(б) Үнэмлэх эзэмшигч нь уран жолоодлогын зэрэглэлээ нисэгчийн үнэмлэхэндээ тэмдэглүүлж болно.

Үнэмлэх эзэмшигч нь уран жолоодлогын нислэгийн зэрэглэлийн эрх, хязгаарлалтын хүрээнд нислэгийн дараах өндөрт уран жолоодлого үйлдэнэ:

1)     зорчигчтой тохиолдолд газрын гадаргуугаас дээш 1000 метр (3000 фут)- ээс доошгүй өндөрт;

2)     зорчигчгүй тохиолдолд газрын гадаргуугаас дээш 500 метр (1500 фут)-ээс доошгүй өндөрт;

3)     ИНД-149-ийн дагуу гэрчилгээжсэн нисэх клубд зөвшөөрөгдсөн тохиолдолд, зорчигч тээвэрлээгүй үед газрын гадаргуугаас 500 метр (1500 фут)-ээс доош өндөрт.

(а) Энэ зүйлийн (б)-д зааснаас бусад тохиолдолд, уран жолоодлогын нислэгийн зэрэглэлтэй этгээд нь өмнөх 2 жилийн хугацаанд 61.40-ийн (а)-гийн 3/-т заасан шаардлагын дагуу ур чадварын шалгалт өгөөгүй, эсхүл шалгалтын үнэлгээг нислэгийн дэвтэртээ тэмдэглүүлээгүй бол уг зэрэглэлээр олгогдох эрхийг эдлэхгүй.

(б) Шалгалтыг ур чадварын шалгалт өгөх ёстой байсан өдрөөс өмнө буюу хойно хуанлийн нэг сарын хугацаанд багтаан өгсөн бол тогтоосон хугацаанд өгсөнд тооцно.

(а) Планер чирэх зэрэглэл авахаар өргөдөл гаргагч нь дараах шаардлагыг хангасан байна:

1)     онгоцоор 200-гаас доошгүй цагийн нислэг үйлдсэн байх бөгөөд үүний 100-гаас доошгүй цагт агаарын хөлгийн даргын үүрэг гүйцэтгэсэн байх;

2)     ИНД-149-ийн дагуу гэрчилгээжсэн нисэх клубийн зохион байгуулсан планер чирэх сургалтад амжилттай хамрагдсан байх;

3)     планер чирэх ур чадвараа ИНД-149-ийн дагуу гэрчилгээжсэн нисэх клубээр шалгуулсан байх.

(б) Чикагогийн конвенцийн хэлэлцэн тохирогч улсаас олгосон планер чирэх зэрэглэлтэй этгээдийг энэ зүйлийн (а)-гийн 2/-т заасан шаардлагыг хангасанд тооцно.

(а) Өргөдөл гаргагчийг энэ дүрмийн 61.44-т заасан шаардлагуудыг бүрэн хангасан гэж үзвэл 61.44-ийн (а)-гийн 3/-т заасан байгууллагын эрх бүхий этгээд дараах тэмдэглэлийг нислэгийн дэвтэрт нь хийнэ:

………………………………………../гарын үсэг/

(б) Үнэмлэх эзэмшигч нь планер чирэх зэрэглэлээ нисэгчийн үнэмлэхэндээ
тэмдэглүүлж болно.

Энэ дүрмийн дагуу планер чирэх зэрэглэл эзэмшигч нь планер чирэх үйл ажиллагаанд агаарын хөлгийн даргын үүрэг гүйцэтгэх эрх эдэлнэ.

(а) Энэ зүйлийн (б)-д зааснаас бусад тохиолдолд планер чирэх зэрэглэлтэй этгээд нь өмнөх 12 сарын хугацаанд дараах шаардлагыг хангаагүй бол уг зэрэглэлээр олгогдох эрхийг эдлэхгүй:

1)     6-гаас доошгүй удаа планер чирсэн байх;

2)     61.44-ийн (а)-гийн 3/-т заасан шаардлагын дагуу ур чадварын шалгалт өгч, үнэлгээг нислэгийн дэвтэртээ тэмдэглүүлсэн байх.

