1.                  Ойг хөнөөлт шавьж, өвчнөөс урьдчилан сэргийлэх, хамгаалах, судалгаа, туршилт, үйлдвэрлэлийн арга хэмжээг үр өгөөжтэй зохион байгуулахад энэхүү журмын зорилт оршино.

2.                  Ойн тухай хуулийн 20 дугаар зүйлийн 4 дахь хэсэгт зааснаар ойд хөнөөлт шавьж, өвчний судалгаа явуулах, тэдгээрээс сэргийлэх, тэмцэх ажлыг мэргэжлийн байгууллага гүйцэтгэнэ.

 

 

            Ойг хөнөөлт шавьж, өвчнөөс урьдчилан сэргийлэх, хамгаалах ажлыг төрийн бодлого боловсруулан түүнийг хэрэгжүүлэх арга зүй, технологийн зөвлөмж өгөх, ажлын явц, гүйцэтгэлд хяналт тавих арга хэмжээг Байгаль орчны асуудал эрхэлсэн төрийн захиргааны төв байгууллага зохион байгуулж доорх арга хэмжээг авна.

 

2.1.           Ойг хөнөөлт шавьж, өвчнөөс урьдчилан сэргийлэх, хамгаалах ажлын төрийн бодлого технологийн заавар, зөвлөмж, норм, норматив, үнэлгээг боловсруулан гаргаж, мөрдүүлэх, хяналт тавих.

2.2.           Ойг хөнөөлт шавьж өвчнөөс урьдчилан сэргийлэх, хамгаалах чиглэлээр сургалт, семинар зохион байгуулах, мэргэжлийн боловсон хүчин бэлтгэж дадлагажуулах, давтан сургах.

2.3.           Ойд тархсан хөнөөлт шавьж, өвчинтэй тэмцэх арга хэмжээг бодлогынхоо дагуу зохион байгуулан түүнд хэрэглэж болох химийн бодисын зөвшөөрлийг олгох.

 

3.1.           Иргэн, аж ахуйн нэгж, байгууллага эзэмшин ашиглаж байгаа ойгоо хөнөөлт шавьж, өвчнөөс урьдчилан сэргийлэх, хамгаалах арга хэмжээний талаар гэрээгээр хүлээсэн үүрэг, боловсруулсан төслөө хэрхэн биелүүлж байгаад хяналт тавьж, ажлын гүйцэтгэлд үнэлэлт дүгнэлт өгч шалгаж хүлээн авна.

3.2.           Ойг хөнөөлт шавьж, өвчнөөс урьдчилан сэргийлэх, хамгаалах, тэмцэх арга хэмжээний хөрөнгийн эх үүсвэрийг ойн тухай хуулийн 20 дугаар зүйлийн 1, 2 3 дугаар хэсэгт заасны дагуу ангилан зардлыг жил бүр орон нутгийн төсөвт тусгана.

3.3.           Харьяалсан нутаг дэвсгэрийнхээ ойд тархсан хөнөөлт шавьж, өвчний зүйлийн бүрдэл, өсөлт, хөгжилт, хөнөөлийн байдал, тархалт, байршил нягтралын үе шатыг мэргэжлийн байгууллагаар тодорхойлуулан тэдгээртэй тэмцэх оновчтой арга, технологийг тогтоолгох.

3.4.           Ойн хөнөөлт шавьж, өвчний судалгаа явуулж, түүнээс урьдчилан сэргийлэх, хамгаалах, тэмцэх иж бүрэн арга хэмжээг авч хэрэгжүүлэх.

3.5.           Ойд хөнөөлт шавьж, өвчин их хэмжээгээр тархсан нөхцөлд устгалын арга хэмжээг мэргэжлийн байгууллагаар хийлгэх тухай захиалга өгөх.

 

 

4.1.           гэрээгээр эзэмшин, ашиглаж байгаа ойгоо хөнөөлт шавьж, өвчнөөс урьдчилан сэргийлэх, хамгаалах талаар авсан үүрэг, хэрэгжүүлэх төслөө чанд мөрдөж бүрэн хэрэгжүүлсэн байна.

4.2.           Эзэмшин ашиглаж байгаа ойн орчны ариун цэврийн байдалд байнгын хяналт тавьж, хөнөөлт шавьж, өвчин үүсэх нөхцөлийг арилган, хөнөөлийн голомтын тархалт илэрсэн тохиолдолд аймаг, нийслэл, сумын Засаг даргын тамгын газрын ойн асуудал хариуцсан албанд мэдээлэх.

4.3.           Эзэмшин ашиглаж байгаа ойн сангаа хөнөөлт шавьж, өвчнөөс хамгаалж, тэмцэх арга хэмжээг мэргэжлийн байгууллагад захиалагч өгч гүйцэтгүүлнэ. Энэ ажлын зардлыг өөрийн хөрөнгөөс гарган санхүүжүүлнэ.

 

 

5.1.             Сум, дүүргийн байгаль хамгаалагч нар хариуцсан нутаг дэвсгэрийнхээ ойд хөнөөлт шавьж, өвчин үүсэж тархсан тухай мэдээллийг 1 дүгээр хавсралт ёсоор гаргаж, аймаг, нийслэлийн засаг даргын Тамгын газрын байгаль орчныг хамгаалах албанд ирүүлнэ.

5.2.             Аймаг, нийслэлийн байгаль орчныг хамгаалах алба мэдээллийг хүлээн авч орон нутгийн мэргэжлийн байгууллагаар /Ойн аж ахуй, Ойн анги/ тодотгол хийлгэж, шаардлагатай арга хэмжээ авна.

5.3.             Ойд тархсан хөнөөлт шавьж, өвчинтэй тэмцэх арга, технологийг сонгох зорилгоор сум, нийслэлийн засаг даргын захиалгаар мэргэжлийн байгууллага хөнөөлт шавьж өвчний нарийвчилсан судалгааг 2 дугаар хавсралт ёсоор явуулж, судалгааны 1 хувь материалыг тойм зургийн хамт байгаль орчны асуудал эрхэлсэн төрийн захиргааны төв байгууллагад ирүүлнэ.

 

 

 

 

 

 

 

 

 

________________________  /аймаг, сум, дүүргийн /_____________________ /газрын нэр/ ______________ /га/ ойн талбайд хөнөөлт шавьж, өвчин /зураг/ үүссэн байдлыг тодруулан хийсэн мэдээлэл.

 

1.                  Ойн бүрэлдэхүүн __________________________________________________

2.                  Зонхилох модны төрөл _____________________________________________

3.                  Ойн өтгөрөл ______________________________________________________

4.                  Ойн бонитет ______________________________________________________

5.                  Дундаж нас _______________________________________________________

6.                  хэсэглэлийн дугаар ________________________________________________

7.                  Хөнөөлт шавьж, өвчний нэр _________________________________________

8.                  Хөнөөлийн байдал _________________________________________________

9.                  Голомт, тархалт ___________________________________________________

10.             Хөнөөлт шавьж, өвчинтэй тэмцэх арга хэмжээний тухай санал

____________________________________________________________________________________________________________________________________________________________________________________________________________________________________________________________________

 

 

 

 

 

 

                        Мэдээллийг үнэн зөв өгсөн _______________________

                        Байгаль хамгаалагч _____________________________

 

 

 

 

 

 

 

 

 

 

 

 

 

 

 

 

 

 

 

 

 

Аймаг, нийслэлийн Засаг даргын тамгын газрын Байгаль орчныг хамгаалах албаны ___________________ ОАА, Ойн ангийн дарга ____________________