ЯАМ, АГЕНТЛАГААС ОЛГОХ ШАГНАЛЫН НИЙТЛЭГ ТОДОРХОЙЛОЛТ, ДАГАЛДАХ МӨНГӨН ШАГНАЛЫН ХЭМЖЭЭ (Засгийн газрын 2019-1-9-ний өдрийн 5 дугаар тогтоолоор хүчингүй болсонд тооцсон)

Хүчингүй эрх зүйн акт

~~Засгийн газрын 1997 оны 53 дугаар тогтоолын хавсралт~~

ЯАМ, АГЕНТЛАГААС ОЛГОХ ШАГНАЛЫН НИЙТЛЭГ ТОДОРХОЙЛОЛТ,
ДАГАЛДАХ МӨНГӨН ШАГНАЛЫН ХЭМЖЭЭ

(Засгийн газрын 2019-1-9-ний өдрийн 5 дугаар тогтоолоор хүчингүй болсонд тооцсон)

~~Нэг.Нийтлэг тодорхойлолт~~

~~1.Хүндэт дэвтэрт бичигдсэн тухай дурсгалын гэрчилгээ~~

Хүндэт дэвтэр нь тухайн яам, агентлагийн эрхлэх үйл ажиллагааны хүрээний салбарын түүхэн замналыг товч дурдсан оршил хэсэг, тухайн салбарыг хөгжүүлэн бэхжүүлэхэд тодорхой хувь нэмэр оруулсан шилдэг тэргүүний хүмүүсийн зургийг байрлуулан, түүний доод хэсэгт хөдөлмөр бүтээлийн нь амжилтаас дурдсан товч тодорхойлолт бичиж, алдар гавьяаг нь мөнхжүүлэн үлдээх хуудас бүхий гоёмсог хийцтэй байна.

~~2.Жуух бичиг~~

Жуух бичиг нь улаан хүрэн өнгийн хавтастай байх бөгөөд хавтасны нүүрэн талд Монгол Улсын төрийн сүлд, түүний доод хэсэгт "Жуух бичиг" гэсэн үгийг монгол үсгээр хэвлэсэн байна.

Жуух бичгийн доторхи хуудасны зүүн хэсэгт соёмбо, жуух бичгийн хувийн дугаар, баруун хэсэгт тухайн салбарын онцлогийг тусгасан талархлын үг, Монгол Улсын сайд, агентлагийн даргын нэрийг гарын үсэг зурах зайтайгаар хэвлэсэн байна.

~~Хоёр. Дагалдах мөнгөн шагналын хэмжээ~~

Хүндэт дэвтэрт бичигдсэн тухай гэрчилгээ олгоход 20000 (хорин мянга) төгрөг, Жуух бичгээр шагнахад 10000 (арван мянга) төгрөгийн дагалдах мөнгөн шагналыг нэг удаа олгоно.

~~----оОо----~~

Шүүлтүүр

Сонсох:

Эрх зүйн актууд

Санал хүсэлт