Монгол Улсын   Засгийн газрын 2009 оны
72 дугаар тогтоолын 1 дүгээр хавсралт 
  

БАРИЛГА БАЙГУУЛАМЖИЙГ АШИГЛАЛТАД
ОРУУЛАХ ДҮРЭМ
/ЗГ-ын 2012-12-1-ний 151-р тогтоолоор хүчингүй болсонд  тооцсон/

Нэг. Ерөнхий зүйл

1.1. Барилгын тухай хуулийн 3.1.4-т заасан бүх төрлийн барилга байгууламжийг ашиглалтад оруулахтай холбогдсон харилцааг энэхүү дүрмээр зохицуулна.

Хоёр. Барилга байгууламжийг ашиглалтад оруулах комисс

2.1. Шинээр болон өргөтгөж барьсан барилга байгууламжийг ашиглалтад оруулахад Техникийн болон Улсын комисс, их болон урсгал засварын ажил хийгдсэн барилга байгууламжийг ашиглалтад оруулахад Техникийн комисс дангаар ажиллана.

2.2. Улсын комисс нь Техникийн комиссын акт, дүгнэлтийг үндэслэн шинээр болон өргөтгөж барьсан барилга байгууламжийг ашиглалтад оруулах дүгнэлт гаргана.

2.3. Их болон урсгал засварын ажил хийгдсэн барилга байгууламжийг ашиглалтад оруулах акт, дүгнэлтийг Техникийн комисс дангаар гаргана.

2.4. Барилга байгууламжийг ашиглалтад оруулах комиссын акт, дүгнэлтийг үндэслэн комиссын дарга бүртгэлийн дугаар олгосноор тухайн барилга байгууламж ашиглалтад орсонд тооцно.

2.5. Комисс нь энэ дүрмийн 1 дүгээр хавсралтаар баталсан дэгийн дагуу ажиллана.

Гурав. Комиссын бүрэлдэхүүн

3.1. Барилга байгууламжийг ашиглалтад оруулах Улсын болон Техникийн комиссын бүрэлдэхүүнийг энэ дүрмийн 2 дугаар хавсралтын дагуу байгуулан ажиллуулна.

3.2. Барилга байгууламжийн зориулалт, үйлдвэрлэл, үйлчилгээний техник технологийн онцлогтой уялдуулан тухайн салбарын төрийн захиргааны байгууллагын төлөөллийг Улсын болон Техникийн комиссын бүрэлдэхүүнд оруулна.

Дөрөв. Комиссын эрх, үүрэг

4.1. Улсын комисс нь дараахь эрх, үүрэгтэй байна:

4.1.1. Барилгын тухай хуулийн 9 дүгээр зүйлд заасан шаардлагыг хангасан барилга байгууламжийг ашиглалтад оруулах;

4.1.2. шаардлагатай гэж үзвэл барилга байгууламж, инженерийн шугам сүлжээ, тоног төхөөрөмжийн тодорхой хэсэг буюу зангилаа далдлагдсан ажлаас сонгон авч задлан үзэж магадлан шалгах, мэргэжлийн шинжээч томилон судалгаа шинжилгээ, тооцоо хийлгэж дүгнэлт гаргуулах;

4.1.3. Техникийн комиссын шийдвэр нь шаардлага хангаагүй гэж үзсэн тохиолдолд Техникийн комиссыг дахин ажиллуулах;

4.1.4. Барилгын тухай хууль болон холбогдох хууль, тогтоомж, норм, дүрмийн заалтыг зөрчсөн гүйцэтгэгч, зураг төслийн байгууллагад хариуцлага хүлээлгэх, тусгай зөвшөөрлийг нь цуцлах саналыг холбогдох байгууллагад тавих;

4.1.5. барилга байгууламжийг ашиглалтад оруулахтай холбогдсон баримт бичиг, магадалгааг холбогдох иргэн, аж ахуйн нэгж, байгууллагаас гаргуулан авах;

4.1.6. технологийн хувьд нэгдмэл бус, үйлдвэрлэл, үйлчилгээний зориулалт нь харилцан уялдаагүй барилга байгууламжийг ашиглалтад оруулахад Барилгын тухай хуулийн 19.1-д заасныг баримтлах;

4.1.7. комисс ажиллах үед илэрсэн зөрчил, дутагдлыг бүрэн арилгуулж, энэхүү дүрмийн 3 дугаар хавсралтаар баталсан барилга байгууламжийг ашиглалтад оруулах Улсын комиссын актыг үйлдэж, гарын үсэг зурж, баталгаажуулах;