(б) Ур чадварын шалгалт өгөх шаардлагатай өдрөөс өмнө буюу хойно хуанлийн нэг сарын хугацаанд багтаан тухайн шалгалтыг өгсөн бол тогтоосон хугацаанд шалгалтыг өгсөнд тооцно.

(а) Шүхэр хаях зэрэглэл авахаар өргөдөл гаргагч нь дараах шаардлагыг хангасан байна:

1)     200-гаас доошгүй цагийн нислэг үйлдсэн байх бөгөөд үүний 100-гаас доошгүй цагт шүхрийн үйл ажиллагаанд агаарын хөлгийн даргын үүрэг гүйцэтгэсэн байх;

2)     ИНД-149-ийн дагуу гэрчилгээжсэн нисэх клубээс зохион байгуулсан шүхэр хаях сургалтад амжилттай хамрагдсан байх;

3)     ИНД-149-ийн дагуу гэрчилгээжсэн нисэх клубээр шүхэр хаях ур чадвараа шалгуулсан байх.

(б) Чикагогийн конвенцын хэлэлцэн тохирогч улсаас олгосон шүхэр хаях зэрэглэлтэй этгээдийг энэ зүйлийн (а)-гийн 2/-т заасан шаардлагыг хангасанд тооцно.

(а) Өргөдөл гаргагчийг энэ дүрмийн 61.48-д заасан шаардлагуудыг бүрэн хангасан гэж үзвэл 61.48-ийн (а)-гийн 3/-т заасан байгууллагын эрх бүхий этгээд дараах тэмдэглэлийг нислэгийн дэвтэрт нь хийнэ:

[……………………….овогтой……………………] нь ИНД-61-д заасан шүхэр хаях зэрэглэл олгоход тавигдах шаардлагуудыг хангасан болохыг тодорхойлов.

(б) Үнэмлэх эзэмшигч нь шүхэр хаях зэрэглэлээ нисэгчийн үнэмлэхэндээ тэмдэглүүлж болно.

Энэ дүрмийн дагуу шүхэр хаях зэрэглэл эзэмшигч нь шүхэр хаях нислэгт агаарын хөлгийн даргын үүрэг гүйцэтгэх эрхтэй.

(а) Энэ зүйлийн (б)-д зааснаас бусад тохиолдолд, шүхэр хаях зэрэглэл эзэмшигч нь өмнөх 12 сарын хугацаанд дараах шаардлагыг хангаагүй бол уг зэрэглэлээр олгогдох эрхийг эдлэхгүй:

1)     6-гаас доошгүй удаа шүхэр хаясан байх;

2)     61.48-ын (а)-гийн 3/-т заасан шаардлагын дагуу ур чадварын шалгалт өгч, үнэлгээг нислэгийн дэвтэртээ тэмдэглүүлсэн байх.

(б) Ур чадварын шалгалт өгөх шаардлагатай өдрөөс өмнө буюу хойно хуанлийн нэг сарын хугацаанд багтаан тухайн шалгалтыг өгсөн бол тогтоосон хугацаанд шалгалтыг өгсөнд тооцно.

Онгоц, эсхүл нисдэг тэрэгний хувьд хөдөө аж ахуйн зэрэглэл авахаар өргөдөл гаргагч нь дараах шаардлагыг хангасан байна:

1)     хөдөө аж ахуйн зэрэглэл авах сургалтад хамрагдахаас өмнө 250-иас доошгүй цагийн нислэг үйлдсэн байх бөгөөд үүний 100-гаас доошгүй цагт агаарын хөлгийн даргын үүргийг зохих ангиллын агаарын хөлөг дээр гүйцэтгэсэн байх;

2)     дараах байгууллагаас зохион байгуулсан хөдөө аж ахуйн зориулалттай агаарын хөлгийн газрын бэлтгэл сургалтад амжилттай хамрагдсан байх:

(i)                 ИНД-141-ийн дагуу гэрчилгээжсэн нисэхийн сургалтын байгууллага;

(ii)               ИНД-137-ын дагуу гэрчилгээжсэн хөдөө аж ахуйн зориулалттай агаарын хөлгөөр тээвэр эрхлэгч;

3)     дараах байгууллагаас зохион байгуулсан хөдөө аж ахуйн зориулалттай нислэгийн сургалтад амжилттай хамрагдсан байх:

