1.1.       Энэхүү журмаар Монгол улсын нэгдсэн төсвөөс төсвийн эрх захирагчдад зарцуулалтын эрх олгохтой холбогдсон харилцааг зохицуулна.

 

Энэ журамд хэрэглэсэн дараах нэр томьёог дор дурдсан утгаар ойлгоно:

 

2.1.       "Төрийн сан" гэж төсвийн хэрэгжилтийг хангах зорилгоор байгуулагдсан Сангийн яамны Төрийн сангийн газар /Төв Төрийн сан/, Нийслэл, дүүргийн Засаг даргын тамгын газрын Санхүү, эдийн засаг, Төрийн сангийн хэлтэс, аймгийн Засаг даргын тамгын газрын Санхүү, эдийн засгийн бодлого, зохицуулалтын хэлтэс, сумын Төрийн сангийн төлөөлөгчийг,

 

2.2.       "Төвлөрүүлэн захирагч" гэж төсвийн ерөнхийлөн захирагчтай бүтээгдэхүүн нийлүүлэх гэрээний дагуу харъяа төсвийн байгууллагуудын төсвийн хөрөнгийг хуваарилан зарцуулах эрх бүхий төсвийн эрх захирагчийг,

 

2.3.       "Бүртгэлийн данс" гэж төсвийн байгууллагын батлагдсан төсөв зарцуулах эрхийн хүрээнд орлого, зарлагын гүйлгээ, санхүүжилтийн эрхийн гүйцэтгэлийг эдийн засгийн ангиллаар бүртгэх Төрийн сангийн дансыг,

 

2.4.       "Санхүүжилтийн эрх" гэж бүтээгдэхүүн нийлүүлэх гэрээ, батлагдсан төсвийн хүрээнд төсвөөс авах санхүүжилтийн дээд хязгаарыг

 

2.5.       "Зарцуулалтын эрх" гэж Төрийн сангийн нэгдсэн дансны тогтолцооны хүрээнд улсын болон орон нутгийн төсвөөс төсвийн байгууллага орлого, зарлагын гүйлгээ гаргах эрхийг

 

2.6.       "Төсвийн хуваарь" гэж тухайн жилийн төсвийг баталсан хууль болон Төсвийн ерөнхийлөн захирагчийн байгуулсан бүтээгдэхүүн нийлүүлэх гэрээнд үндэслэсэн төсвийн орлого, зарлагын сар, улирлын хуваарийг

 

3.1.       Төрийн сан төсвийн байгууллагын сар, улирлын санхүүжилтийн эрхийг төсвийн хуваарьт үндэслэн тухайн тайлант үеийн эхэнд нэг удаа ЗЭБ-1 маягтын дагуу баталгаажуулан олгоно.

 

3.2.       Төсвийн байгууллага нь бүтээгдэхүүн нийлүүлэх гэрээ, батлагдсан төсвийн хүрээнд зарлага гаргах бөгөөд төсвийн хуваарьт үндэслэсэн сар, улирлын зарцуулалтын эрхийн хүсэлтийг тухайн тайлант үеийн ажлын эхний 2 хоногт багтаан ЗЭБ-2 маягтын дагуу бэлтгэж Төрийн санд хүргүүлнэ.

 

3.3.       Төсвийн байгууллагын зарцуулалтын эрхийн хүсэлтийг батлагдсан төсөв, бүтээгдэхүүн нийлүүлэх гэрээ, төсвийн хуваарь болон тухайн байгууллагын өглөг авлагын тооцоонд үндэслэн ирүүлсэн өдрөөс хойш ажлын 2 хоногт багтаан Төрийн сангаас хянан баталгаажуулна.

 

3.4.       Зарцуулалтын эрхэд төсвийн байгууллагын нийт орлого, зарлагыг эдийн засгийн ангиллаар тусгах бөгөөд орлого, зарлагын зөрүүгээр төсвийн санхүүжилтийн эрхийг тооцоолно.

 

3.5.       Төрийн сангаас төсвийн байгууллагын зарцуулалтын эрхийг батлахдаа зардлын нийт дүн, санхүүжилтийн эрхийн дүнг тухайн байгууллагын төсвийн сар, улирлын хуваариас хэтрүүлэхгүй байх зарчмыг хатуу баримтална.