4.2. Техникийн комисс нь дараахь эрх, үүрэгтэй байна:

4.2.1. барилга байгууламжийг шинээр барьсан, өргөтгөл, шинэчлэлийн ажил гүйцэтгэсэн техникийн баримт бичгийн иж бүрдлийг хянах, ажлын гүйцэтгэл, техникийн асуудлаархи зөрчлийг арилгуулах, Улсын комисс ажиллах бэлтгэлийг хангах;

4.2.2. Техникийн комиссын гишүүн бүр өөрийн төлөөлж байгаа байгууллага, хариуцсан ажил мэргэжлийн чиглэлээр дараахь үүргийг гүйцэтгэж, саналаа комиссын хуралд танилцуулах үүрэгтэй. Үүнд:

4.2.2.1. барилга байгууламжийн угсралт, тоног төхөөрөмж, технологийн дамжлага, инженерийн шугам сүлжээний ажил нь бат бэх, найдвартай ажиллагаа, зураг төсөл, барилга техникийн болон хөдөлмөр хамгаалал, аюулгүй байдал, ариун цэвэр, эрүүл ахуйн нөхцөл болон галын аюулгүй байдлын норм, дүрэм, хийц бүтээц, эдлэхүүн, материалын чанар стандарт, техникийн нөхцөлийн шаардлага хангасан зэргийг нарийвчлан шалгах;

4.2.2.2. өргөх байгууламж, цахилгаан шат, суурилагдсан тоног төхөөрөмж, технологийн дамжлага, инженерийн шугам сүлжээнд сорилт туршилт, тохируулга, зүгшрүүлэлт хийгдсэн байдал, үйлдвэрлэл, ажил үйлчилгээ явуулах, ашиглахад бэлэн эсэхийг шалгах;

4.2.3. барилга байгууламж, тоног төхөөрөмж, шугам сүлжээний угсралт, шинэчлэл, засварын ажлыг дутуу буюу чанаргүй гүйцэтгэсэн, хууль тогтоомж, норм, дүрэм, стандартын шаардлагыг зөрчсөн бол илэрсэн зөрчил, дутагдлыг арилгах хүртэл Техникийн комиссыг ажиллуулахгүй байх;

4.2.4. эрчим хүч, мэдээлэл, харилцаа холбооны барилга байгууламж, тоног төхөөрөмж, шугам сүлжээг Улсын комисс ажиллах хүртэл туршилтын журмаар түр холболт хийхийг зөвшөөрөх;

4.2.5. комиссын гишүүд нь өөрийн мэргэжлийн чиглэлээр илэрсэн зөрчил дутагдлыг бүрэн арилгуулсны дараа комиссын актад гарын үсэг зурж баталгаажуулах;

4.2.6. энэхүү дүрмийн 4 дүгээр хавсралтаар баталсан барилга байгууламжийг ашиглалтад оруулах Техникийн комиссын актыг үйлдэж ашиглалтад оруулах барилга байгууламжийн баримт бичгийн бүрдэлд оруулах.

Тав. Аж ахуйн нэгж, байгууллагын эрх, үүрэг

5.1. Аж ахуйн нэгж, байгууллага нь барилга байгууламжийг ашиглалтад оруулах комиссын бүрэлдэхүүнд орж ажиллах өөрийн төлөөллийг энэхүү дүрмийн 5 дугаар хавсралтаар баталсан Мэдэгдэлд заасан хугацаанд бэлэн байлгана.

5.2. Комисст ажиллах төлөөлөл нь комиссын үйл ажиллагаанд оролцохын өмнө ашиглалтад оруулах барилга байгууламжийн холбогдох баримт бичиг, бусад шаардлагатай материалтай урьдчилан танилцсан байна.

5.3. Аж ахуйн нэгж, байгууллага нь хүндэтгэн үзэх шалтгааны улмаас комисст төлөөллөө оролцуулах боломжгүй бол энэ тухай комиссын даргад албан ёсоор урьдчилан мэдэгдэнэ.
Зургаа. Гүйцэтгэгчийн эрх, үүрэг

6.1. Гүйцэтгэгч нь энэхүү дүрмийн 6 дугаар хавсралтаар баталсан барилга байгууламжийг ашиглалтад оруулахын тулд бүрдүүлэх жишиг баримт бичгийн жагсаалтын дагуу барилга байгууламжийн ил, далд ажлын гүйцэтгэлийн актыг гэрэл зураг болон гүйцэтгэлийн зургаар баримтжуулан бүрдүүлж, холбогдох байгууллага, албан тушаалтан, гарын үсэг зурж, тэмдэг дарсан, баримт бичгийн товъёог хийсэн байна.

