1. Хяналт шинжилгээ, үнэлгээний зорилго

                    

               Хяналт шинжилгээ, үнэлгээ нь яам, аймаг, нийслэлийн Засаг даргаас төр, засгийн бодлого, шийдвэр, хууль тогтоомж, Монгол Улсын Засгийн газрын үйл ажиллагааны хөтөлбөр, Эдийн засаг, нийгмийг хөгжүүлэх үндсэн чиглэл, Засаг даргын үйл ажиллагааны хөтөлбөрт заасан бодлогын зорилт болон Засаг даргаас Монгол Улсын Ерөнхий сайдтай байгуулсан батламжийн биелэлт, үйл ажиллагааны үр нөлөөг тогтоож, үр дүнг үнэлэхэд оршино.

 

2. Хяналт шинжилгээ, үнэлгээний зорилт

 

2.1. Бодлогын зорилтууд, түүний дотор хууль тогтоомж, Засгийн газрын үйл ажиллагааны хөтөлбөр болон Засгийн газраас батлан хэрэгжүүлж байгаа хөтөлбөрүүд, Засгийн газрын шийдвэр, төсөл, төлөвлөгөө нь Засгийн газраас хүлээж байгаа үр дүнд хүрч хэрэгжиж байгаа эсэхийг тогтоох;

 

2.2 Яам, аймаг, нийслэлийн Засаг дарга, түүний Тамгын газрын үйл ажиллагааны үр дүнг үнэлэх;

 

2.3. Бодлогын зорилт хүлээгдэж байгаа үр дүнд хүрч хэрэгжээгүй буюу гажуудал гарсан бол тэдгээрийг өөрчлөн залруулах чиглэл, арга хэмжээг тодорхойлох, шаардлагатай тохиолдолд бодлогын шинэ зорилтыг тодорхойлж Ерөнхий сайд, Танхимд танилцуулах;

 

2.4. Шийдвэр гаргах үйл ажиллагааг бодлогын хувилбар, санал дүгнэлт, зөвлөмжөөр дэмжихэд чиглэгдэнэ.

           

3. Хяналт шинжилгээ, үнэлгээний хамрах хүрээ

 

3.1. Хяналт шинжилгээ, үнэлгээнд төрийн захиргааны төв, нутгийн захиргааны бүх шатны байгууллага хамрагдана;

 

3.2 Хяналт шинжилгээ, үнэлгээг яам, аймаг, нийслэлийн Засаг даргын Тамгын газрын тухайн жилийн үйл ажиллагаанд, эсхүл бодлогын тодорхой чиглэлээр хийнэ. Хамрах хүрээ, хугацааг удирдамжаар тодорхойлно;

 

3.3. Засгийн газрын агентлаг, аймаг, нийслэлийн Засаг даргын дэргэдэх агентлаг, түүнчлэн сум, дүүргийн үйл ажиллагаанд хийх хяналт шинжилгээ, үнэлгээний журмыг Засгийн газрын гишүүн, аймаг, нийслэлийн Засаг дарга тогтооно;

 

3.4. Засгийн газрын Хэрэг эрхлэх газар жилд 6-гаас доошгүй яам болон аймаг, нийслэлийн Засаг даргын Тамгын газрын үйл ажиллагаанд энэхүү журмын дагуу хяналт шинжилгээ, үнэлгээ хийж, дүнг Засгийн газарт танилцуулна.

 

4. Хяналт шинжилгээ, үнэлгээний  арга

 

4.1. Яам, аймаг, нийслэлийн Засаг даргын Тамгын газрын үйл ажиллагаанд хяналт шинжилгээ, үнэлгээ хийх ажлыг Засгийн газрын Хэрэг эрхлэх газар хариуцан гүйцэтгэнэ. Хяналт шинжилгээ, үнэлгээ хийхдээ холбогдох газруудтай хамтарсан хяналт шинжилгээ, үнэлгээний багийг байгуулан ажиллуулж болно;

 

4.2. Хяналт шинжилгээ, үнэлгээний ажилд холбогдох хууль тогтоомж, Засгийн газрын шийдвэр, энэхүү журам болон удирдамжийг үндэс болгоно;

 

4.3. Яам, аймаг, нийслэлийн Засаг дарга тухайн жилийн үйл ажиллагаандаа хяналт шинжилгээ, үнэлгээ хийж, үнэлгээний тайланг 4 дүгээр сарын 1-ний дотор Засгийн газрын Хэрэг эрхлэх газарт ирүүлнэ;

 

4.4. Яамдын үйл ажиллагаанд хийсэн хяналт шинжилгээ, үнэлгээний дүнг энэхүү журмын 1 дүгээр хавсралт, эдийн засаг, нийгмийн хөгжлийн үзүүлэлтийн биелэлтийг журмын 2 дугаар хавсралт, аймаг, нийслэлийн Засаг даргын үйл ажиллагааны үнэлгээний дүнг журмын 3 дугаар хавсралт,  аймаг, нийслэлийн эдийн засаг, нийгмийн хөгжлийн үзүүлэлтийн биелэлтийг журмын 4 дүгээр хавсралтын дагуу тус тус гаргаж тайлангийн хамт ирүүлнэ.

