Үндэсний  татварын  ерөнхий  газрын даргын  2002 оны 12 дугаар сарын 17-ны өдрийн   226   тоот    тушаалын   хавсралт

 

 

                                                                                      

 

Нэг. Нийтлэг үндэслэл

 

            1.1. Үндэсний татварын  ерөнхий  газрын  Нөөцийн удирдлага, дотоод хяналтын хэлтэс, Татварын удирдлага, арга зүйн хэлтэс, Татвар  хураалтын  хэлтэс, Хяналт шалгалтын хэлтэс,  Улсын  бүртгэлийн  алба, Сургалт үйлчилгээний  төв (цаашид хэлтэс, алба, төв гэж нэрлэнэ) болон Төвлөрсөн төсвийн орлого, хяналтын газар, аймаг, нийслэл, дүүргийн татварын  хэлтэс (газар) (цаашид татварын  алба  гэж  нэрлэнэ)-ийн хооронд татварын хууль тогтоомжийг хэрэгжүүлэх, аж ахуйн  нэгж, байгууллага, төсөвт газрыг  улсын  бүртгэлд бүртгэх, албан татвар, төлбөр, хураамж төлөгчийг татварын  албадад  бүртгэх, тайлан хүлээн авах, татвар  ногдуулах, төлүүлэх, татвар  төлөгчдөд  татварын хөнгөлөлт, чөлөөлөлт  эдлүүлэх, татвар хураах, татварын  хяналт  шалгалт  хийх, санхүүгийн  болон хүний  нөөцийг  зохистой  хуваарилах, татвар  төлөгчдөд үйлчилгээ  үзүүлэх зэрэг  үйл  ажиллагаатай  холбогдсон тайлан, мэдээг боловсруулах,  судалгаа, шинжилгээ  хийх, боловсруулагдсан  мэдээллийг  дамжуулах, дүгнэлт  гаргах, бүх  шатны  удирдлагыг   үнэн  зөв  мэдээллээр  хангаж   шийдвэр  гаргуулах,  доголдож  байгаа үйл  ажиллагааг  хугацаа алдалгүйгээр  засч  залруулах, сайжруулах чиглэл  өгөхөд энэхүү журмын  зорилго  оршино.

 

1.2.Татварын  алба,  түүний холбогдох  хэлтэс,  тасаг, татварын  улсын  байцаагч  хоорондын мэдээллийн урсгалыг ҮТЕГ-ын  даргын тушаалаар батлагдсан журам, аргачлалаар  зохицуулна.

 

1.3.Татварын  алба  нь ҮТЕГ-аас  баталсан маягт, хэрэглээний  программыг ашиглан татвар  төлөгчдөөс  болон татварын  улсын (ахлах) байцаагчаас гаргасан тайлан,  мэдээ,  судалгаа, тооцоог   нэгтгэн   мэдээллийн санг  бий  болгоно.

 

1.4.Татварын  албаны удирдлага нь журмын 1.3-д заасан  мэдээллийн санг ашиглан  үйл  ажиллагаандаа дүгнэлт хийж  шаардлагатай   арга  хэмжээг  шуурхай авч  хэрэгжүүлнэ. 

 

1.5.Татварын  алба  нь боловсруулагдсан  мэдээллийг алсын сүлжээгээр,  шуудангаар гэсэн 2 хэлбэрээр ҮТЕГ-т  ирүүлнэ.

Алсын сүлжээгээр  ирүүлэх мэдээллийг ҮТЕГ-ын  Мэдээлэл  боловсруулалт,  автоматжуулалтын  хэлтэст, шуудангаар  ирүүлэх  мэдээллийг бусад  хэлтэс,  алба,  төвд  ҮТЕГ-аас тогтоож өгсөн   хугацаанд  багтаан  хүргүүлнэ.  Зарим мэдээлэл  давхацсан  байдлаар ирж  болно.

-Алсын   сүлжээгээр  ирүүлэх  мэдээлэл  нь  программчилагдсан байна.

