МУГЕГ-ын даргын 2003 оны

                                                                             21-тоот тушаалын хавсралт.

 

 

ГААЛИЙН БАТАЛГААТ ҮЗЭСГЭЛЭНГИЙН ГАЗРЫН ГОРИМЫГ ХЭРЭГЖҮҮЛЭХ ЖУРАМ

 

Нэг.  Нийтлэг үндэслэл

 

     1.1. Тэргүүний техник технологи судлах, захиалахад аятай нөхцлийг бүрдүүлэх зорилгоор гаалийн нутаг дэвсгэрт байгуулагдсан гаалийн баталгаат үзэсгэлэнгийн газарт энэхүү журмын дагуу гаалийн бүрдүүлэлт хийж, хяналт тавина.

      1.2. Баталгаат үзэсгэлэн нь олон улсын буюу орон нутгийн чанартай байж болно.

 

                                Хоёр. Горимын код, түүнд хамаарах бараа

 

       2.1. Гаалийн баталгаат үзэсгэлэнгийн газарт оруулах буюу гаргах үзэсгэлэнгийн бараанд дараах кодоор гаалийн бүрдүүлэлт хийнэ. Үүнд:

 

 

2.2. Монголын барааг гаалийн баталгаат үзэсгэлэнгийн газраас гадаадад бүрмөсөн гаргахад 150 кодоор гаалийн бүрдүүлэлт хийнэ.

     2.3. Монголын барааг гаалийн баталгаат үзэсгэлэнгийн газраас гадаадад түр хугацаагаар гаргахад 250, 251-253 кодоор гаалийн бүрдүүлэлт хийнэ

.2.4.  Энэ журмын дагуу гаргасан барааны хугацаа сунгахад / 294 кодоор гаалийн бүрдүүлэлт хийхэд / өмнө нь 250 кодоор гаалийн бүрдүүлэлт хийсэн монголын бараа хамаарна.

     2.5.  Энэ журмын дагуу гаргасан барааны хугацаа сунгахад / 295-297 кодоор гаалийн бүрдүүлэлт хийхэд / өмнө нь 251-253 кодоор бүрдүүлэлт хийсэн монголын бараа хамаарна

     2.6. Гадаадын барааг гаалийн баталгаат үзэсгэлэнгийн газраас гадаадад буцаан гаргахад / 350 кодоор гаалийн бүрдүүлэлт хийхэд / өмнө нь 703, 713, 723, 733, 743, 753, 763, 773, 783, 793, 803, 813, 823 кодоор бүрдүүлэлт хийсэн  бараа хамаарна

     2.7. Гадаадын барааг гаалийн баталгаат үзэсгэлэнгийн газраас гаалийн нутаг дэвсгэрт бүрмөсөн оруулахад / 550-553 кодоор гаалийн бүрдүүлэлт хийхэд / өмнө нь 703, 713, 723, 733, 743, 753, 763, 773, 783, 793, 803, 813, 823 кодоор бүрдүүлэлт хийсэн гадаадын бараа хамаарна

     2.8. Гадаадын барааг гаалийн баталгаат үзэсгэлэнгийн газраас гаалийн нутаг дэвсгэрт түр хугацаагаар оруулахад / 550-553 кодоор гаалийн бүрдүүлэлт хийхэд / өмнө нь 703, 713, 723, 733, 743, 753, 763, 773, 783, 793, 803, 813, 823 кодоор бүрдүүлэлт хийсэн гадаадын бараа хамаарна.

     2.9.  Энэ журмын дагуу оруулсан барааны хугацаа сунгахад / 510, 521-523 кодоор гаалийн бүрдүүлэлт хийхэд / өмнө нь 550-553 кодоор бүрдүүлэлт хийсэн гадаадын бараа хамаарна.

     2.10. Монголын барааг гаалийн баталгаат үзэсгэлэнгийн газраас буцаан оруулахад 650 кодоор гаалийн бүрдүүлэлт хийнэ.

     2.11. Гадаадад чөлөөт эргэлтэд байсан барааг гаалийн баталгаат үзэсгэлэнгийн газарт оруулахад 703 кодоор гаалийн бүрдүүлэлт хийнэ. Бүрмөсөн гаргасан монголын бараа энэ горимд хамаарах тохиолдолд холбогдох гаалийн мэдүүлгийг шаардана.

     2.12. Гадаадад өөрчлөлт оруулалгүй буцаан оруулах нөхцөлтэй түр хугацаагаар гаргасан  барааг гаалийн баталгаат үзэсгэлэнгийн газарт шууд оруулахад / 713 кодоор гаалийн бүрдүүлэлт хийхэд / өмнө нь 200, 230, 240, 250, 260, 270, 280, 290, 294 кодоор бүрдүүлэлт хийсэн монголын бараа хамаарна.

