Засгийн газрын 2001 оны 35 дугаар тогтоолын хавсралт

ТӨРИЙН ӨМЧИЙГ 2001 ОНД ХУВЬЧЛАХ ХӨТӨЛБӨР

2001 оны өмч хувьчлалын зорилго нь Улсын Их хурлын 2001 оны 10 дугаар тогтоолоор баталсан "Төрийн өмчийг 2001-2004 онд хувьчлах үндсэн чиглэл"-ийг  хэрэгжүүлж, үнэ цэнэтэй аж ахуйн нэгж болон бусад аж ахуйн нэгж, эд хөрөнгийг хувьчлах дэд бүтэц, нийгмийн салбарт бүтцийн өөрчлөлт хийж хувьчлах бэлтгэлийг хангах замаар эдийн засаг дахь хувийн хэвшлийн үүрэг, оролцоог улам нэмэгдүүлж, зах зээлд шилжих шилжилтийг эрчимжүүлэн эдийн засгийн үр ашгийг дээшлүүлэх, өсөлтийг хангах нөхцөлийг бүрдүүлэхэд оршино.

Улсын Их хурлын 2001 оны 10 дугаар тогтоолоор баталсан "Төрийн өмчийг 2001-2004 онд хувьчлах үндсэн чиглэл"-д тусгагдсан зарчмыг баримтална.

Энэхүү хөтөлбөрт хамрагдах хувьчлах хуулийн этгээд, эд хөрөнгийн жагсаалт нь дараахь гурван чиглэлээс бүрдэнэ:

1. 2001 онд хувьчлах төрийн өмчит болон төрийн өмчийн оролцоотой аж ахуйн нэгжийн жагсаалт (хавсралт ¹1);

2. 2001 онд хувьчлах дуусаагүй барилга байгууламжийн жагсаалт (хавсралт ¹2);

3. 2001 онд өөрчлөн байгуулалт хийх, хувьчлах бэлтгэлийг  хангах аж ахуйн нэгж, байгууллагын жагсаалт (хавсралт ¹З).

Хөтөлбөр болон хувьчлах хуулийн этгээд, эд хөрөнгийн жагсаалтад дор дурдсан нөхцөлд нэмэлт, өөрчлөлт оруулна:

4.1. Монгол Улсын иргэн, эсвэл гадаадын иргэн, дотоод, гадаадын аж ахуйн нэгж тухайн аж ахуйн нэгжийг хувьчлуулах санал хүсэлт гаргасан;

4.2. Хувьчлах шийдвэр гарсан боловч холбогдох хууль тогтоомжийн дагуу татан буугдсан аж ахуйн нэгжийг жагсаалтаас хасч, хөрөнгийг зохих журмын дагуу хувьчлах;

4.3. Тодорхой салбар, үйлдвэрлэлийн үйл ажиллагааны хүрээнд олон улсын банк, санхүүгийн байгууллага болон хандивлагчдын зүгээс томоохон хэмжээний төсөл, арга хэмжээ хэрэгжүүлэхтэй холбогдсон тусгай шаардлага гарсан;

4.4. Тухайн аж ахуйн нэгжийг энэхүү хөтөлбөр, жагсаалтад зааснаас өөр аргаар хувьчлах шийдвэрийг эрх бүхий байгууллагаас гаргасан;

4.5. Хувьчлах хөтөлбөрийн жагсаалтад орсон аж ахуйн нэгж хуваагдах буюу тусгаарласны үндсэн дээр шинээр байгуулагдсан аж ахуйн нэгжүүдийн аль нь ч компанийнхаа анхны нэрийг өвлөн аваагүй тохиолдолд жагсаалтад орсон аж ахуйн нэгжийн нэрийг жагсаалтаас хасч шинээр бий болсон аж ахуйн нэгжүүдийн нэрийг холбогдох жагсаалтад оруулах,  тухайн аж ахуйн нэгжийг салган хувьчлуулах санал гаргаж түүнийг холбогдох яам болон Төрийн өмчийн хороо албан ёсоор зөвшөөрсөн байх ба хэрэв тухайн аж ахуйн нэгж өр зээлтэй бол томоохон зээлдүүлэгчийн санал авсан тохиолдолд.

Энэхүү  хөтөлбөрийн  хэрэгжилтийн  явцыг 2001 оны 7 дугаар сарын 15-ны дотор, биелэлтийг 2002 оны  1 дүгээр сарын 25-ны дотор Төрийн өмчийн хороо холбогдох яам, агентлагтай хамтран гаргаж Засгийн газарт тайлагнана.

----оОо----

 

 

 

 

 

 

_ оОо_