Цочмог сул саажилт болон сэжигтэй тохиолдол бүрээс өтгөний сорьц цуглуулах, хадгалах, тээвэрлэх арга хэмжээнд энэхүү журмыг мөрдөнө.

1.                ЦСС бүртгэгдсэнээс хойш 7-14 хоногийн дотор 24-48 цагийн зайтай 2 удаа өтгөний сорьц цуглуулна.

2.                ЦСС-ын өтгөний сорьц тус бүрийг4-8 грамм авна.

3.                ЦСС-ын өтгөний сорьцыг зориулалтын пластмасс сав (сорьц авах халбагатай, ус нэвтэрдэггүй, сорьцын тухай мэдээллийг бичих шошготой битүүмжилсэн гялгар уут бүхий)-анд авна. Зориулалтын савгүй тохиолдолд сайтар цэвэрлэсэн, ариутгасан, хуурай, эргэдэг бөглөөтэй шилэн саванд авна.Савны амсрыг сайтар бөглөж битүүмжилнэ.

4.                ЦСС-ын өтгөний сорьцын саван дээр өвчтөний нэр, хаяг, сорьц цуглуулсан огноог усанд уусдаггүй меркер, эсвэл балаар бичнэ.

5.                Сорьцтой савыг тусгаарлах материалаар ороон гялгар уутанд хийж битүүмжилнэ.

6.                ЦСС-ын тархвар судлалын тандалтын судалгааны хуудсыг бөглөж өтгөний сорьцын хамт НЭМХ-ийн полиомиелитын үндэсний лабораторид ирүүлнэ.

7.                ЦСС-ын өтгөний сорьцыг авсны дараа шууд 4-8° хэмийн хөргөгчид хийх буюу мөс агуулсан вакцин зөөвөрлөх саванд -8° хэмд тээвэрлэж 72 цагийн дотор НЭМХ-ийн полиомиелитын үндэсний лабораторид хүргүүлнэ.

8.                НЭМХ-гийн полиомиелитын үндэсний лабораторид 72 цагийн дотор хүргүүлэх боломжгүй тохиолдолд сорьцыг -20° хэмд хөлдөөгчид хадгална. Хөлдөөгчгүй тохиолдолд хуурай мөс болон вакцин зөөвөрлөх саванд хийж -20 хэмд хадгална.

9.                Аймгаас Улаанбаатарт авчирсан сорьцыг 24 цагийн дотор НЭМХ-ийн полиомиелитын үндэсний лабораторид хүргэнэ. Ажлын бус цагаар шинжлэгдэхүүн хүргэх тохиолдолд НЭМХ-ийн 452664 тоот утсанд урьдчилан мэдэгдэнэ.

10.            Өвчтөн нас барсан тохиолдолд эмгэг анатомийн шинжлэгдэхүүнийг нэг цагийн дотор авна. Эмгэг анатомийн шинжлэгдэхүүнийг тархи нугаснаас 1см3, өтгөн агуулсан бүдүүн гэдэснээс 3-5 хэмжээтэй авч тус тусад нь сорьц тээвэрлэх орчин агуулсан саванд хийж НЭМХ-гийн полиомиелитын үндэсний лабораторид 72 цагийн дотор хүргэнэ. 11. ЦСС-ын сорьцыг олон дахин хөлдөж гэсгээхээс болгоомжилно.