Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх/БХС, ЗТХС-ын 2018 оны А/96-57 дугаар тушаалаар хүчингүй болсон/
БХ-ын сайд, ДБХ-ийн сайдын хамтарсан 1998 оны 5-р сарын 15-ний өдрийн 159/125 тоот тушаалын хавсралт №1
"БУЯНТ-УХАА" ДАХ АГААРЫН ЗАМЫН ОЛОН УЛСЫН ХАРИЛЦААНЫ ХИЛИЙН БООМТ ГАЗАРТ ТУСГАЙ АЯЛЛЫН ТЭЭВРИЙН ХЭРЭГСЛИЙГ ШАЛГАХ, ХАМГААЛАХ ЗААВАР
Нэг. Нийтлэг үндэслэл
Энэхүү заавраар "Буянт-Ухаа" дах агаарын замын олон улсын харилцааны хилийн боомт газарт тусгай аяллын тээврийн хэрэгслийг шалгах, хамгаалахтай холбогдсон харилцааг зохицуулна. "Буянт-Ухаа" дах хилийн шалган нэвтрүүлэх боомт нь тусгай аяллын агаарын тээврийн хэрэгслийг шалгах, олон улсын нисэх буудал нь уг тээврийн хэрэгслийг байрлуулах, хамгаалах ажиллагааг зохион байгуулахдаа Монгол Улсын "хилийн тухай" болон бусад байгууллагуудын үйл ажиллагааг зохицуулсан хуулиуд, тэдгээрт нийцүүлэн гаргасан эрхийн актууд, энэ зааврыг удирдлага болгоно.
Хоёр. Тусгай аяллын тээврийн хэрэгсэл, ангилал
Монгол Улсын агаарын хилээр тогтоосон зааврын дагуу нэвтэрч, хилийн боомт бүхий нисэх буудалд бууж, хөөрч байгаа тогтмол аяллын бус агаарын тээврийн хэрэгслийг тусгай аяллын тээврийн хэрэгсэлд /цаашид тусгай аяллын тээврийн хэрэгсэл гэх/ тооцно.
Тусгай аяллын тээврийн хэрэгслийг нислэг үйлдэж буй зориулалтаар нь дараах ангилалд хуваана. Үүнд:
а/ Төр, Засгийн: -Монгол Улсын болон бусад орны Төр, Засгийн тэргүүн, хүндэт зочид төлөөлөгчдийн бүрэлдэхүүнд үйлчлэх аяллууд:
б/ Захиалгат тусгай аялал: -Монгол Улсад суугаа гадаад орны ЭСЯ, ДТГ, ЗГ-ын чиглэлээр болон бусад олон улсын аялал жуулчлалын байгууллага, компани, аж ахуйн нэгжийн шугамаар зорчигч, бараа болон мал% амьтан, ургамал, тэдгээрийн гаралтай түүхий эд, бүтээгдэхүүнийг тээвэрлэх аяллууд:
в/ Тусламжийн тусгай аялал:- Төрөл бүрийн тусламжийн шугамаар болон байгалийн гамшиг, хүн мал, амьтан, ургамлын халдварт өвчин, гал түймэр, осол сүйрлийн улмаас үүссэн хор хөнөөлийг арилгахад туслах гадаадын хүчнийг тээвэрлэх аяллууд:
г/ Бусад зориулалтын: Олон улсын чанартай уралдаан, тэмцээн, хувийн аяллууд болон цаг агаарын тааламжгүй нөхцөл, техникийн саатал, бусад шаардлагын дагуу тус улсын нутаг дэвсгэрт буулт хийж дамжин өнгөрч байгаа хэрэгслүүд орно.
Гурав. Тусгай аяллын тээврийн хэрэгслийг шалгах, хамгаалалтад авах
а/ Тусгай аяллын тээврийн хэрэгсэл ирэх мэдээ авагдмагц:
"Буянт-Ухаа" дах олон улсын нисэх буудал нь:
- Тусгай аяллын тээврийн хэрэгслийн буух, хөөрөх, өдөр, цаг хугацааны талаарх мэдээллийг хилийн шалган нэвтрүүлэх боомтод албан ёсоор мэдэгдэнэ.
- Тусгай аяллын тээврийн хэрэгслийг тосох албан тушаалтан, ажиллах бүрэлдэхүүн, үйлчилгээний машинд, онгоцны талбай, боомтод нэвтрэх зөвшөөрлийг олгоно.
"Буянт-Ухаа" дах хилийн ШНБ-ын дарга нь:
- Цагийн байдлыг үндэслэн тухайн нөхцөлд тохирсон хилийн хяналт, шалгалт явуулах журмыг тогтоож, хил хяналтын бусад байгууллагуудад мэдэгдэнэ.
б/ Тусгай аяллын тээврийн хэрэгсэл буух үед
"Буянт-Ухаа" дах олон улсын нисэх онгоцны буудал нь:
- Тусгай аяллын тээврийн хэрэгслийг хилийн хяналт шалгалт хэвийн явуулах нөхцөл бүрдсэн талбайд зогсооно.
- Уг тээврийн хэрэгсэл нисэх буудалд 6 цагаас дээш хугацаанд байрлах тохиолдолд бууснаас хөөрөх хүртэл үеийн хамгаалалтыг зохион байгуулна.
"Буянт-Ухаа" дах хилийн ШНБ нь:
- "Буянт-Ухаа" дах олон улсын нисэх буудлаас олгосон зөвшөөрлийг үндэслэн холбогдох хүмүүс, тээврийн хэрэгслийг онгоцны талбай, боомт хилийн зонд нэвтрүүлнэ.