-Шуудангаар ирүүлэх мэдээллийг ҮТЕГ-ын даргын  тушаалаар батлагдсан маягтаар  гаргасан  байна.   

 

1.6. ҮТЕГ-ын   Мэдээлэл боловсруулалт,  автоматжуулалтын хэлтэс нь  тухайн  татварын  албанаас алсын сүлжээгээр  ирүүлсэн мэдээллийг системийн  хэмжээнд  нэгтгэн боловсруулж үйл  ажиллагааны чиглэлээр  хэлтэс,  алба, төвд өгнө. Нэгтгэн боловсруулсан мэдээллийн үнэн  зөв,  бодитой   байдлыг Мэдээлэл боловсруулалт,  автоматжуулалтын хэлтэс  хариуцна.

 

 

2.1.Татварын удирдлагын мэдээлэл нь  дараах  үйл  ажиллагааг хамаарна. Үүнд:

 

2.2.1.улсын  бүртгэл

2.2.2.татвар төлөгчийн  бүртгэл

2.2.3.татвар төлөгчдөд  үзүүлэх үйлчилгээ, сургалт,  сурталчилгаа

2.2.4.албан татвар, хураамж, төлбөрийн тайлан хүлээн авалт

2.2.5.татварын  хяналт шалгалт

2.2.6.татвар  хураалт

2.2.7.төвлөрсөн болон орон нутгийн татварын  орлогын төлөвлөгөөний биелэлт

2.2.8.санхүүгийн  болон  хүний  нөөцийн  ашиглалт

2.2.9.татварын маргаан  таслах

2.2.10.Монгол Улсын хууль  тогтоомж, зохион байгуулалт-захирамжлалын  баримт бичгийн хэрэгжилт

2.2.11.татварын  албаны  үйл  ажиллагаа, гүйцэтгэлийн стандартын  биелэлт

 

2.2.Татварын алба  нь  мэдээллийг дараах  байдлаар боловсруулна.

2.2.1.татварын  улсын (ахлах)  байцаагч  буюу хэлтэс,   тасгаас  энэ   журмын 2.1-д  заасан үйл  ажиллагааны  чиглэлээр гаргаж  байгаа мэдээ, тайлан, товчоо,   нэгтгэл,  судалгааг  Мэдээлэл  боловсруулалт,  статистикийн  тасаг (хэлтэс)-т   боловсруулалт  хийнэ. Боловсруулалтыг холбогдох бусад хэлтэс, тасгаар гүйцэтгүүлэхээр татварын албаны дарга шийдвэрлэж  зохицуулсан тохиолдолд мэдээллийг тухайн  хэлтэс,  тасгийн татварын  улсын (ахлах) байцаагч буюу холбогдох хэлтэс,  тасаг  гаргана.

2.2.2.мэдээлэл боловсруулалт,  статистикийн тасаг(хэлтэс), татварын  улсын (ахлах) байцаагч буюу хэлтэс, тасгаас гаргасан  мэдээлэлтэй татварын  албаны  дарга  тухай  бүр  танилцана.

2.3.Татварын  албаны  дарга боловсруулагдсан мэдээлэлтэй  танилцаж,  мэдээллийг ҮТЕГ-ын Мэдээлэл боловсруулалт,  автоматжуулалтын  хэлтэс  болон холбогдох  хэлтэс, алба, төвд  хүргүүлнэ.

 

2.4.Татварын  албаны  дарга  нь ҮТЕГ-ын хэлтэс,  алба, төвөөс татварын удирдлагын асуудлаар өгсөн чиглэл,  удирдамжийг хэрэгжүүлэх ажлыг шуурхай зохион байгуулна.

 

 

3.1. Мэдээлэл  боловсруулалт, автоматжуулалтын  хэлтэс  нь  татварын албанаас  алсын сүлжээгээр ирүүлсэн мэдээллийг ҮТЕГ-ын  хэмжээнд хүлээн авч, нэгтгэн боловсруулна.