(i)                 ИНД-141-ийн дагуу гэрчилгээжсэн нисэхийн сургалтын байгууллага;

(ii)               ИНД-137-ын дагуу гэрчилгээжсэн хөдөө аж ахуйн зориулалттай агаарын хөлгөөр тээвэр эрхлэгч;

4)     хөдөө аж ахуйн үйл ажиллагааны талаарх ойлголт болон нислэгийн ур чадвараа дор дурьдсан этгээдэд шалгуулсан байх:

(i)                 ИНД-141-ийн дагуу гэрчилгээжсэн нисэхийн сургалтын байгууллагаас эрх олгогдсон шалгах нисэгч;

(ii)               ИНД-137-ын дагуу гэрчилгээжсэн хөдөө аж ахуйн зориулалттай агаарын хөлгөөр тээвэр эрхлэгчээс эрх олгогдсон "Е" ангиллын багш нисэгч;

(а)        Хөдөө аж ахуйн зэрэглэл авахаар өргөдөл гаргагчийг энэ дүрмийн 61.52-ын шаардлагуудыг бүрэн хангасан гэж үзвэл 61.52-ын (а)-гийн 4/-т заасан этгээд дараах тэмдэглэлийг нислэгийн дэвтэрт нь хийнэ:

[…………………………..овогтой ………………..] нь ИНД-61-д заасан хөдөө аж ахуйн 2-р ангиллын зэрэглэл олгоход тавигдах шаардлагуудыг хангасан болохыг тодорхойлов.

(б) Үнэмлэх эзэмшигч нь хөдөө аж ахуйн зэрэглэлээ нисэгчийн үнэмлэхэндээ тэмдэглүүлж болно.

Энэ дүрмийн дагуу хөдөө аж ахуйн зэрэглэл эзэмшигч нь хөдөө аж ахуйн зориулалттай агаарын хөлгийн даргын үүрэг гүйцэтгэх эрхтэй.

(а) Энэ зүйлийн (б)-д зааснаас бусад тохиолдолд хөдөө аж ахуйн зэрэглэл эзэмшигч нь өмнөх 12 сарын хугацаанд 61.52-т заасны дагуу ур чадварын шалгалтыг амжилттай өгөөгүй, эсхүл шалгалтын үнэлгээг нислэгийн дэвтэртээ тэмдэглүүлээгүй бол зэрэглэлээр олгогдох эрхийг эдлэхгүй.

(б) Ур чадварын шалгалт өгөх шаардлагатай өдрөөс өмнө буюу хойно хуанлийн нэг сарын хугацаанд багтаан тухайн шалгалтыг өгсөн бол тогтоосон хугацаанд шалгалтыг өгсөнд тооцно.

(в) Хөдөө аж ахуйн зэрэглэл эзэмшигч нь хөдөө аж ахуйн зориулалттай агаарын хөлгийн үйл ажиллагаанд агаарын хөлгийн даргаар 25-аас доошгүй цагийн нислэг үйлдсэнээс 10 цагийн нислэгийг нь өмнөх 12 сарын хугацаанд гүйцэтгээгүй бол хөдөө аж ахуйн зориулалттай агаарын хөлгийн даргын үүрэг гүйцэтгэх эрхгүй.

Нисэгчийн химийн зэрэглэл авахаар өргөдөл гаргагч нь ИНЕГ-ын хүлээн зөвшөөрсөн сургалтын байгууллагаас зохион байгуулсан хөдөө аж ахуйн химийн бодисын талаарх сургалтад амжилттай хамрагдсан байна.

(а) Өргөдөл гаргагчийг, хөдөө аж ахуйн химийн бодисын талаарх сургалтад амжилттай хамрагдсан гэж үзвэл тухайн сургалтын байгууллагын эрх бүхий этгээд дараах тэмдэглэлийг нислэгийн дэвтэрт нь хийнэ:

 

(б) Үнэмлэх эзэмшигч нь химийн зэрэглэлээ нисэгчийн үнэмлэхэндээ
тэмдэглүүлж болно

Нисэгчийн химийн зэрэглэл эзэмшигч нь ИНД-137-д заасны дагуу хөдөө аж ахуйн зориулалттай агаарын хөлгөөр хөдөө аж ахуйн химийн бодисыг тараах, цацах эрхтэй.