     2.13. Гадаадад өөрчлөлт оруулж буцаан оруулах нөхцөлтэй түр хугацаагаар гаргасан  барааг гаалийн баталгаат үзэсгэлэнгийн газарт шууд оруулахад / 723 кодоор гаалийн бүрдүүлэлт хийхэд / өмнө нь 201-203, 231-233, 241-243, 251-253, 261-263, 271-273, 281-283, 291-293, 295-297 кодоор бүрдүүлэлт хийсэн монголын бараа хамаарна.

     2.14. Гаалийн нутаг дэвсгэрт чөлөөт эргэлтэд байсан гадаадын барааг гаалийн баталгаат үзэсгэлэнгийн газарт оруулахад / 733 кодоор гаалийн бүрдүүлэлт хийхэд / өмнө нь Гаалийн нутаг дэвсгэрт бүрмөсөн оруулсан гадаадын барааны 400-494 кодоор гаалийн бүрдүүлэлт хийсэн  мэдүүлгийг шаардана.

     2.15. Гаалийн нутаг дэвсгэрт өөрчлөлт оруулалгүй буцаан гаргах нөхцөлтэй түр хугацаагаар оруулсан гадаадын барааг гаалийн баталгаат үзэсгэлэнгийн газарт  оруулахад / 743 кодоор гаалийн бүрдүүлэлт хийхэд / өмнө нь 500, 507, 510, 514, 520, 530, 540, 550, 560, 570, 580, 590 кодоор  гаалийн бүрдүүлэлт хийсэн  бараа хамаарна.

     2.16. Гаалийн нутаг дэвсгэрт өөрчлөлт оруулж буцаан гаргах нөхцөлтэй түр хугацаагаар оруулсан барааг гаалийн баталгаат үзэсгэлэнгийн газарт  оруулахад / 753 кодоор гаалийн бүрдүүлэлт хийхэд/  өмнө нь 501-503, 504-506, 511-513, 521-523, 531-533, 551-553, 561-563,  571-573, 581-583, 591-593 кодоор гаалийн  бүрдүүлэлт хийсэн гадаадын бараа хамаарна.

     2.17. Гаалийн баталгаат агуулахаас гаалийн баталгаат үзэсгэлэнгийн газарт оруулахад / 763 кодоор гаалийн бүрдүүлэлт хийхэд / өмнө нь  700-701, 710-711, 720-721, 730-731, 740-741, 750-751, 760-761, 770-771, 780-781, 790-791, 800-801, 810-811,820-821 кодоор  гаалийн бүрдүүлэлт хийсэн  бараа хамаарна.

     2.18. Гаалийн баталгаат үйлдвэрийн газраас гаалийн баталгаат үзэсгэлэнгийн газарт оруулахад /773 кодоор гаалийн бүрдүүлэлт хийхэд / өмнө нь  702, 712, 722, 732, 742, 752, 762, 772, 782, 792, 802, 812, 822 кодоор  гаалийн бүрдүүлэлт хийсэн  бараа хамаарна.

     2.19. Гаалийн баталгаат үзэсгэлэнгийн газраас гаалийн баталгаат агуулахад оруулахад / 780-788 кодоор гаалийн бүрдүүлэлт хийхэд / өмнө нь  703, 713, 723, 733, 743, 753, 763, 773, 783, 793, 803, 813, 823 кодоор  гаалийн бүрдүүлэлт хийсэн  бараа хамаарна.

 2.20. Гаалийн баталгаат барилгын талбайгаас гаалийн баталгаат үзэсгэлэнгийн газарт оруулахад / 793 кодоор гаалийн бүрдүүлэлт хийхэд / өмнө нь  704, 714, 724, 734, 744, 754, 764, 774, 784, 794, 804, 814, 824 кодоор  гаалийн бүрдүүлэлт хийсэн  бараа хамаарна.

      2.21. Гаалийн тусгай бүсээс гаалийн баталгаат үзэсгэлэнгийн газарт оруулахад / 803 кодоор гаалийн бүрдүүлэлт хийхэд / өмнө нь  705-707, 715-717, 725-727, 735-737, 745-747, 755-757, 765-767, 775-777, 785-787, 795-797, 805-807, 815-817, 825-827  кодоор  гаалийн бүрдүүлэлт хийсэн  бараа хамаарна.

2.22. Татваргүй барааны дэлгүүрээс гаалийн баталгаат үзэсгэлэнгийн газарт оруулахад / 813 кодоор гаалийн бүрдүүлэлт хийхэд  өмнө нь  708, 718, 728, 738, 748, 758, 768, 778, 788, 798, 808, 818, 828 кодоор  гаалийн бүрдүүлэлт хийсэн  бараа хамаарна.

2.23. Гаалийн бусад хяналтад байгаа барааг гаалийн баталгаат үзэсгэлэнгийн газарт оруулахад / 823 кодоор гаалийн бүрдүүлэлт хийхэд өмнө нь  энэ журмын 2.2-2.22-т зааснаас бусад гаалийн хяналтад байгаа бараа хамаарна.