6.2. Барилга байгууламж барих, өргөтгөл шинэчлэл хийх, засварлах явцад мэргэжлийн хяналтын болон захиалагч, зураг төслийн байгууллагаас өгсөн албан шаардлага, дүгнэлтийн биелэлтийг гаргасан байна.

6.3. Анхны зураг төслөөс өөрчилж гүйцэтгэсэн барилга байгууламжийн төлөвлөлт, бүтээц, гадна болон дотор инженерийн шугам сүлжээний ажилд гүйцэтгэлийн зураг гаргаж, баталгаажуулан хавсаргана.

6.4. Барилга байгууламжийн угсралтын ажлыг гүйцэтгэх явцын барилгын Техникийн тэмдэглэл /талбайн журнал/-ийг зохих ёсоор хөтөлж захиалагчид хүлээлгэн өгсөн байна.

6.5. Барилга угсралтын ажилд ашигласан түүхий эд, материал эдлэхүүний үйлдвэрийн паспорт, гарал үүсэл, тохирлын болон техникийн гэрчилгээ, чанарын баталгааг зохих ил, далд ажлын актад хавсаргасан байна.

6.6. Ерөнхий гүйцэтгэгч нь Улсын болон Техникийн комисс ажиллах үед туслан гүйцэтгэгчдийг байлцуулна.

6.7. Гүйцэтгэгч байгууллага улсын болон Техникийн комиссын хурлаас өгсөн үүрэг даалгаврын биелэлтийг гарган, захиалагч нь хянаж, зөвшөөрсөн байна.

6.8. Улсын комисс ажиллах үед барилга байгууламжийн зураг төсөл, холбогдох баримт бичиг, актуудын бүрдлийг бэлэн байлгана.

6.9. Энэхүү дүрмийн 5 дугаар хавсралтаар баталсан Мэдэгдлийг Техникийн комисс ажиллахаас 5 хоногийн өмнө комиссын гишүүдэд хүргэсэн байна.

Долоо. Захиалагчийн эрх, үүрэг

7.1. Барилга угсралтын ажил иж бүрэн гүйцэтгэгдсэн үед Техникийн комиссыг, Техникийн комиссоос өгсөн үүрэг даалгавар бүрэн биелэгдсэн нөхцөлд Улсын комиссыг ажиллуулна.

7.2. Захиалагч нь улсын болон Техникийн комиссын ажиллах нөхцөлийг хангаж, гарах зардлыг хариуцан, шаардлагатай бол комисс томилсон байгууллагаас дэмжлэг туслалцааг авна.

7.3. Барилга байгууламжийг ашиглалтад оруулахад дахин комисс ажиллуулах тохиолдолд түүнтэй холбогдон гарах зардлыг захиалагч хариуцна.

7.4. Захиалагч улсын болон Техникийн комиссын хурлын тэмдэглэл хөтөлж, өгсөн үүрэг, даалгаврын биелэлтийг гарган баталгаажуулна.

7.5. Захиалагч нь Улсын комисс ажиллуулах хүсэлт гаргахдаа Техникийн комиссын акт, хурлын тэмдэглэлийг өгсөн үүргийн биелэлтийн хамт мэргэжлийн хяналтын байгууллагад хүргүүлнэ. Энэхүү дүрмийн 5 дугаар хавсралтаар баталсан Мэдэгдлийг Улсын комисс ажиллахаас 5 хоногийн өмнө комиссын гишүүдэд хүргэнэ.

7.6. Комисс ажиллах үед энэхүү дүрмийн 6 дугаар хавсралтаар баталсан техникийн баримт бичиг, шаардлагатай бусад материалыг бүрдүүлсэн байна. Комисс ажиллахаас өмнө захиалагч, гүйцэтгэгч нь баримт бичгийн бүрдэлд дотоодын хяналтыг хийсэн байвал зохино.

Найм. Зураг төсөл зохиогчийн эрх, үүрэг

8.1. Барилга байгууламжийн зураг төслийн зохиогч нь комиссын бүрэлдэхүүнд орж ажиллана.