(а) Энэ зүйлийн (б)-д зааснаас бусад тохиолдолд химийн зэрэглэл эзэмшигч нь өмнөх 3 /гурав/ жилийн хугацаанд ИНЕГ-ын хүлээн зөвшөөрсөн давтан сургалтад хамрагдаагүй, эсхүл сургалтын үнэлгээг нислэгийн дэвтэртээ тэмдэглүүлээгүй бол зэрэглэлээр олгогдох эрхийг эдлэхгүй.

(б) Энэ зүйлийн (а)-д заасан хугацаа дуусахаас өмнө буюу хойно хуанлийн 3 /гурав/ сарын хугацаанд давтан сургалтад хамрагдсан этгээдийг тогтоосон хугацаанд ур чадвараа шалгуулсанд тооцно.

(а) Энэ зүйлийн (б)-д зааснаас бусад тохиолдолд онгоцны буюу нисдэг тэрэгний хувьд хэрэглэлийн нислэгийн зэрэглэл авахаар өргөдөл гаргагч нь дараах шаардлагыг хангасан байна:

1)     нисэгчийн хүчин төгөлдөр үнэмлэхтэй байх ба зохих агаарын хөлгийн ангиллын хувьд шөнийн нислэг үйлдэх эрхтэй байна;

2)     дараах нислэгийн дадлага туршлагатай байна:

(i)                 алсын зайн нислэгт агаарын хөлгийн даргаар 50-иас доошгүй цаг ниссэн байх ба үүнээс 10-аас доошгүй цагийн нислэгийг зэрэглэл авах тухайн ангиллын агаарын хөлөг /онгоц, эсхүл нисдэг тэрэг/ дээр гүйцэтгэсэн байна;

(ii)               40-өөс доошгүй цагийн хэрэглэлийн нислэг үйлдсэн байх ба үүний 20 хүртэлх цагийг нислэгийн дадлагажуур дээр эрх бүхий багш нисэгчийн удирдлага дор гүйцэтгэсэн байна.

3)     ИНД-141-ийн дагуу гэрчилгээжсэн нисэхийн сургалтын байгууллагын зохион байгуулсан, дараах сэдвүүдийг багтаасан газрын бэлтгэл сургалтад амжилттай хамрагдсан байна:

(i)           нисэхийн хууль тогтоомж: ХНЖ, нислэгийн хөдөлгөөний үйлчилгээний журам; ХНЖ-аар үйлдэх нислэгт хамаарах нислэгийн өмнөх бэлтгэл, шалгалт; нислэгийн төлөвлөгөө; ХНЖ-аар үйлдэх нислэгийн хувьд нислэгийн хөдөлгөөний үйлчилгээний бэлтгэл ажил; өндөр хэмжигч тохируулах журам; АИП, НОТАМ, аэронавтикийн код болон товчлол зэрэг бичиг баримтын ашиглалт; ХНЖ-аар хөөрөлт, чиг шулуун нислэг, өндөр алдах, ойртолт үйлдэх зураглалууд; онцгой нөхцөл байдал буюу онцгой тохиолдлын журмууд; ХНЖ-д хамаарах аюулгүй ажиллагааны зарчим; ХНЖ-аар нислэг үйлдэж буй агаарын хөлөгтэй радио холбоо барих журам, нислэгийн холбооны хэллэг; холбоо гэмтсэн буюу ажиллагаагүй болсон тохиолдолд авах арга хэмжээ.

(ii)         агаарын хөлгийн талаарх ерөнхий мэдлэг: агаарын хөлгийн нислэгийн болон навигацийн хэрэглэлүүдийн ашиглалт, тэдгээрийн хязгаарлалтууд; автопилотын ашиглалт ба хязгаарлалтууд; нислэгийн хэрэглэлүүдийн гэмтэл, дутагдлын үед авах арга хэмжээний журам;

(iii)       нислэгийн навигаци - ХНЖ: агаарын навигаци; хөөрөлт, чиглэлийн нислэг, ойртолт, буулт зэрэг нислэгийн үе шатуудад навигацийн системийг ашиглах, түүний нарийвчлал, найдвартай байдал; радио навигацийн төхөөрөмжүүд