 

4.5. Засгийн газрын Хэрэг эрхлэх газрын хяналт шинжилгээ, үнэлгээний асуудал хариуцсан ажилтнууд тайлантай танилцаад зорилтын хэрэгжилт, гарсан үр дүнгийн талаар судалгаа хийж, шаардлагатай бол газар дээр нь ажиллана;

 

4.6. Тайланд хяналт шинжилгээ хийхдээ түүнд тусгасан тоон үзүүлэлт болон зарим тоогоор илэрхийлж болох үзүүлэлтүүдийг статистикийн болон судалгаа шинжилгээний байгууллагын, түүнчлэн тухайн үйл ажиллагааны хүрээний асуудал хариуцсан бусад байгууллагын судалгааны үзүүлэлтүүд болон тайлант хугацаанд Засгийн газрын Хэрэг эрхлэх газраас яам, аймаг, нийслэлийн Засаг даргын Тамгын газарт ажиллаж үйл ажиллагаанд хийсэн хяналт шинжилгээ, үнэлгээний материал зэрэгтэй харьцуулан үзэж үнэн зөвийг тогтооно;

 

4.7. Тайлан, судалгааны материалд шинжилгээ хийхдээ шинжлэх ухааны үндэслэлтэй түгээмэл аргуудыг хэрэглэнэ.

 

4.8 Үнэлгээний тайлангийн хамт Засгийн газрын үйл ажиллагааны хөтөлбөрийг хэрэгжүүлэх арга хэмжээний төлөвлөгөөний биелэлт, Монгол Улсын эдийн засаг, нийгмийг хөгжүүлэх үндсэн чиглэлийн биелэлт, Засаг даргын үйл ажиллагааны хөтөлбөрийн хэрэгжилт, хөтөлбөр, төслийн хэрэгжилтэд хийсэн хяналт шинжилгээ, үнэлгээний ажлын тайланг ирүүлнэ.

 

5. Үр дүнг үнэлэх аргачлал

 

5.1. Яам, аймаг, нийслэлийн Засаг даргын үйл ажиллагааны үр дүнгийн үнэлгээний үзүүлэлтүүдийн ерөнхий үнэлгээг гүйцэтгэлийн болон үр дүнгийн үнэлгээний дунджаар тодорхойлно. Гүйцэтгэлийн үнэлгээний хувийг энэхүү журмын 5.6-д заасан аргаар тодорхойлно. Гүйцэтгэлийн  хувийг шалгуур үзүүлэлтээр тогтоосон хүрэх түвшингийн үзүүлэлттэй харьцуулж үр дүнгийн үнэлгээний хувийг тодорхойлно.

 

5.2. Засгийн газрын үйл ажиллагааны хөтөлбөрийг хэрэгжүүлэх арга хэмжээний төлөвлөгөө, Засгийн газрын үндэсний хөтөлбөрүүд, Эдийн засаг, нийгмийг хөгжүүлэх үндсэн чиглэлийн биелэлтийг тухайн яамны дангаар болон толгойлон хэрэгжүүлвэл зохих арга хэмжээний гүйцэтгэлээр үнэлнэ.

 

5.3. Төсвийн ерөнхийлөн захирагч /сайд/-аас аймаг, нийслэлийн Засаг дарга нартай болон төсвийн ерөнхийлөн захирагч сайд, аймаг, нийслэлийн Засаг дарга нараас Ерөнхий менежертэй байгуулсан үр дүнгийн гэрээний биелэлтийг сайд, аймаг, нийслэлийн Засаг дарга нараас гэрээг дүгнэсэн хувиар тодорхойлно.

 

5.4. Яам, аймаг, нийслэлийн Засаг даргын тухайн жилд дэвшүүлсэн зорилтууд үйл ажиллагааны хэтийн төлөвлөгөөтэй хэрхэн уялдсаныг тодорхойлж үнэлгээ өгнө. Яам, аймаг, нийслэлийн Засаг даргын Тамгын газрын үйл ажиллагааны хэтийн төлөвлөгөө /бизнес стратегийн/-ний зорилт, арга хэмжээнүүд нь Засгийн газрын тэргүүлэх чиглэл, Засгийн газрын үйл ажиллагааны хөтөлбөр болон үндэсний хөтөлбөрүүд, хууль тогтоомжоор тодорхойлогдсон Засгийн газрын бодлогын  зорилтуудтай уялдсан байх бөгөөд төлөвлөгдсөн үйл ажиллагаа хэрэгжсэнээр тухайн зорилт бүрэн хэрэгжсэн байна.

