"Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай" Монгол Улсын хуулийн 10 дугаар зүйлд заасан эрх бүхий этгээдэд нөхөх олговор олгох, түүнийг бүртгэх, тайлан гаргахад энэхүү журмыг мөрдөнө. Нөхөх олговор авах эрх бүхий этгээд /цаашид нэхэмжлэгч гэж нэрлэнэ/-ээс "Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай" хуулийн 16 дугаар зүйлийн 16.2 дах заалтад заасны дагуу бүрдүүлсэн материалыг Сангийн яам, Цагаатгах ажлыг удирдан зохион байгуулах Улсын Комиссоос хамтран гаргасан хуваарийг үндэслэн сум, дүүргийн санхүүгийн хэлтэс, тасаг хянан хүлээн авч, энэ журмын нэгдүгээр хавсралт маягтаар бүртгэнэ. Сум, дүүргийн санхүүгийн хэлтэс, тасаг энэхүү журмын 2 дугаарт заасны дагуу бүртгэлд авсан хүмүүст Шүүхийн тогтоолд заасан хэмжээний нөхөх олговрыг олгоно. Нэхэмжлэгчийн хүсэлтийн дагуу нөхөх олговрыг банкан дахь түүний хадгаламжид шилжүүлж болно. Нөхөх олговорт зориулан төвлөрсөн төсвөөс олгосон санхүүжилтийг сум, дүүргийн санхүүгийн хэлтэс, тасаг тусгай дансанд төвлөрүүлнэ.Тусгай дансанд төвлөрүүлсэн хөрөнгийг нөхөх олговроос өөр зүйлд зарцуулахыг хатуу хориглоно. Сум, дүүргийн санхүүгийн хэлтэс, тасаг нь нөхөх олговорт зориулсан хөрөнгийн тайланг улирал бүр энэ журмын хоёрдугаар хавсралт маягтаар гаргаж дараа улирлын эхний сарын 20-ны дотор Сангийн яаманд ирүүлэхээс гадна хагас, бүтэн жилийн сум, дүүргийн төсвийн гүйцэтгэлийн тайланд тусгана. Мөн cap бүрийн 05-ны дотор тусгай дансны гүйлгээний мэдээг сарын эхний үлдэгдэл, орлого, зарлага, сарын эцсийн үлдэгдэл гэсэн үзүүлэлтээр гаргаж Сангийн яаманд мэдээлнэ. Сум, дүүргийн санхүүгийн хэлтэс, тасаг нь энэ журмын нэгдүгээрт заасан бүртгэлийн хуулбарыг аймаг, нийслэлийн Цагаатгалын салбар комисс-т cap бүр хүргүүлнэ. Сарын эцэст сум, дүүргийн санхүүгийн хэлтэс, тасгийн тусгай дансанд нөхөх олговорт зориулан олгосон хөрөнгийн үлдэгдэлтэй гарвал дараагийн сард шилжүүлэн зарцуулна.

№	Хэлмэгдэгчийн овог нэр	оногдуул-сан ял,	Нэхэмжлэгчийн овог нэр	хэлмэгдэгчийн ямар өв	Нөхөх олговор олгох тухай шүүхийн тог-		Нөхөн олговрын хэмжээ /мянган төгрөгөөр/
		шийтгэл,		залгамжлагч	тогтоолын		олговол	олгосон
		огноо			огноо	Дугаар	зохих
1 2 3 4			-
	Дүн	X	X	X	X                 X

Нөхөх олговор олгох, түүнийг бүртгэх, тайлан гаргах журмын хоёрдугаар хавсралт

 

..........................аймаг, /хот/- ын сум, /дүүрэг/-ын Улс төрийн хилс хэрэгт хэлмэгдэгчид болон түүний өв залгамжлагч нарт нөхөх олговор олгосон тухай 199.. оны  ... улирлын ТАЙЛАН / өссөн дүнгээр, мянган төгрөгөөр/

 

 

 

Тайлан гаргасан:

Дарга

Нягтлан бодогч