Ой, хээрийн түймрийн эргүүлийн болон түймэр унтраах нислэг, төлөвлөгөөт дадлага-сургуулиар десантын буулт гүйцэтгэх үед ажилласан нисэн-ажиглагч, зааварлагч, шүхэрчин-гал сөнөөгч, нислэг дадлагын үед зайлшгүй байх буултыг удирдах бүрэлдэхүүн, эмч, жолооч холбоочин, хөдөлмөр аюулгүй ажиллагааны зааварлагч нарыг иргэний агаарын хөлгийн багийн гишүүдэд олгодог хоолны үнийн жишгээр тооцож, өдөрт Засгийн газрын 86 дугаар тогтоолын 5а-д заасны дагуу "нэг удаа" хооллоно. Хооллосон хүмүүсийн хоолны үнийн тооцоог салбарын нисэн-ажиглагч, зааварлагч нар хариуцан гүйцэтгэж, байгалийн гамшигтай тэмцэх салбаруудын ня-бо улирал бүрийн эцэст Улсын иргэний хамгаалалтын газрын санхүүгийн албанд тайлангаа гаргаж өгнө. Ой хээрийн түймэр унтраахад онгоцноос шүхрээр буусан зааварлагч, шүхэрчин-гал сөнөөгч нар буулт тутамд үндсэн цалингийн Засгийн газрын 86 дугаар тогтоолын 5г-д заасны дагуу "12 хувиар", нисдэг тэрэгнээс десантаар буусан буулт тутамд үндсэн цалингийн 12 хувиар дадлага-сургуулийн болон үзүүлэх буулт тутамд үндсэн цалингийн 10 хувиар бодож урамшил олгоно. Ой, хээрийн түймэр, байгалийн болон нийтийг хамарсан гамшиг, үйлдвэрийн томоохон ослын үед үүрэг гүйцэтгэхээр ниссэн нисэн-ажиглагч нарт агаарын хөлгийн хоёрдугаар нисгэгчид олгодог цагийн хөлсөөр тооцон урамшил олгоно. Усанд живсэн, нурангид дарагдсан, хүчтэй үйлчилгээтэй хорт бодисоор хордсон хүмүүсийг аврах, эрж олох, эмнэлгийн анхны яаралтай тусламжийг газар дээр нь үзүүлэх үүрэг гүйцэтгэсэн хүмүүст дор дурьдсан хэмжээгээр урамшил олгоно.

Гамшиг, ослын төрөл	Хүний амь аварсан	Амь үрэгдсэн хүний цогцсыг эрж олох, цогцсыг гаргах	Эмнэлгийн яаралтай тусламж газар дээр нь үзүүлэх
1.   Үер усны аюул	Аврагдсан хүний тоогоор биечлэн аварсан хүн тус бүрт 5000 төгрөг	Гаргасан цогцосны тоогоор биечлэн гүйцэтгэсэн хүн бүрт 3000 төгрөг	Тусламж авсан хүний тоогоор тусламж үзүүлсэн хүн бүрт 1000 төгрөг
2.   Цацраг идэвхт болон хүчтэй үйлчилгээтэй хорт бодисын аюул	Аврагдсан хүний тоогоор биечлэн аварсан хүн тус бүрт 5000 төгрөг	Гаргасан цогцосны тоогоор биечлэн гүйцэтгэсэн хүн бүрт 3000 төгрөг	Тусламж авсан хүний тоогоор тусламж үзүүлсэн хүн бүрт 1000 төгрөг
3.   Бусад гамшиг, ослын аюул (түймэр, үйлдвэрийн болон зам тээврийн осол, газар хөдлөлт)	Аврагдсан хүний тоогоор биечлэн аварсан хүн тус бүрт 5000 төгрөг	Гаргасан цогцосны тоогоор биечлэн гүйцэтгэсэн хүн бүрт 3000 төгрөг	Тусламж авсан хүний тоогоор тусламж үзүүлсэн хүн бүрт 1000 төгрөг

Байгалийн болон нийтийг хамарсан гамшиг, ослын үед ажилласан хүмүүст олгох хоол, нэмэгдэл хангалтыг "Иргэний хамгаалалтын хөдөлмөрийн аюулгүй ажиллагааны дүрэм"-ийн тавдугаар хавсралтад зааснаар олгоно. Байгалийн болон нийтийг хамарсан гамшиг, үйлдвэрийн томоохон ослын ажилласан иргэдэд хөдөлмөрийн хөлсийг нь тухайн аймаг, /нийслэл/, сум /дүүрэг/-ын Иргэний хамгаалалтын дарга, БОК-ын тодорхойлолтоор үндсэн байгууллага нь тодорхой ажил хөдөлмөр эрхэлдэггүй иргэдэд тухайн үед мөрдөж байгаа цагийн хөдөлмөрийн хөлсний доод хэмжээг баримтлан ажилласан цагаар нь тооцож урамшлыг орон нутгийн төсвөөс олгоно. Байгалийн болон нийтийг хамарсан гамшиг, үйлдвэрийн томоохон ослын үед ажилласан хүмүүст олгох зардал, урамшлыг төсөвт дараах журмаар тусгана.