 

3.6.       Төсвийн байгууллага нь төлөвлөгөөнөөс давсан өөрийн орлого олсон тохиолдолд тэрхүү хэмжээгээр зарлагын зарцуулалтын эрхийг шууд нэмэгдүүлэхийг хориглоно. Энэхүү харилцааг Төсвийн ерөнхийлөн захирагчийн төсвийн багцын хуваарьт өөрчлөлт оруулах зарчмаар зохицуулна.

 

3.7.       Төсвийн байгууллагын эдийн засгийн ангиллаар хуваарилсан зардлын төсөв нь үйл ажиллагаагаа хэвийн явуулахад хүрэлцэхгүй байгаа тохиолдолд бараа үйлчилгээний зардлуудыг эдийн засгийн ангилал хооронд шилжүүлэн зарцуулахаар зарцуулалтын эрхийг баталж болно. Энэ тохиолдолд төсвийн байгууллагаас зардлын эдийн засгийн ангилал хооронд гүйлгэх зайлшгүй шаардлага, үндэслэл, холбогдох нарийвчилсан тооцоог танилцуулгын хамт Төрийн санд ирүүлнэ.

 

3.8.       Төрийн сангаас энэ журмын 3.7 дахь заалтыг үндэслэн зардлын эдийн засгийн ангиллын хооронд гүйлгэж зарцуулалтын эрх батлахдаа зөвхөн бараа үйлчилгээний зардлын бүлэг дотор зохицуулалт хийхийг зөвшөөрнө.

 

3.9.        Бараа үйлчилгээний зардлуудыг дотор нь тогтмол чанартай зардал, үйл ажиллагааны үндсэн үзүүлэлттэй шууд холбоотой зардал, болон бусад бараа үйлчилгээний зардал гэсэн 3 бүлэгт хувааж үзнэ.

 

3.10.   Тогтмол чанартай зардлын бүлэгт төсвийн байгууллагын байрны ашиглалттай холбоотойгоор тухайн үеийн үнэ, тарифаар тооцогдон төлөвлөгддөг цахилгаан, дулаан, болон цэвэр бохир усны зардлыг хамааруулна.

 

3.11.   Үйл ажиллагааны үндсэн үзүүлэлттэй шууд холбоотой зардлын бүлэгт тухайн байгууллагын үйл ажиллагааны үндсэн үзүүлэлттэй шууд холбоотой эрх бүхий байгууллагаас батлагдсан норм, нормативын дагуу төлөвлөж гүйцэтгэл нь тооцогддог хоол, эм вакцины зардлыг хамааруулна.

 

3.12.   Бусад бараа үйлчилгээний зардлын бүлэгт төсвийн байгууллагын үйл ажиллагаатай холбоотой бичиг хэрэг, тээвэр шатахуун, шуудан харилцаа холбоо, албан томилолт, ном хэвлэл захиалах худалдан авах, хичээл үйлдвэрлэлийн дадлага хийх, эрдэм шинжилгээний ажил хийх, жижиг эд хогшил худалдан авах, нормын болон дүрэм хувцас зөөлөн эдлэл, төлбөр хураамж жижиг татвар, харуул хамгаалалт, банкны үйлчилгээний хураамж, төрийн өмнөөс гүйцэтгэсэн ажил үйлчилгээний төлбөр, маягт хэвлүүлэх, урсгал засвар, биеийн тамирын уралдаан тэмцээн, гадаад зочны зардал, бусад зардлуудыг хамааруулна.

 

 

4.1.       Төсвийн төвлөрүүлэн захирагч нь харъяа төсвийн байгууллагуудын нийт дүнгээр зарцуулалтын эрхийн хүсэлтийг Төрийн санд ирүүлнэ.

 

4.2.       Төрийн сангаас батлагдсан зарцуулалтын эрхийн нийт дүнд багтаан төвлөрүүлэн захирагч нь харъяа төсвийн байгууллагуудын санхүүжилтийн эрх, зарцуулалтын эрхийг ЗЭБ-3, ЗЭБ-4 маягтын дагуу бэлтгэж ажлын 3 хоногт багтаан холбогдох Төрийн санд болон харъяа төсвийн байгууллагад хүргүүлнэ.