(iv)        цаг уур: аэронавтикийн цаг уурын тайлан мэдээлэл, хүснэгт буюу зураглал, цаг уурын урьдчилсан мэдээ ашиглах; нислэгийн өмнө ба нислэгийн үед, өндрийн нислэгт цаг уурын мэдээ авах журам, түүнийг ашиглах; аэронавтикийн цаг уур судлал, агаарын хөлгийн нислэгт нөлөө үзүүлж буй элементүүдэд хамаарах нутаг дэвсгэрийн цаг агаар судлал; даралтын системийн хөдөлгөөн, түүний бүтэц, хөөрөлт, чиглэлийн нислэг, буулт зэрэг нислэгийн үе шатуудад нөлөөлж болох цаг агаарын онцгой үзэгдлийн үүсэл, тэдгээрийн шинж чанар, цаг агаарын аюултай нөхцөлөөс зайлсхийх;

(v)          хэрэглэлийн болон навигацийн төхөөрөмж: ХНЖ-аар нислэг үйлдэж буй агаарын хөлгийн хяналт, навигацид шаардлагатай хэрэглэлүүдийн ашиглалт, хязгаарлалт, ашиглалтад тэнцэх байдал ба хэрэглэлийн нислэгийн цаг агаарын нөхцөлийн үед тэдгээрийг ашиглах; автопилот, луужин ашиглах, эргэлт болон хурдатгалын алдаа, тэдгээрийн хязгаар; гироскоп хэрэглэлүүд, тэдгээрийн ашиглалтын хязгаарлалт; навигацийн хэд хэдэн хэрэглэлийн алдаатай ажиллагааны үед мөрдөх журам;

(vi)        хүний хүчин зүйл: хүний боломж ба хязгаарлалт

4)     Энэ зүйлийн 3/-т заасан сэдвүүдийг багтаасан, ИНЕГ-ын даргаас хүлээн зөвшөөрсөн бичгийн шалгалт өгсөн байна;

5)     дараах ур чадвараа шалгах нисэгчид шалгуулсан байна:

(i)                 агаарын хөлгийг түүний ашиглалтын хязгаарлалтын хүрээнд ажиллуулах чадвар;

(ii)               бүх жолоодлогыг анхааралтай, жигд гүйцэтгэх;

(iii)             бодит байдалд цаг алдалгүй шийдвэр гаргах буюу үнэлгээ өгч, нисэх багийн гишүүдтэй холбоо сайтай байх;

(iv)              аэронавтикийн мэдлэгээ ашиглах;

(v)                тухайн агаарын хөлгийг нислэгийн бүх хугацаанд өөртөө итгэлтэй жолоодох.

6)     Нислэгийн бэлтгэлийн хувьд: эрх бүхий багш нисэгчээс дараах зүйлийг багтаасан 10-аас доошгүй цагийн хосолсон нислэгийн зааварчилга авсан байна:

(i)                 ХНЖ-aap үйлдэх нислэгт хамаарах бичиг баримт, нислэгийн заавруудыг ашиглах, нислэгийн өмнөх бэлтгэл,

(ii)               нислэгийн өмнөх үзлэг; шалгах хуудаснуудыг нислэгийн холбогдох үе шатанд ашиглах

(iii)             ХНЖ-аар үйлдэх нислэгийн үе дэх хэвийн, хэвийн бус болон онцгой тохиолдлын журмууд

(б) Өргөдөл гаргагч нь Чикагогийн конвенцийн хэлэлцэн тохирогч улсаас олгосон хэрэглэлийн нислэгийн зэрэглэлтэй бол дараах шаардлагыг хангасан байна:

1)     энэ зүйлийн (а)-гийн 3/-т заасан нисэхийн хууль тогтоомжийн шалгалтыг бичгээр өгсөн байх;

2)     энэ зүйлийн (а)-гийн 5/-д заасан нислэгийн шалгалт өгсөн байх;

Өргөдөл гаргагчийг энэ дүрмийн 61.60-д заасан шаардлагыг бүрэн хангасан гэж үзвэл ИНЕГ-ын эрх бүхий этгээд тухайн нисэгчийн үнэмлэх дээр тэмдэглэл хийж өгнө.