 

            3.2.ҮТЕГ-ын хэлтэс, алба, төв нь Мэдээлэл боловсруулалт,  автоматжуулалтын  хэлтэст боловсруулсан мэдээллийг дотоод сүлжээгээр энэ журмын 1, 2, 3, 4, 5, 6 дугаар хавсралтуудад заасан «Үндэсний татварын албаны татварын удирдлагын мэдээлэл, тэдгээрт дүгнэлт хийх  хугацаа, мэдээллийг  ашиглах  жагсаалт»-ын дагуу хүлээн авна.

Харин  шуудангаар  ирүүлсэн  мэдээллийг  холбогдох  хэлтэс,  алба,  төв хүлээн  авч,  боловсруулалт  хийнэ.

 

3.3.ҮТЕГ-ын хэлтэс,  алба,  төв  нь 3.2-т заасны дагуу мэдээллийг хүлээн  авч дараах  чиглэлүүдээр  дүгнэлт  хийж  ажиллана. Үүнд:

 3.3.1.Нөөцийн удирдлага, дотоод  хяналтын  хэлтэс  санхүүгийн  болон  хүний  нөөцийн  ашиглалт,  Монгол  Улсын  хуулиуд, зарлиг,  тогтоол, СЭЗС-ын  болон ҮТЕГ-ын даргын  тушаал,  шийдвэрийн  биелэлт, татварын  хэрэг  бүртгэлт,  татварын  маргаан таслах үйл  ажиллагаатай холбоотой  мэдээллийг;

3.3.2.Татварын  удирдлага,  арга  зүйн  хэлтэс  татварын  албаны  үйл  ажиллагаа,  гүйцэтгэлийн  стандартын  биелэлт, татварын  хууль  тогтоомжийг боловсронгуй  болгох  үйл  ажиллагаатай  холбоотой  мэдээллийг;

3.3.3.Татвар хураалтын  хэлтэс  татвар  төлөгчийн бүртгэл, албан  татвар,  хураамж,   төлбөрийн тайлан хүлээн  авалт, татвар  хураалт, төвлөрсөн  болон  орон  нутгийн  төсвийн  татварын  орлогын  төлөвлөгөөний  биелэлт болон  онцгой  албан  татварын  тэмдгийн,  хадгаламж,  зээлийн  хоршооны  үйл  ажиллагаатай  холбоотой  мэдээллийг;

3.3.4.Хяналт  шалгалтын хэлтэс татварын  хяналт  шалгалтын  үйл  ажиллагаатай  холбоотой  мэдээллийг;

3.3.5.Улсын  бүртгэлийн  алба  улсын  бүртгэлийн  үйл  ажиллагаатай  холбогдсон мэдээллийг;

3.3.6.Сургалт,  үйлчилгээний  төв татвар  төлөгчдөд  үйлчилгээ  үзүүлэх, сургалт  явуулах, сурталчилгаа хийх  үйл  ажиллагаатай  холбоотой  мэдээллийг;

3.3.7.Төвлөрсөн  төсвийн  орлого хяналтын  газар аймаг, нийслэл,  дүүргийн татварын  хэлтэс (газар)-ээс төвлөрсөн  төсвийн Төрийн  сангийн  нэгдсэн  дансанд төвлөрүүлж  буй  орлогыг 7  хоногоор,  сараар, улирлаар, татварын  тайлангаар болон хяналт  шалгалтаар   ногдуулсан, төлсөн татвар,  барагдаагүй татварын  өр, нэмэгдсэн  өртгийн  албан  татварын буцаан  олголттой  холбоотой мэдээллийг;

 

3.4.ҮТЕГ-ын  хэлтэс,  алба,  төвөөс гаргаж  байгаа дүгнэлт  нь дараах  шаардлагыг  хангасан  байна.

3.4.1.үйл  ажиллагааг  бүрэн  буюу  хэсэгчлэн  хамарсан  байна.

3.4.2.үйл ажиллагааны гүйцэтгэлийн үзүүлэлтүүдийн тухайн тайлангийн  хугацаанд   хүрсэн  түвшин  нь  тодорхой  тоо,  хувиар   илэрхийлэгдсэн  байна.