 

                           Гурав.   Бичиг  баримтын бүрдүүлэлт

 

3.1. Гаалийн баталгаат үзэсгэлэнгийн газарт оруулах, гаргах бараа, тээврийн хэрэгслийн гаалийн мэдүүлгийн маягт, түүнийг нөхөн бичих, түүнтэй ажиллах зааврын дагуу гаалийн байгууллагад мэдүүлж шаардагдах бичиг баримтыг бүрдүүлнэ. Үүнд:

                 -Монголын худалдаа аж үйлдвэрийн танхимын санал,

                 -Тээврийн бичиг баримт

                 -Үнийн нэхэмжлэх

                 -Баглаа боодлын тодорхойлолт

                 -Шаардлагатай бусад бичиг баримт

 3.2. Энэ журмын дагуу  Гаалийн баталгаат үзэсгэлэнгийн газарт оруулах үзэсгэлэнгийн барааны гаалийн мэдүүлэгт "ГБА, ГБҮГ, ГББТ, ГБҮзГ, ГТБ-д оруулахыг зөвшөөрөв " гэсэн хяналтын тэмдэг дарж, горимд хамаарах хэсгийн доогуур нь зурна.

3.3.  Энэ журмын дагуу Гаалийн баталгаат үзэсгэлэнгийн газраас гаргах барааны гаалийн мэдүүлэгт сонгосон горимын дагуу холбогдох хяналтын тэмдгийг дарна.

3.4. Барааг гаалийн нутаг дэвсгэрээр дамжуулахгүйгээр хилийн чанадаас шууд Гаалийн баталгаат үзэсгэлэнгийн газарт оруулах, тэндээс мөн Гаалийн нутаг дэвсгэрээр дамжуулахгүйгээр шууд хилийн чанадад гаргах тохиолдолд гаалийн хялбарчилсан бүрдүүлэлт хийнэ.

3.5. Гаалийн баталгаат үзэсгэлэнгийн газарт оруулах, гаргах бараа, тээврийн хэрэгслийн гаалийн хяналт, шалгалт, бүрдүүлэлтийг Гаалийн тухай хууль болон гаалийн хилээр нэвтрүүлэх бараа, тээврийн хэрэгсэлд гаалийн хяналт, шалгалт хийх үйл ажиллагааны журмын дагуу хийнэ.

 

Дөрөв.   Горимын шаардлага

 

4.1. Гаалийн баталгаат үзэсгэлэнгийн газар байгуулагч нь Гаалийн тухай хуулийн 26 дугаар зүйлийн 2-т дурьдсанаас бусад үйл ажиллагаа явуулахыг хориглоно.

4.2. Баталгаат үзэсгэлэнгийн газарт зөвхөн тухайн үзэсгэлэнгийн газар байгуулах аж ахуйн нэгж байгууллагын бараа, тээврийн хэрэгслийг оруулна.

4.3. Гаалийн баталгаат үзэсгэлэнгийн газар нь харуул хамгаалалт, дохиололын найдвартай систем, гэрэлтүүлэг, тусгаарласан тодорхой таних тэмдэг болон галын аюулгүй байдлыг хангасан байна.

4.4. Гаалийн хяналт, шалгалтыг хэвийн явуулах техник хэрэгсэл болон гаалийн ажилтныг ажиллах нөхцлөөр хангасан байна.

4.5. Баталгаат үзэсгэлэнгийн газарт орсон бүх бараа үзэсгэлэнгийн арга хэмжээ явагдаж дуусах хүртэлх хугацаанд гаалийн хяналтанд байна.

 

Тав.   Гаалийн болон бусад татвар

 

5.1. Гаалийн баталгаат үзэсгэлэнгийн газарт оруулсан бараа алга болох, дутах, өөр зориулалтаар ашигласан, тогтоосон хугацаанд нь буцаан гаргаагүй бол Гаалийн тухай хуулийн дагуу хариуцлага тооцож, холбогдох горимоор гаалийн бүрдүүлэлт хийж гаалийн болон бусад татварыг нөхөн төлүүлнэ.

 5.2.Баталгаат үзэсгэлэнгийн газарт орох үзэсгэлэнгийн бараа, туслах техник хэрэгсэл, чимэглэл, сурталчилгааны матералын жагсаалт, шаардлагатай бусад бичиг баримтыг үндэслэн гаалийн мэдүүлэг бичиж гаалийн болон бусад албан татваргүйгээр оруулна.

 5.3. Гаалийн баталгаат үзэсгэлэнгийн газарт оруулсан Монголын барааг гадаадад гаргахад экспортын татвартай бол түүнийг ногдуулан барагдуулж нэвтрүүлнэ.

 

 Зургаа.  Бусад

 

6.1.Энэ журмаар зохицуулагдаагүй асуудлыг гаалийн тухай хууль болон холбогдох бусад хууль тогтоомжийн дагуу шийдвэрлэнэ.