(а)       Энэ зүйлийн (б)-г харгалзан үзсэнээр, хэрэглэлийн нислэгийн зэрэглэл эзэмшигч нь ХНЖ-аар үйлдэх нислэгт агаарын хөлгийн 2-р нисэгчийн, эсхүл агаарын хөлгийн даргын үүрэг гүйцэтгэх эрхтэй.

(б)          Дараах тохиолдолд хэрэглэлийн нислэгийн зэрэглэл эзэмшигч нь тухайн зэрэглэлээр олгогдох эрхийг эдэлнэ:

1)     автопилотгүй, эсхүл 2-р нисэгчгүй, нэг нисэгчтэй агаарын хөлгийн хувьд автопилотгүй гүйцэтгэх нэг нисэгчийн үйл ажиллагааны стандартад тохируулан 61.60-ын (а)-гийн 5/-д заасан нислэгийн шалгалтыг өгсөн байх;

2)     автопилот бүхий нэг-нисэгчтэй агаарын хөлгийн хувьд автопилотыг ашиглан нэг-нисэгчийн үйл ажиллагааны стандартад нийцүүлэн 61.60-ын (а)-гийн 5/-д заасан нислэгийн шалгалтыг өгсөн байх;

3)     олон хөдөлгүүрт онгоцны хувьд олон хөдөлгүүрт онгоцны стандартад нийцүүлэн 61.60-ын (а)-гийн 5/-д заасан нислэгийн шалгалтыг өгсөн байх;

4)     ХНЖ-ын дагуу хэрэглэлийн тусламжтайгаар ойртолт үйлдэх нислэгийн хувьд ойртолтын төхөөрөмж буюу системийн талаарх ур чадварын шалгалтыг амжилттай өгсөн тухай тэмдэглэлийг шалгах нисэгч нислэгийн дэвтэрт нь хийсэн байх;

5)     2-р ангиллын эрүүл мэндийн гэрчилгээ эзэмшигчийн хувьд ИНД-67-гийн дагуу 1-р ангиллын эрүүл мэндийн гэрчилгээ эзэмшигчийн сонсголд тавигдах шаардлагыг хангасан байх.

(а) Хэрэглэлийн нислэгийн зэрэглэл эзэмшигч нь дараах тохиолдолд зэрэглэлээр олгогдох эрхийг эдлэхгүй:

1)     энэ зүйлийн (б)-д зааснаас бусад тохиолдолд:

(i)                 өмнөх 12 сарын хугацаанд 61.60-ын (а)-гийн 5/-д заасан шаардлагын дагуу ур чадварын шалгалтыг амжилттай өгөөгүй, эсхүл шалгалтын үнэлгээг нислэгийн дэвтэртээ тэмдэглүүлээгүй бол. /Ур чадварын шалгалт өгөх шаардлагатай өдрөөс өмнө буюу хойно хуанлийн нэг сарын хугацаанд багтаан тухайн шалгалтыг өгсөн бол тогтоосон хугацаанд шалгалтыг өгсөнд тооцно/;

(ii)               өмнөх 3 сарын хугацаанд 6-гаас доошгүй цагийн хэрэглэлийн нислэг, үүний 2-оос доошгүй цагт зохих ангиллын агаарын хөлөг буюу дадлагажуур дээр хэрэглэлийн нислэг үйлдээгүй бол;

(iii)             автопилотгүй, эсхүл 2-р нисэгчгүй нэг нисэгчтэй агаарын хөлгөөр ХНЖ-ын дагуу нислэг үйлдэх нисэгч нь энэ хэсгийн (1)-д заасны дагуу ур чадварын шалгалт өгөөгүй, эсхүл шалгалтын үнэлгээг тэмдэглүүлээгүй бол;

(iv)              автопилот бүхий нэг нисэгчтэй агаарын хөлгөөр ХНЖ-ын дагуу нислэг үйлдэх нисэгч нь энэ хэсгийн (i)-fl заасны дагуу ур чадварын шалгалт өгөөгүй, эсхүл шалгалтын үнэлгээг тэмдэглүүлээгүй бол;

(v)                олон хөдөлгүүрт агаарын хөлгөөр ХНЖ-ын дагуу нислэг үйлдэх нисэгч нь энэ хэсгийн (i)-fl заасны дагуу ур чадварын шалгалт өгөөгүй, эсхүл шалгалтын үнэлгээг тэмдэглүүлээгүй бол;

(vi)              өмнөх 3 сарын хугацаанд нислэгийн батлагдсан дадлагажуур буюу нислэгийн горимын батлагдсан сургалтын үед, эсхүл нислэгийн үед ижил маягийн навигацийн системийг ашиглан ойртолтын нислэг үйлдээгүй бол.