5.5. Засгийн газрын болон Засаг даргын үйл ажиллагааны хөтөлбөр, Засгийн газраас батлан хэрэгжүүлж байгаа хөтөлбөрүүд болон Эдийн засаг, нийгмийг хөгжүүлэх үндсэн чиглэл зэрэг баримт бичгээр дамжин хэрэгжиж буй төрийн бодлого иргэдийн амьдралд ямар өөрчлөлт гаргасныг эдийн засаг, нийгмийн хөгжлийн үзүүлэлтийн үнэлгээ болон хэрэглэгчийн үнэлгээ харуулна.

 

Хэрэглэгчийн үнэлгээг "Хууль тогтоомж, Засгийн газрын шийдвэрийн биелэлт", "Засгийн газрын үйл ажиллагааны хөтөлбөрийн хэрэгжилт", "Засаг даргын үйл ажиллагааны хөтөлбөрийн хэрэгжилт", "Яам, аймаг, нийслэлийн Засаг даргаас иргэдэд үзүүлж буй үйлчилгээний үнэлгээ" гэсэн үзүүлэлтүүдээр жилд нэг удаа тухайн аймаг, нийслэл, сум дүүргийн насанд хүрсэн иргэдийн 5 хүртэл хувийг хамруулан явуулсан санал асуулгын дүнг үндэслэн гаргана. Үзүүлэлт бүрт 1-5 баллын үнэлгээ өгөх бөгөөд санал асуулгын нэгдсэн дүнг үнэлгээний тайлантай хамт ирүүлнэ.

 

Санал асуулга явуулах ажлыг аймаг, нийслэлийн Засаг даргын Тамгын газраас томилогдсон ажлын хэсэг зохион байгуулна. Багийн бүрэлдэхүүнд санал асуулга, судалгааны чиглэлээр мэргэшсэн эрдэмтэн, судлаачид, үйлдвэрчний, ахмадын, эмэгтэйчүүдийн зэрэг төрийн бус байгууллагын төлөөллийг оролцуулсан байна. Санал асуулгыг хөндлөнгийн нөлөөгүй байхаар зохион байгуулсан байна. Санал асуулга явуулахтай холбогдон гарах зардлыг аймаг, нийслэлийн Засаг даргын Тамгын газрын төсөвт тусгаж өгнө.

 

 5.6.  Үйл ажиллагаа бүрийн гүйцэтгэлийн хувийг дараахь томъёогоор  бодож гаргана:

;

Энд:

       - i дүгээр үйл ажиллагааны гүйцэтгэлийн хувь

        - хүрэх үр дүнгийн төлөвлөгөө

        - хүрсэн үр дүн

 

           5.7 Үйл ажиллагааны хэрэгжилтийн болон үр дүнгийн үнэлгээний оноог дараахь томъёогоор бодож гаргана:

 

;

Энд:  - i дүгээр үйл ажиллагааны гүйцэтгэлийн оноо

 

5.8. Зорилт тус бүрийн хэрэгжилтийн оноонуудын нийлбэрийг үйл ажиллагааны нийт тоонд хувааж тухайн зорилтын гүйцэтгэлийн  дундаж оноог гаргана.

;

Энд  - дугаар зорилтын гүйцэтгэлийн дундаж хувь

 -тухайн зорилтод харгалзах үйл ажиллагаануудын онооны нийлбэр

            - үйл ажиллагааны тоо

 

5.8.1. Зорилтуудын гүйцэтгэлийн болон үр дүнгийн үнэлгээний хувийг оноогоор нь үржүүлсэн үржвэрүүдийн нийлбэрийг гүйцэтгэлийн хувиудын нийлбэрт хувааж жигнэсэн дундаж оноог тодорхойлно:

 

 

Энд: - j -дүгээр зорилтын хэрэгжилтийн хувь, түүнд харгалзах онооны үржвэрүүдийн нийлбэр

  j - дүгээр зорилтын хэрэгжилтийн хувиудын нийлбэр.

