Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
ХэвлэхХХАА-н сайдын 2001 оны
А/126 тоот тушаалын хавсралт
Энэхүү журмын зорилго нь тариаланчдаас "Буудай" санд чанарын шаардлага хангасан буудай нийлүүлэхийг дэмжиж, хүлээн авсан буудайн чанарыг бодитой үнэлэхэд оршино.
"Буудай" санд тариаланчдаас авах /авлаганд болон худалдан авах/ буудайн чанарт дараах үзүүлэлтээр үнэлгээ хийнэ.
1./ Чийг
а/. 19%-иас дээш чийгтэй буудайг "Буудай" санд хүлээн авахгүй.
б/. 14% -аас илүү гарсан тохиолдолд илүү чийгийн эзлэх хувиар жингийн хорогдол тооцох ба буудайн нэгжийн үнийг өөрчлөхгүй
2./ Гадны хольц /сүрэл лай, хог ургамлын үр, иш, навч, хорчгор тариа,
шороо, чулуу, шавьж мэрэгч, тэдний үлдэгдэл г.м/
а./ 2,0 хувиас их бол илүү гарсан хувиар бодож жингийн хорогдол, 2,0 хувиас бага бол дутуу байгаа хувиар тооцож жингийн нэмэгдэл тооцож буудайн нэгжийн үнийг өөрчлөхгүй.
3./ Өөр тарианы хольц /арвай, хошуу будаа, хөх тариа г.м/
а./ Өөр тарианы хольц 10%-иас их бол илүү гарсан хувиар тооцож жинг хасах боловч 15%-иас их бол хүнсний буудай гэж үзэж хүлээж авахгүй.
4. / Эзлэхүүн жин
а./ Нэг литр буудайн эзлэхүүн жин нь 740 грамм байна.
б./ 740 граммаас их бол нэгжийн үнэнд 2 хувийн нэмэгдэл олгоно.
740 граммаас бага буудайг хүнсний буудай гэж үзэж хүлээж авахгүй.
5./ Цавуулаг /Нойтон жингээр 20 хувь байна/
а./ 18%-иас доош цавуулагтай буудайг хүлээж авахгүй. 18-20% цавуулагтай бол үнийг 2% хүртэл /дутуу хувиар бодож/ бууруулан хүлээж авна.
б. /Энэ заалтыг ХХАА-н сайдын 2003 оны А/87 дугаар тушаалаар хүчингүй болсон тооцов/
Тайлбар: Энэхүү журамд ХХАА-н сайдын 2003 оны А/87 дугаар тушаалаар оруулсан өөрчлөлтийг тусгав.
………………..о О о……………………
