Нотариатын үүрэг гүйцэтгэгч Дипломат болон консулын төлөөлөгчийн газар /цаашид нотариатчийн үүрэг гүйцэтгэгч гэх/ нь Монгол Улсын Нотариатын тухай хууль, нотариатын үйлдэл эрхлэн хийх зааварт заасан зарим үйлчилгээ үзүүлж, иргэд, байгууллагын хүсэлтээр эрх зүйн туслалцаа үзүүлж, хөлс авна. Хөлсийг энэ зааврын "хоёр"-т зааснаар тооцож авна. Дипломат болон консулын төлөөлөгчийн газар болон сумын засаг даргын тамгын газар нь үйлчилгээний хөлсийг тусгай дансанд төвлөрүүлж, ажилтныг урамшуулах, тэдний нийгмийн асуудлыг шийдвэрлэх, мэдлэг мэргэшлийг дээшлүүлэх, техник тоног төхөөрөмжөөр хангах зэрэгт зарцуулна. Нотариатын үүрэг гүйцэтгэгч нь төлбөрт үйлчилгээ үзүүлсэн тухай бүртгэл хөтөлнө. Бүртгэлд ямар төрлийн төлбөрт үйлчилгээ үзүүлсэн болон хөлсний хэмжээ, үйлчлүүлэгч болон үйлчилгээ үзүүлэгчийн нэр, албан тушаалыг бичнэ. Нотариатын үүрэг гүйцэтгэгчээс үзүүлсэн үйлчилгээний чанар хангалтгүй болсон буюу буруу болох нь тогтоогдсон нөхцөлд иргэд, байгууллагаас авсан үйлчилгээний хөлсийг буцаан олгоно. Үйлчлүүлэгчийн эд хөрөнгийн байдлыг харгалзан үйлчилгээний хөлс төлөхөөс бүрэн буюу тодорхой хэмжээгээр чөлөөлөх, хөнгөлөлт үзүүлэх, асуудлыг сум, дүүргийн Засаг дарга, Дипломат болон консулын төлөөлөгчийн газрын тэргүүн шийдвэрлэнэ. Нотариатын үүрэг гүйцэтгэгчийн санхүүгийн үйл ажиллагаанд тухайн орон нутгийн санхүүгийн алба хяналт тавина.