8.2. Техникийн комисс ажиллах үед зохиогчийн хяналтын нэгдсэн дүгнэлт гаргаж, биелэлтийг хангуулсан байна.

8.3. Зураг төсөл, холбогдох норм, дүрмийн шаардлагыг зөрчсөн тохиолдолд энэ тухай хурлын тэмдэглэлд тусгаж, тэдгээрийг арилгуулах арга хэмжээ авна.

8.4. Зураг төслийн ерөнхий гүйцэтгэгч байгууллага нь Улсын болон Техникийн комисс ажиллах үед зураг төслийн туслан гүйцэтгэгчийн төлөөллийг байлцуулна.

Ес. Дулаан, цахилгаан, ус хангамж, бохир ус зайлуулах болон харилцаа холбооны шугам сүлжээний байгууллагын эрх, үүрэг

9.1. Дулаан, цахилгаан, ус хангамж, бохир ус зайлуулах болон харилцаа холбооны шугам сүлжээний ашиглалтын байгууллага нь Комиссын бүрэлдэхүүнд өөрийн байгууллагыг төлөөлөн оролцох тухайн чиглэлийн ажил хариуцсан инженер, техникийн ажилтныг томилж, түүнийг ажиллах нөхцөл боломжоор хангана.

9.2. Энэхүү дүрмийн 9.1-д заасан байгууллагын төлөөлөл нь тухайн чиглэлийн зураг төсөл, барилга байгууламжийн угсралтын ажилтай танилцаж, шугам сүлжээ, тоног төхөөрөмж нь цаашид хэвийн найдвартай ажиллаж, ашиглах бололцоотой эсэх талаар дүгнэлт гаргана.

9.3. Техникийн нөхцөл болон зураг төсөл зөрчсөн тохиолдолд энэ тухай хурлын тэмдэглэлд тусгаж, тэдгээрийг арилгуулах арга хэмжээ авна.

 Арав. Төрийн захиргааны байгууллагын эрх, үүрэг

10.1. Төрийн захиргааны холбогдох байгууллага нь улсын комиссын бүрэлдэхүүнд өөрийн төлөөллийг оролцуулна.

10.2. Төрийн захиргааны байгууллага нь ашиглалтад орсон барилга байгууламжид паспорт, бүртгэлийн дугаар олгоно.

10.4. Төрийн захиргааны байгууллага Барилгын тухай хууль, холбогдох хууль тогтоомж болон норм дүрмийн заалт, тусгай зөвшөөрөлд заасан үйл ажиллагааны ажилбар зөрчсөн гүйцэтгэгч, зураг төслийн байгууллагын тусгай зөвшөөрлийг цуцлуулах санал тавьж болно.

Арван нэг. Хариуцлага

11.1 Энэхүү дүрмийг зөрчсөн этгээдэд холбогдох хууль тогтоомжийн дагуу хариуцлага хүлээлгэнэ.




 ---оОо---

Барилга байгууламжийг ашиглалтад оруулах
дүрмийн 1 дүгээр хавсралт

БАЙГУУЛАМЖИЙГ АШИГЛАЛТАД ОРУУЛАХ
УЛСЫН БОЛОН ТЕХНИКИЙН КОМИССЫН ХУРЛЫН ДЭГ

                                                                                           Нэг. Нийтлэг үндэслэл

1.1. Барилга байгууламжийг ашиглалтад оруулах, барилгын чанар, аюулгүй байдалд үнэлэлт дүгнэлт өгч, ашиглалтад авах шийдвэр гаргах Улсын болон Техникийн комиссын үйл ажиллагааг энэхүү дэгээр зохицуулна.

                                                                                         Хоёр. Хуралд бэлтгэх

2.1. Улсын болон Техникийн комиссын хурлын бэлтгэл ажлыг комиссын нарийн бичгийн дарга, захиалагч, гүйцэтгэгчтэй хамтран зохион байгуулна.

2.2. Улсын болон Техникийн комиссын нарийн бичгийн дарга техникийн баримт бичгийн бүрдлийг хянан үзэж шаардлага хангасан гэж үзвэл Улсын болон Техникийн комисс ажиллах мэдэгдлийг "Барилга байгууламжийн ашиглалтад оруулах дүрэм"-ийн 5 дугаар хавсралтаар баталсан маягтын дагуу гаргаж тараана.

2.3. Улсын болон Техникийн комиссын нарийн бичгийн дарга нь Улсын болон Техникийн комиссын хурлыг зохион байгуулан гишүүдийн ирцийг бүрдүүлэх, хурлын тэмдэглэл хөтөлж баталгаажуулах, акт албажуулах ажлыг гүйцэтгэнэ.