 

 

5.1.       Орон нутагт байрладаг улсын төсвийн байгууллагын санхүүжилтийн эрхийг Төв Төрийн сангаас баталгаажуулан олгох бөгөөд орон нутгийн Төрийн сангаас энэхүү санхүүжилтийн эрхэд багтаан төсвийн байгууллагын зарцуулалтын эрхийн хүсэлтийг хянан батална.

 

 

6.1.       Төсвийн байгууллагын ирүүлсэн зарцуулалтын эрхийн хүсэлт нь тухайн байгууллагын дарга болон ерөнхий нягтлан бодогч эсвэл тэдгээрийг орлох эрх бүхий албан тушаалтны гарын үсэг, тамга тэмдгээр баталгаажсан байна.

 

6.2.       Төсвийн эрх захирагчийн ирүүлсэн зарцуулалтын эрхийн хүсэлтийг Төрийн сангийн дарга эсвэл түүнийг орлох эрх бүхий албан тушаалтан баталснаар хүчин төгөлдөр болно.

 

6.3.       Төрийн сангаас олгосон зарцуулалтын эрх тухайн төсвийн жилийн туршид хүчин төгөлдөр байна.

 

 

7.1.       Төсвийн байгууллага Төрийн сангаас олгогдсон зарцуулалтын эрхийн хүрээнд гаргасан бүртгэлийн дансны орлого, зарлагын зөрүүгээр төсвийн санхүүжилтийн гүйцэтгэлийг тооцно.

 

 

8.1.       Батлагдсан төсвийн хуваариас гадуур аливаа зарцуулалтын эрх батлах, гүйцэтгэл гаргахыг хориглох бөгөөд үүнийг зөрчсөн албан тушаалтанд "Төсвийн байгууллагын удирдлага, санхүүжилтийн тухай хууль", бусад хууль тогтоомжийн дагуу хариуцлага хүлээлгэнэ.

 

 

 

 

 

 

 

 

 

 

 

 

 

 

 

 

 

Сангийн сайдын 2005 оны 5 дугаар сарын 4-ний                                                                                                                                                     Маягт ЗЭБ-1

 

БАТЛАВ: ТНБД                                                гарын үсэг                                           Нэр:

ТСГ-ын дарга                                    гарын үсэг                                           Нэр:

 

/мянган төгрөгөөр/

Албан тушаал                                                     гарын үсэг                                           Нэр:

Албан тушаал                                                     гарын үсэг                                           Нэр:

Сангийн сайдын 2005 оны 5 дугаар сарын 4-ний                                                                                                                                                     Маягт ЗЭБ-2

БАТЛАВ: ................................

/Төрийн сангийн дарга/

Хамрагдах хугацаа: 20 .. оны .. –р сарын .. –нээс .. сарын ..                                                                 /мянган төгрөгөөр/

Хүсэлт гаргасан:                             Байгууллагын дарга                                          /                       /            Хянасан:

Тэмдэг

Ерөнхий /ахлах/ нягтлан бодогч              /                       /

200.. оны .. сарын .. –ны өдөр                                                                 Төрийн санд хүлээн авсан мэргэжилтэн

Сангийн сайдын 2005 оны 5 дугаар сарын 4-ний                                                                                                                                                     Маягт ЗЭБ-3

БАТЛАВ: Албан тушаал                                    тамга, гарын үсэг                                                                   Нэр:

 

 

 

ТӨВЛӨРҮҮЛЭН ЗАХИРАГЧИЙН НЭР:........................................................                                                                                                       /мянган төгрөгөөр/

 

 

 

Албан тушаал                                                     гарын үсэг                                           Нэр:

Албан тушаал                                                     гарын үсэг                                           Нэр:

 

 

Сангийн сайдын 2005 оны 5 дугаар сарын 4-ний                                                                                                                                                     Маягт ЗЭБ-4

БАТЛАВ: ....................................

/Төсвийн төвлөрүүлэн захирагч/

Төвлөрүүлэн захирагч байгууллагын нэр:........................

Харъяа төсвийн байгууллагын нэр..............................                 Хамрагдах хугацаа: 20 .. оны .. –р сарын .. –нээс .. сарын ..           /мянган төгрөгөөр/

Хүсэлт гаргасан:                                                     Байгууллагын дарга                              /                       /Хянасан:

Тэмдэг                                 Ерөнхий /ахлах/ нягтлан бодогч            /                       /

200.. оны .. сарын .. –ны өдөр                                                                 Төрийн санд хүлээн авсан мэргэжилтэн