл ажиллагаа, сангийн хөрөнгийг бүрдүүлэх, зохистой зарцуулах, ашиглалтад хяналт тавих ажлыг сангийн захиргаа эрхлэнэ.
 Сангийн захиргааны орон тоо, ажиллах журам, төсөл санхүүжүүлэх зарчмыг Шинжлэх ухаан, боловсролын сайд, Сангийн сайд нар хамтран тогтооно.
8.Сангийн захиргаа нь тогтоосон журмаар хийсэн тэмдэг, хэвлэмэл хуудас хэрэглэж, банкинд харилцах данстай байна.

Гурав.Сангийн захиргааны үүрэг, эрх

 9.Сангийн захиргаа нь дор дурдсан үүрэгтэй байна:
а/шинжлэх ухаан, технологийн хөгжлийг хөхүүлэн дэмжих, сангийн хөрөнгийг энэ дүрмийн 5 дугаар зүйлд заасны дагуу бүрдүүлэх ажлыг эрхлэх, уг хөрөнгийг зохистой ашиглах, улс орны оюуны өмчийг хамгаалан арвижуулахад чиглүүлэх;
б/үндэсний зөвлөлөөс гаргасан үнэлэлт, дүгнэлт, саналыг харгалзан сонгож Шинжлэх ухаан, боловсролын сайдын шийдвэрийн дагуу шалгаруулсан төслийг санхүүжүүлж, үр дүнг тогтоосон хугацаанд тооцож байх;
в/шинжлэх ухаан, технологийг хөгжүүлэх бодлого, үзэл баримтлалд нийцүүлэн судалгааны ажлын материаллаг баазыг бэхжүүлэх, хэвлэл, мэдээллийг хөгжүүлэх, эрдэм шинжилгээний хурал, семинар зохион байгуулах, залуу эрдэмтэд бэлтгэх,мэдлэг чадварыг дээшлүүлж, тэднийг эрдэм шинжилгээний ажилд татан оролцуулахад сангийн улсын төсвийн бус эх үүсвэрээс санхүүгийн дэмжлэг үзүүлэх;
г/эрдэм шинжилгээний ажлын бэлэн үр дүн, боловсрогдсон технологийг нэвтрүүлэх, борлуулах ажлыг зохион байгуулах;
д/эрдэм шинжилгээний байгууллагын тайлан, тэнцэл, санхүүжүүлсэн төслийн үр дүнг нэгтгэн гаргаж Шинжлэх ухаан боловсролын яам, Сангийн яаманд зохих журмын дагуу тайлагнах.
10.Сангийн захиргаа нь дор дурдсан эрхтэй байна:
а/санхүүжүүлж байгаа төслийн явц, үр дүнг холбогдох аж ахуйн нэгж, байгууллагад төслийн захиалагчтай хамтран шалгах, үр дүнг тооцож гаргуулах зайлшгүй шаардлагатай тохиолдолд санхүүжилтийг зогсоох талаар санал боловсруулж үндэсний зөвлөлөөр уламжлан Шинжлэх ухаан, боловсролын сайдын зөвлөлд оруулах;
б/санхүүжүүлж байгаа төслийн явц, үр дүнг шалгах, үнэлэлт, дүгнэлт гаргуулахаар ажлын хэсэг түр хугацаагаар байгуулан ажиллуулах, ажлын хэсэгт үндсэн байгууллага, аж ахуйн нэгжтэй нь тохиролцон эрдэмтэд, мэргэжлийн хүмүүсийг оролцуулах;
в/төсөлд үнэлэлт, дүгнэлт гаргах болон хяналт шалгалт хийхэд оролцсон эрдэмтэд, мэргэжилтнүүдэд зохих журмын дагуу урамшил олгох;
г/төсөл боловсруулах заавар, үр дүнг хүлээн авах акт, төлөвлөлт, санхүүжилтийн маягт, үзүүлэлтийг боловсруулж, холбогдох байгууллагаар батлуулан мөрдүүлэх;
д/сангийн хөрөнгийг зориулалт бусаар ашигласан, сангаас олгосон зээл, зээлийн хүүг төлөхөөс зайлсхийсэн аж ахуйн нэгж, байгууллага, иргэдэд зохих хууль тогтоомжийн дагуу хариуцлага хүлээлгэх тухай асуудлыг холбогдох байгууллагад тавьж шийдвэрлүүлэх, нэхэмжлэл гаргах.

Дөрөв. Төслийг санхүүжүүлэх

11.Сонгон шалгаруулсан төслийг захиалагч, гүйцэтгэгч, сангийн хооронд байгуулсан гэрээний дагуу санхүүжүүлнэ.
12.Гэрээнд төслийг хэрэгжүүлэхэд захиалагчаас тавих шаардлага, гүйцэтгэгчийн үүрэг, хариуцлага, санхүүжүүлэх зарчим, үе шат, хугацаа, үр дүнг тооцох болон санхүүжилтийн зардлыг нөхөх нөхцөл, ашгийн шимтгэл, хүү зэргийг тодорхой тусгасан байна.
13.Засгийн газар, төрийн захиргааны төв байгууллагын захиалгаар хийгдсэн болон суурь технологи, онолын судалгааны төслийг улсын төсвийн хөрөнгөнөөс шууд санхүүжүүлж болно.
14.Техник, технологийн чиглэлтэй төслийг эргэж төлөгдөх буюу үйлдвэрлэлийн ашиг орлогоос зохих хувийг санд оруулах нөхцөлөөр санхүүжүүлнэ.
15.Сангаас сонгон шалгаруулсан төслийг санхүүжүүлэхдээ уг төслийг хэрэгжүүлэхэд тухайн жилд зарцуулахаар тооцож батлуулсан хөрөнгийн 80 хүртэл хувийг урьдчилгаа хэлбэрээр олгож, төслийн эцсийн үр дүнгийн талаар захиалагчийн тодорхойлолтыг үндэслэн хөрөнгийн үлдсэн хэсгийг санхүүжүүлнэ.
16.Захиалагч, гүйцэтгэгч, сан нь байгуулсан гэрээгээ тогтоосон хугацаанд хамтран дүгнэж, төслийн санхүүжилтийн үр дүн, холбогдох тооцоог хийж хэрэглэгчид нь шилжүүлэн хүлээлгэж өгсөн буюу үйлдвэрлэлд нэвтрүүлснээр уг төслийн үйл ажиллагааг дуусгавар болгоно.
17.Сангийн хөрөнгийг энэ дүрэмд заасан арга хэмжээ болон сонгон шалгаруулсан төслийг санхүүжүүлэхээс өөр зүйлд зарцуулахыг хориглоно.
 
--OOO--
 

Текст томруулах

A

A

A