3.4.3.үйл  ажиллагааны гүйцэтгэлийн  бодит үр  дүнг  төлөвлөсөн  зорилттой  харьцуулж  өсөлт,  бууралтыг  тооцоолох аргаар  хийж,  зорилт, гүйцэтгэлийн  зөрүүгийн  шалтгааныг  илрүүлсэн  байна.

3.4.4.үйл  ажиллагааны  зорилтын  хүрэх үр  дүн нь  тодорхой, хэмжигдэхүйц, бодитой,  цаг  хугацааны  хязгаартай  байна.

 

3.5.ҮТЕГ-ын хэлтэс, алба, төв нь  гаргасан дүгнэлтээ үндэслэн санал, зөвлөмж, мэдээ, мэдээлэл, илтгэх  хуудас, тайлан,  удирдамж  бэлтгэн ҮТЕГ-ын дарга, дэд даргад танилцуулан доголдож байгаа үйл ажиллагааны талаар тухайн татварын албанд  мэдэгдэж,  хэрэгжилтийг  хангуулна.

 Үүний  зэрэгцээ ҮТЕГ-ын хэлтэс,  алба,  төв  нь доголдож  байгаа үйл  ажиллагааны чиглэлээр татварын  хууль  эрх  зүйн орчинг боловсронгуй болгох саналын төсөл боловсруулах,  шийдвэрлүүлэх,  хууль  тогтоомжийн  хүрээнд  сайжруулах  арга  хэмжээг  авна.

 

            3.6.Татварын удирдлагын  мэдээлэлтэй  холбоотой  асуудлаар ҮТЕГ-ын  ТУАЗ-н хэлтэс  II, IV улирлынхийг татварын албадад хийсэн хяналт-шинжилгээ,  үнэлгээ хийсэн  тайлантай  хамтатгаж, бусад  хэлтэс,  алба,  төв  нь  I, III улиралд  энэ журамд заасны дагуу хийсэн ажлаа нэгтгэн ҮТЕГ-ын даргын  зөвлөлийн  хуралдаанд   танилцуулна.

 

4.1.Тухайн татварын албанаас гаргаж алсын сүлжээгээр ирүүлсэн мэдээлэлд ҮТЕГ-ын Мэдээлэл боловсруулалт, автоматжуулалтын хэлтэс, шуудангаар ирүүлсэн мэдээлэлд үйл  ажиллагааны чиглэлээр харъяалсан хэлтэс, алба, төв тус тус хяналт тавина.

 

4.2.ҮТЕГ-ын  хэлтэс, алба, төвөөс гаргасан мэдээлэлд Татварын  удирдлага, арга  зүйн  хэлтэс   хяналт  тавина.

 

 

 

Үндэсний  татварын албаны  татварын  удирдлагын мэдээлэл, тэдгээрт дүгнэлт хийх хугацаа, мэдээллийг  ашиглах   жагсаалт

 

 

Үндэсний  татварын албаны  татварын  удирдлагын мэдээлэл, тэдгээрт дүгнэлт хийх хугацаа, мэдээллийг  ашиглах   жагсаалт

 

 

Үндэсний  татварын албаны  татварын  удирдлагын мэдээлэл, тэдгээрт дүгнэлт хийх хугацаа, мэдээллийг  ашиглах   жагсаалт

 

 

  

 

Үндэсний  татварын албаны  татварын  удирдлагын мэдээлэл, тэдгээрт дүгнэлт хийх хугацаа, мэдээллийг  ашиглах   жагсаалт

 

 

 

 

Үндэсний  татварын албаны  татварын  удирдлагын мэдээлэл, тэдгээрт дүгнэлт хийх хугацаа,мэдээллийг  ашиглах   жагсаалт

 

 

 

Үндэсний  татварын албаны  татварын  удирдлагын мэдээлэл, тэдгээрт дүгнэлт хийх хугацаа, мэдээллийг  ашиглах   жагсаалт