2)     Нисэгч нь ИНД-119-ийн дагуу олгосон гэрчилгээ болон ИНД-121-ийн шаардлагын хүрээнд ХНЖ-аар нислэг үйлдээгүй бол.

(б) Хэрэглэлийн нислэгийн зэрэглэл эзэмшигч нь энэ зүйлийн (а)-гийн 1/-ийн (ii)-T заасан шаардлагыг хангаагүй бол агаарын тээврийн үйл ажиллагаа гүйцэтгэхгүй, ХНЖ-ын дагуу нислэг үйлдэх агаарын хөлгийн 2-р нисэгчийн үүрэг гүйцэтгэж болно.

61.64.                    Тавигдах шаардлага

(а) Агаарын тээвэрлэгчийн шалгах нисэгчийн зэрэглэл авахаар өргөдөл гаргагч дараах шаардлагыг хангасан байна:

1)     ИНД-125, 135-д заасан үйл ажиллагааны хувьд коммерийн нисэгчийн үнэмлэхтэй байх;

2)     ИНД-121-д заасан үйл ажиллагааны хувьд агаарын тээвэрлэгчийн нисэгчийн үнэмлэхтэй байх;

3)     багш нисэгчийн зохих зэрэглэлтэй байх;

4)     ИНЕГ-ын дарга хүлээн зөвшөөрөхүйц нислэгийн дадлагатай байх;

5)     агаарын тээвэрлэгчийн шалгах нисэгчийн үүрэг гүйцэтгэх ур чадвараа ИНЕГ-ын эрх бүхий этгээдэд шалгуулсан байх;

(б) Ерөнхий зориулалтын агаарын тээвэрлэгчийн шалгах нисэгчийн зэрэглэл авахаар өргөдөл гаргагч дараах шаардлагыг хангасан байна:

1)     "А" ангиллын багш нисэгчийн зэрэглэлтэй байх;

2)     ИНЕГ-ын дарга хүлээн зөвшөөрөхүйц нислэгийн дадлагатай байх;

3)     ЕЗАТ-ийн шалгах нисэгчийн үүрэг гүйцэтгэх ур чадвараа ИНЕГ-ын эрх бүхий этгээдэд шалгуулсан байх;

(в) Энэ дүрэм хүчин төгөлдөр болохоос өмнө ИНЕГ-аас шалгах нисэгчийн эрх олгогдсон этгээдийг шалгах нисэгчийн үүРэг гүйцэтгэх ур чадвараа шалгуулсанд тооцно.

Өргөдөл гаргагч энэ дүрмийн 61.64-ийн шаардлагыг бүрэн хангасан гэж үзвэл ИНЕГ-ын эрх бүхий этгээд тухайн нисэгчийн үнэмлэх дээр зэрэглэлийн тэмдэглэл хийж өгнө.

(а) Энэ зүйлийн (в)-г харгалзан үзсэнээр, Агаарын тээвэрлэгчийн шалгах нисэгч нь энэхүү дүрмийн дагуу үнэмлэх буюу зэрэглэл олгох, эсхүл үнэмлэх шинэчлэх болон үйл ажиллагааны ур чадварын үнэлгээ өгөхтэй холбогдсон нислэгийн шалгалтыг дараах байгууллагуудын удирдлага дор гүйцэтгэх эрхтэй:

1)     ИНД-141-ийн дагуу гэрчилгээжсэн нисэхийн сургалтын байгууллага;

2)     ИНД-119-ийн дагуу гэрчилгээжсэн агаарын тээвэрлэгч;

