Дэд бүтцийн сайдын 2003 оны

227 дугаар тушаалын 2 дугаар хавсралт

 

"Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай" хуулийн дагуу Сууц өмчлөгчдийн холбоо /цаашид холбоо гэнэ/-г зохион байгуулах болон сум, дүүргийн Засаг даргын Тамгын газарт бүртгэхэд энэхүү журмыг мөрдөнө.

 

1.1. Орон сууцаа хувьчилж авсан сууц өмчлөгчдийн санаачилгаар, шаардалгатай тохиолдолд тухайн нутаг дэвсгэрт байгаа орон сууц хувьчлах товчоо, сум дүүргийн Засаг даргын санаачилгаар Сууц өмчлөгчдийн холбоог зохион байгуулах хурлын товыг  зарлан хуралдуулна.

1.2. Хуралд оролцогчдоос хурлын тэргүүлэгчдийг сонгох ба холбоо байгуулах тухай  сууц өмчлөгч, эзэмшигчдийн олонхийн саналын дагуу хурлын шийдвэрт хурлын тэргүүлэгчид гарын үсэг зурснаар байгуулагдсанд тооцно.

1.3. "Сууц өмчлөгчдийн холбооны эрх зүн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай" хуульд заасны дагуу бүх гишүүдийн хурлаар холбооны дүрмийг хэлэлцэж батлана.

1.4. Холбооны дүрмийн дагуу бүх гишүүдийн хурлаас сууц өмчлөгдчөөс удирдах болон хяналтын зөвлөлийн гишүүдийг сонгож, сонгосон тухай хурлын шийдвэрийг гаргана.

1.5. Удирдах зөвлөл болон хяналтын зөвлөлийн гишүүдийн олонхийн саналаар удирдах зөвлөлийн болон хяналтын зөвлөлийн даргыг сонгож, хурлын тэмдэглэл, шийдвэрийг гаргана.

 

 

2.1. Холбооны гүйцэтгэх захиралд нэр дэвшигч нь холбооны үйл ажиллагааны мөрийн хөтөлбөр болон холбооны орлого зарлагын тооцооны төслийг боловсруулж холбооны удирдах зөвлөлд өгнө.

2.2. Холбооны гүйцэтгэх захиралд нэр дэвшигчийг бүртгэсний дараа удирдах зөвлөлөөс холбооны гүйцэтгэх захирлыг сонгон шалгаруулах өдрийг товлоно.

2.3. Удирдах зөвлөлийн олонхийн саналаар холбооны гүйцэтгэх захирлыг сонгож, сонгосон тухай хурлын тэмдэглэл, тогтоол гаргаж гэрээ байгуулна.

 

 

3.1.Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хуульд заасны дагуу холбоог бүртгэх үйл ажиллагааг сум, дүүргийн Засаг даргын тамгын газар хариуцна.

3.2. Сум, дүүргийн Засаг даргын Тамгын газар нь нутаг дэвсгэрийн харьяа холбоодын шинээр болон нэгдсэн, салж холбоо байгуулсан тухай бүртгэлийг хөтөлж, мэдээ тайланг орон сууцны асуудал эрхэлсэн төрийн захиргааны байгууллагад хагас жил тутамд гаргаж өгч, мэдээллийн санг бүрдүүлнэ.

3.3. Сууц өмчлөгчдийн холбоо байгуулж гэрчилгээ авахад дараах бичиг баримтыг бүрдүүлнэ.Үүнд:

3.3.1. өргөдөл

3.3.2. сууц өмчлөгчдийн холбоо байгуулсан тухай хурлын тэмдэглэл, шийдвэр;

3.3.3.удирдах зөвлөл, хяналтын зөвлөлийг сонгосон тухай хурлын тэмдэглэл, шийдвэр, гишүүдийн тодорхойлолт /овог нэр, хаяг/;

3.3.4. гүйцэтгэх захирлыг сонгосон тухай удирдах зөвлөлийн хурлын тэмдэглэл, шийдвэр, гүйцэтгэх захирлын тодорхойлолт /овог , нэр, хаяг/

3.3.5. сууц өмчлөгчдийн холбооны дүрэм;

3.3.6. гэрчилгээний үнэ.

3.4. Энэ журмын 3.3-т дурдсан баримт бичгийг хянан үзэж гэрчилгээ олгоно.

 

Дөрөв. Сууц өмчлөгчдийн холбоонд орон сууцны байшингийн дундын өмчлөлийн эд хөрөнгийг шилжүүлэх

4.1. Сууц өмчлөгчдийн холбоог бүртгүүлэх үйл ажиллагаатай зэрэгцэн орон сууцны байрыг шилжүүлэхтэй холбогдсон Дэд бүтцийн хөгжлийн сайд /хуучин нэрээр/, Төрийн өмчийн хорооны даргын 1998 оны 4 дүгээр сарын 24-ний өдрийн хамтарсан 114/3 тоот тушаалын 1 дүгээр заалтын дагуу дундын өмчлөлд хамрагдах эд хөрөнгийн бүртгэлийн жагсаалтыг холбоо, тухайн орон сууцны байрыг эзэмшиж байсан байгууллага хамтран гаргаж хүлээлцэнэ.

 

 

 

5.1. Сум, дүүргийн Засаг даргын Тамгын газар Сууц өмчлөгчдийн холбоог бүртгэх маягт, олгох бүртгэлийн гэрчилгээ нь энэ журмын 1ба 2 дугаар хавсралтад заасан загвартай байна.

 

 

 

 

 

 

 

 

 

 

 

 

 

Сууц өмчлөгчдийн холбоог зохион байгуулах,

                                  бүртгэх журмын 1 дүгээр хавсралт

 

                                                         

 

 

 

 

Сууц өмчлөгчдийн холбоог зохион байгуулах

                                                      бүртгэх журмын 2 дугаар хавсралт