                                                                                        Гурав. Хурлын үйл ажиллагаа

3.1. Комиссын гишүүдийн дөрөвний гурав буюу 75 хувийн ирц бүрдсэн тохиолдолд хурлыг хүчинтэйд тооцно.

3.2. Комисс ажиллах боломжгүй тохиолдолд гишүүдийн саналыг үндэслэн барилга байгууламжийг ашиглалтад оруулах комисс дахин ажиллах тухай шийдвэрийг комиссын дарга гаргана.

3.3. Комиссын гишүүн хүндэтгэн үзэх шалтгаанаар хуралд оролцох боломжгүй болсон тохиолдолд хурал эхлэхээс 1 хоногийн өмнө комиссын даргад урьдчилан мэдэгдсэн байна. Энэ тохиолдолд гишүүн барилга байгууламжийг нөхөн шалгаж санал дүгнэлтээ комиссын нарийн бичгийн даргад маягтын дагуу хүргүүлнэ.

3.4. Комиссын гишүүн барилга байгууламжийн баримт бичигтэй танилцсаны дараа барилга байгууламжийн угсралт, тоног төхөөрөмж, технологийн дамжлага, инженерийн шугам сүлжээний ажил нь бат бэх эсэх, найдвартай ажиллагаа, зураг төсөл, барилга техникийн болон хөдөлмөр хамгаалал, аюулгүй байдал, ариун цэвэр, эрүүл ахуйн болон галын норм, дүрэм, хийц бүтээц, эдлэхүүн, материалын чанар стандарт, техникийн нөхцөлийн шаардлага хангасан эсэхийг нарийвчлан шалгаж санал дүгнэлт өгнө.

3.5. Гишүүн нь өөрийн санал дүгнэлтээ комиссын нарийн бичгийн даргад бичгээр гаргаж өгнө.

3.6. Комиссын дарга санал, дүгнэлтүүдийг нэгтгэж уг барилга байгууламжийг ашиглалтад оруулах, эсэх асуудлаар комиссын шийдвэр гаргуулна.

                                                                              Дөрөв. Хурлын шийдвэрийг хэрэгжүүлэх

4.1. Комиссын гаргасан шийдвэрийг үндэслэн барилга байгууламжийг ашиглалтад оруулах хурлын тэмдэглэлд комиссын дарга, нарийн бичгийн дарга гарын үсэг зурж албажуулна.

4.2. Комиссын гишүүд нь өгсөн санал дүгнэлтийнхээ биелэлтийг шалгаж, бүрэн биелсэн тохиолдолд актад гарын үсэг зурж баталгаажуулна. 


                                                                                                                ---оОо--- 



                                                                                                                              Барилга байгууламжийг ашиглалтад оруулах
                                                                                                                              дүрмийн 2 дугаар хавсралт
 

                                                   БАРИЛГА БАЙГУУЛАМЖИЙГ АШИГЛАЛТАД ОРУУЛАХ
                                                   УЛСЫН БОЛОН ТЕХНИКИЙН КОМИССЫН БҮРЭЛДЭХҮҮН

1. Засгийн газар хоорондын хэлэлцээрийн дагуу гадаад, дотоодын хөрөнгө оруулалтаар баригдсан, улсын болон олон улсын шинж чанартай, барилга байгууламжийг ашиглалтад оруулах Улсын болон Техникийн комисс дараахь бүрэлдэхүүнтэй байна. Үүнд:
 

В. Хөдөө орон нутагт баригдсан барилга байгууламжийг ашиглалтад оруулах Улсын болон Техникийн комисс ажиллахад түүний бүрэлдэхүүнд орон нутгийн холбогдох байгууллага, мэргэжлийн хяналтын улсын байцаагч орж ажиллана.

2. Хөрөнгийн эх үүсвэр харгалзахгүйгээр үйлчлэх хүрээ нь улсын болон бүс нутгийн чанартай, улс орны эдийн засгийн ач холбогдолтой технологийн нарийн горим бүхий барилга байгууламжийг ашиглалтад хүлээн авах Улсын болон Техникийн комисс дараахь бүрэлдэхүүнтэй байна. Үүнд:
 

 комиссын дарга:

                                                                                              Барилга    байгууламжийг ашиглалтад                                                                                                                                                оруулах   дүрмийн   6 дугаар хавсралт