 

5.9. Тоогоор илэрхийлж үнэлэх боломжгүй бодлогын зорилт, арга хэмжээний хэрэгжилтийн хувийг тодорхойлоход дараахь зарчмыг баримтална. Үүнд:

 

·        Тухайн заалтаар тавьсан зорилтдоо бүрэн хүрсэн, энэ талаар холбогдох шийдвэр, үр дүн гарч, тогтворжсон бол 100 хувь;

·        Тухайн заалтаар тавьсан зорилтдоо бүрэн хүрээгүй боловч зохион байгуулалтын арга хэмжээ бүрэн авагдсан, холбогдох байгууллагын шийдвэр гарсан, гол үр дүн нь гарч эхэлж байгаа бол 90.0 хувь /80.0-100.0 хүртэл хувь/;

·        Тухайн заалтаар тавьсан зорилтдоо хүрэхийн тулд өөрсдөөс хамаарах бүх шийдвэр гарсан, хөрөнгө, санхүүгийн асуудал шийдвэрлэгдсэн, шийдвэр гаргагч дээд байгууллагад өргөн барьсан буюу гүйцэтгэл нь тодорхой хэмжээгээр гарч эхэлж байгаа бол гүйцэтгэлийн байдлыг харгалзан 70.0 хувь        /60.0-80.0 хувь/;

·        Бэлтгэл болон боловсруулалтын шатны ажил бүрэн хийгдсэн, ажил тодорхой хэмжээнд эхэлсэн бол хийгдэж буй ажлын түвшинг харгалзан 50.0 хувь /40.0-60.0 хувь/;

·        Тухайн заалтад тусгагдсан асуудлыг шийдвэрлэх бэлтгэл ажил хийгдэж дуусаад боловсруулалтын шатанд байгаа бол хийгдэж буй ажлын түвшинг харгалзан 30 хувь /20.0-40.0 хувь/;

·        Арга хэмжээг хэрэгжүүлэхэд шаардлагатай тооцоо, судалгаа хийх, асуудал тодорхойлох зэрэг бэлтгэл хангахтай холбогдсон арга хэмжээг авч эхэлж байгаа бол ажлын түвшинг харгалзан 10.0 /0-20.0/ хувийн биелэлттэй байна гэж үзнэ;

·        Ямар нэгэн ажил зохион байгуулаагүй бол 0 үнэлгээ өгнө.

 

5.10. Яам болон аймаг, нийслэлийн Засаг даргын үйл ажиллагааны үр дүнгийн ерөнхий үнэлгээ нь үзүүлэлт бүрийн үнэлгээний онооны нийлбэрийг үзүүлэлтийн тоонд хувааж гаргасан дундаж оноогоор илэрхийлэгдэнэ.

 

6.  Шагнал, урамшуулал

 

6.1. Ерөнхий үнэлгээгээр хамгийн өндөр оноо авсан гурван яамны Төрийн нарийн бичгийн дарга, таван аймаг, нийслэлийн Засаг даргыг нэг сарын цалинтай тэнцэх мөнгөн шагналаар, авсан онооны дарааллын дагуу гурван яам, таван аймгийн Засаг даргын Тамгын газрыг дараахь шагналаар шагнаж урамшуулна. Үүнд:

 

1 дүгээр байр. Яам болон аймаг, нийслэлийн Засаг даргын Тамгын газрыг 3.0 сая төгрөгөөр;

 

2 дугаар байр. Яам болон аймаг, нийслэлийн Засаг даргын Тамгын газрыг 2.5 сая төгрөгөөр;

 

3 дугаар байр. Яам болон аймаг, нийслэлийн Засаг даргын Тамгын газрыг 2.0 сая төгрөгөөр;

 

4 дүгээр байр. Аймаг, нийслэлийн Засаг даргын Тамгын газрыг 1.5 сая төгрөгөөр;

 

5 дугаар байр. Аймаг, нийслэлийн Засаг даргын Тамгын газрыг 1.0 сая төгрөгөөр. 

 

6.2. Шагналд зарцуулах хөрөнгийг Засгийн газрын Хэрэг эрхлэх газрын төсөвт жил бүр тусгана.

 

 

 

-----оОо-----

 

 

ЯАМДЫН ҮЙЛ АЖИЛЛАГААНЫ ҮР ДҮНГИЙН ҮНЭЛГЭЭ

 

200. оны жилийн эцсийн байдлаар

 

 

 

ЯАМДЫН ҮЙЛ АЖИЛЛАГААГ ҮНЭЛЭХ ЭДИЙН ЗАСАГ,

НИЙГМИЙН ХӨГЖЛИЙН ҮЗҮҮЛЭЛТҮҮД

 

200. оны жилийн эцсийн байдлаар

 

 

 

 

 

 

 

 

 

 

АЙМАГ, НИЙСЛЭЛИЙН ЗАСАГ ДАРГЫН ҮЙЛ

АЖИЛЛАГААНЫ ҮР ДҮНГИЙН ҮНЭЛГЭЭ

 

200.. оны жилийн эцсийн байдлаар

 

 

АЙМАГ, НИЙСЛЭЛИЙН ЭДИЙН ЗАСАГ, НИЙГМИЙН

 ХӨГЖЛИЙН ҮЗҮҮЛЭЛТИЙН ҮНЭЛГЭЭ

 

200. оны жилийн эцсийн байдлаар