(б) Энэ зүйлийн (в)-г харгалзан үзсэнээр, ЕЗАТ-ийн шалгах нисэгч нь энэхүү дүрмийн дагуу үнэмлэх буюу зэрэглэл олгох, эсхүл үнэмлэх шинэчлэх, эсхүл нисэгчийн суудлаас гадна 10-аас цөөн зорчигчийн суудал бүхий агаарын хөлгийн хувьд үйл ажиллагааны ур чадварыг дүгнэхтэй холбогдсон нислэгийн шалгалтыг дараах байгууллагуудын удирдлага дор гүйцэтгэх эрхтэй:

1)     ИНД-141-ийн дагуу гэрчилгээжсэн байгууллага;

2)     ИНД-119-ийн дагуу гэрчилгээжсэн агаарын тээвэрлэгч;

(в) Энэ зүйлийн (г)-г харгалзан үзсэнээр, шалгах нисэгчийн зэрэглэл эзэмшигч нь дараах тохиолдолд зэрэглэлээр олгогдох эрхийг эдэлнэ :

1)     ашиглаж буй агаарын хөлгийн маягийн зэрэглэл бүхий шалгах нисэгчийн зэрэглэлтэй байх;

2)     нислэгийн шалгалт хийж буй тухайн үйл ажиллагаанд хамаарах 61.64-ийн (а)-гийн 1/ буюу 2/-т заасан нисэгчийн үнэмлэхэнд тавигдах шаардлагыг хангасан байх;

3)     61.64-ийн (а)-гийн 4/ буюу (б)-гийн 2/-т заасан нислэгийн цагийн шаардлагыг хангасан байх.

(г) Шалгах нисэгч нь уг зэрэглэлд заасан эрхийг нислэгийн үед нисэх багийн гишүүний хувьд эдлэхгүй бол эрүүл мэндийн хүчин төгөлдөр гэрчилгээ шаардахгүй.

(а) Энэ зүйлийн (в)-д зааснаас бусад тохиолдолд шалгах нисэгч нь өмнөх 24 сарын хугацаанд зэрэглэлийн дагуу олгогдсон эрх эдлэх ур чадвараа ИНЕГ-т шалгуулаагүй бол, уг зэрэглэлээр олгогдох эрхийг эдлэхгүй.

(б) Агаарын тээвэрлэгчийн шалгах нисэгчийн хувьд, хэрэв ИНЕГ-аас шаардсан бол, энэ зүйлийн (а)-д заасан ур чадвараа дараах нөхцөлийн дагуу дадлагажуурын буюу нислэгийн үед шалгуулна:

1)     хөөрөлтийн жингээрээ хамгийн хүнд маягийн агаарын хөлөг дээр, эсхүл ИНЕГ-аас шаардсан бусад агаарын хөлөг дээр шалгуулах;

2)     энэ дүрмийн холбогдох шаардлагын дагуу зүйлийн (а)-д заасан шаардлагыг тогтоосон өдрөөс өмнө буюу хойно хуанлийн нэг сарын хугацаанд багтаан биелүүлсэн бол тогтоосон хугацаанд шаардлага хангасанд тооцно.

61.68.  Шилжилтийн үеийн зохицуулалт

(а) Энэ дүрэм хүчин төгөлдөр болохоос өмнө олгогдсон нисэгчийн үнэмлэх, зэрэглэл эзэмшигч нь тэдгээрийн хүчинтэй хугацааг дуустал тухайн үнэмлэх, зэрэглэлээр олгогдох эрхийг үргэлжлүүлэн эдэлнэ.

(б) Энэ дүрэм хүчин төгөлдөр болохоос өмнө агаарын тээвэрлэгчийн батлагдсан сургалтын хөтөлбөрийн хүрээнд нислэгийн шалгалт авах болон бусад үнэлгээ өгөх эрх олгогдсон этгээд тэдгээрийн хүчинтэй хугацааг дуустал тухайн эрхийг үргэлжлүүлэн эдэлж болно.

(в) Энэ дүрэм хүчин төгөлдөр болохоос өмнө хөдөө аж ахуйн үйл ажиллагаанд гүйцэтгэсэн нислэгийн цаг нь 61.52-ын холбогдох шаардлагыг хангаж байвал, тухайн нисэгчийг хөдөө аж ахуйн зэрэглэл авахад тавигдах шаардлагыг хангасанд тооцно.