- Тээврийн хэрэгсэл нисэх буудалд түр байрлах /6 цаг хүртэл/ тохиолдолд бууснаас хөөрөх үеийн хамгаалалтыг зохион байгуулна.
- Тусгай аяллын тээврийн хэрэгслийг заасан талбайд зогсмогц шалгалтын бүс, зурвасыг тогтоож, хяналтад авна.
- Зорчигчдын улсын хил нэвтрэх эрхийн баримт бичгийн шалгалтын тухайн үеийн онцлогийг харгалзан тээврийн хэрэгсэлд нь буюу танхимд тогтсон журмын дагуу хийнэ.
- Хил хяналтын бусад байгууллагуудын хяналт, шалгалт явуулах ажиллагааг уялдуулан зохицуулж өгнө.
- Нислэгийн баг, үйлчлэх бүрэлдэхүүний улсын хил нэвтрэх эрхийн баримт бичгийг шалгасны дараа тээврийн хэрэгсэлд хийх үзлэгийг багийн бүрэлдэхүүний нэгний нь оролцоотойгоор явуулна.
- Багийн бүрэлдэхүүн тээврийн хэрэгсэлд үзлэг хийлгэхээс татгалзсан тохиолдолд албан ёсны баталгаа /Маягт №1/ гаргуулж авна.
- Тээврийн хэрэгсэлд үзлэг хийснээр хилийн шалгалтын ажиллагааг дуусгавар болгож, уг тээврийн хэрэгслийг харуул хамгаалалтыг нь хариуцахаар тохирон хүлээн авч буй байгууллагад /багийн бүрэлдэхүүнд/ бусад тохиолдолд нисэх буудлын аюулгүй байдал, хамгаалалтын албанд хүлээлгэн өгнө. /Маягт №2/
Тусгай аяллын тээврийн хэрэгсэл нь техникийн саатал, цаг агаарын тааламжгүй нөхцөл зэрэг урьдчилан харах боломжгүй шалтгааны улмаас ажлын бус цагаар гэнэт буух тохиолдолд хилийн шалган нэвтрүүлэх боомтын жижүүр нь олон улсын нисэх буудлын холбогдох ажилтнуудтай хамтран уг аяллыг хүлээн авч, дараагийн шатны ажиллагаа эхэлтэл хяналтад байлгана.
в/ Тусгай аяллын тээврийн хэрэгсэл буцах үед:
"Буянт-Ухаа" дах хилийн ШНБ нь:
- Олон улсын нисэх буудлаас урьдчилан мэдэгдсэний дагуу тусгай аяллын тээврийн хэрэгсэл нисэхээс 30 минутын өмнө түүнийг хамгаалалтад авч, тээврийн хэрэгсэлд хийх үзлэг, баримт бичгийн шалгалтыг давтан гүйцэтгэнэ.
- Хилийн хяналт, шалгалт дууссаны дараа уг тээврийн хэрэгсэлд улсын агаарын хилээр нэвтрэн гарах зөвшөөрлийг өгч, буудлаас хөөрөх хүртэл нь хяналтад авна.
Маягт №1
БАТАЛГАА
199......он № Буянт-Ухаа
Буянт-Ухаа дах олонг улсын боомтод ......... улсын ......................... маркийн ................................................... аяллын дугаартай тусгай аяллын онгоц ............. оны ............. сарын .......-ны өдрийн .......цаг .......минутад буусныг тус боомтын ............................................... ахлагчтай ............................................................................. нарын бүрэлдэхүүнтэй тээврийн хэрэгсэл шалгах манаа шалгаж, улсын хилийг нэвтрүүлэхэд тус онгоцны багийн бүрэлдэхүүн ............................................................... шалтгаанаар онгоцны ил далд хэсэгт үзлэг хийлгэхээс татгалзсан учир баталгаа гаргуулж авав.
................................Хилийн шалган нэвтрүүлэх
боомтын тээврийн хэрэгсэл шалгах манааны
ахлагч ................................... цолтой ....................../
Онгоцны багийн дарга ............................................/
Маягт №2
ТУСГАЙ АЯЛЛЫН ОНГОЦНЫ ХАМГААЛАЛТЫГ ХҮЛЭЭЛЦСЭН НОТЛОМЖ
199...... он № Буянт-Ухаа
Буянт-Ухаа дах олон улсын боомтод .........................улсын .................. маркийн .................................................. аяллын дугаартай тусгай аяллын онгоц ........ оны ....... сарын ........-ны өдрийн ......... цаг ......... минутад буусныг тус боомтын .......................... ахлагчтай ................................................................................. нарын бүрэлдэхүүнтэй тээврийн хэрэгсэл шалгах манаа шалгаж, улсын хилийг нэвтрүүлэв.
Тус онгоц нь ....................... чиглэлд ....................................................................... зориулалттай ирсэн тул хүлээн авч буй ........................................................................... байгууллагын ........................................ албан тушаалтай ..........................................-нд онгоцыг хүлээлгэн өгөв.
Тусгай аяллын онгоц нь ................... цаг/хоног/-ийн хугацаатай байх тул харуул хамгаалалтын асуудлыг ......................................................................................... ............................................................................................................................................... шийдвэрлэв.
ХШНБ-ын тээврийн хэрэгсэл шалгах манааны ахлагч
............................. цолтой .............................../................/
........................................ албан тушаалтай
.............................................../...................../
