Боловсрол, соёл, шинжлэх ухааны сайдын 2007 оны

10 дугаар сарын 10-ны өдрийн 365 дугаар тушаалын хавсралт    

 

 

ШИНЖЛЭХ  УХААНЫ  ДОКТОРЫН  ЗЭРЭГ ХАМГААЛУУЛАХ, ОЛГОХ ЖУРАМ

 

Нэг. Нийтлэг үндэслэл

 

1.1. Энэ журмаар докторын зэрэгтэй хүмүүсийн туурвисан шинжлэх ухааны бүтээлийн онол-арга зүйн болон техник, технологийн шийдлийн түвшин, хэрэглээний ач холбогдлыг шүүн хэлэлцэж, Монгол Улсад шинжлэх ухааны докторын зэрэг хамгаалуулах, түүнд уг зэргийг олгох үйл ажиллагааг зохицуулна.

1.2.Гадаадын иргэн Монгол Улсад шинжлэх ухааны докторын зэрэг хамгаалахад энэхүү журмыг баримтална./Энэ хэсгийг БСШУС-ын 2017 оны А/222 дугаар тушаалаар нэмсэн/

 

1.2. Гадаадын иргэн Монгол Улсад шинжлэх ухааны докторын зэрэг хамгаалах бол энэ журмын дагуу шийдвэрлэнэ. /Энэ хэсгийг БСШУС-ын 2015 оны А/475 дугаар тушаалаар хассан/

 

Хоёр. Шинжлэх ухааны докторын зэрэг хамгаалуулах зөвлөлийг байгуулах, татан буулгах

                        2.2.1. Физик-математикийн шинжлэх ухааны;

                        2.2.2. Математикийн шинжлэх ухааны;

                        2.2.3. Химийн шинжлэх ухааны;

                        2.2.4.Биологийн шинжлэх ухааны;

                        2.2.5. Мал аж ахуйн шинжлэх ухааны;

                        2.2.6. Мал эмнэлэгийн шинжлэх ухааны;

                        2.2.7. ургамал, газар тариалангийн шинжлэх ухааны;

                        2.2.8. Техник, технологийн шинжлэх ухааны;

                        2.2.9. Геологи, газар зүйн шинжлэх ухааны;

                        2.2.10. Анагаах ухааны;

                        2.2.11. Хэл зохиолын шинжлэх ухааны;

                        2.2.12. Түүхийн шинжлэх ухааны;

                        2.2.13. Эдийн засгийн шинжлэх ухааны;

                        2.2.14. Эрх зүйн шинжлэх ухааны;

                        2.2.15. Боловсрол судлалын шинжлэх ухааны;

                        2.2.16. Гүн ухаан, социологи, улс төр, соёл, урлаг судлалын шинжлэх ухааны;

                        2.2.17. Цэргийн шинжлэх ухааны. /Энэ хэсэгт БСШУС-ын 2015 оны А/475, 2017 оны А/222 дугаар тушаалаар нэмэлт, өөрчлөлт орсныг тусгав/

 

            2.3. Зөвлөлийг 11-15 гишүүний бүрэлдэхүүнтэй байгуулах бөгөөд гишүүд нь шинжлэх ухааны докторын зэрэгтэй байна; /Энэ хэсэгт БСШУС-ын 2015 оны А/475, 2017 оны А/222 дугаар тушаалаар өөрчлөлт орсныг тусгав/

 

           2.4. Зөвлөл нь дарга, орлогч дарга, эрдэмтэн нарийн бичгийн даргатай байх бөгөөд тэдгээр нь шинжлэх ухааны докторын зэрэгтэй байна./Энэ хэсэгт БСШУС-ын 2017 оны А/222 дугаар тушаалаар өөрчлөлт орсныг тусгав/

 

           2.5. Зөвлөлийн ажлын үндсэн хэлбэр нь хуралдаан байна.

2.6.Шинжлэх ухааны докторын зэрэг хамгаалуулах бүтээлийн болон мэргэжлийн онцлогийг харгалзан Зөвлөлийн дарга, орлогч дарга, эрдэмтэн нарийн бичгийн дарга нар зөвшилцөн санал болгосноор 3 хүртэл тооны эрдэмтнийг Шинжлэх ухааны Академийн ерөнхийлөгчийн тушаалаар тухайн хуралдаанд санал өгөх эрхтэйгээр оролцуулж болно. /Энэ хэсэгт БСШУС-ын 2017 оны А/222 дугаар тушаалаар өөрчлөлт орсныг тусгав/

           

         2.7. Зөвлөлийн гишүүдийн 50-иас дээш хувь нь эрдэм шинжилгээний нэг байгууллагын ажилтан байж үл болно. Нэг хүнийг хоёроос дээш Зөвлөлийн гишүүнээр томилохгүй.

 

        2.8. Шинжлэх ухааны докторын зэрэг хамгаалуулах зөвлөл нь албан бичгийн хэвлэмэл хуудастай байх бөгөөд Шинжлэх ухааны академийн тэмдгийг хэрэглэнэ.

 

        2.9. Энэ журмын шаардлагыг биелүүлээгүй Зөвлөлийг татан буулгана.

 

 

            3.1. Зөвлөл дор дурдсан эрх эдэлнэ:

 

                        3.1.1.энэ журмын 4.3-д заасан шаардлагыг хангаагүй бүтээлийг хамгаалалтанд оруулахаас татгалзаж материалыг горилогчид буцаах;/Энэ хэсэгт БСШУС-ын 2015 оны А/475 дугаар тушаалаар өөрчлөлт орсныг тусгав/

                       

                       3.1.2. албан ёсны шүүмжлэгчийн санал, холбогдох эрдэм шинжилгээний  байгууллагаас бүтээлийн талаар өгсөн үнэлэлт, дүгнэлтэд уг бүтээл зохих шаардлага хангаагүй гэж үзсэн бол түүнийг хэлэлцэхгүйгээр уг ажлыг дэвшүүлсэн байгууллагад буцаах;

 

                      3.1.3. шаардлагатай гэж үзсэн нөхцөлд албан ёсны шүүмжлэгч болон шүүмжлэгч байгууллагыг дахин томилох.

                       

            3.2. Зөвлөл дор дурдсан үүрэг хүлээнэ:

 

                    3.2.1. шинжлэх ухааны докторын зэрэг горилсон бүтээлийг хүлээн авснаас хойш хуанлийн 30 хоногт багтаан уг бүтээлд тухайн шинжлэх ухааны 3-аас доошгүй доктороор хянан магадлагаа хийлгэж урьдчилсан хамгаалалтад оруулах шаардлага хангасан, эсэх талаар дүгнэлт гаргуулах;

 

               3.2.2. хамгаалуулах хуралдаан дээр гарсан санал, шүүмжлэл, санал хураалтын дүн бүхий хурлын дэлгэрэнгүй тэмдэглэл, Зөвлөлийн тогтоол, холбогдох бусад материалыг хуралдаан болсноос хойш 14 хоногийн дотор бүрдүүлж, Шинжлэх ухааны академийн Тэргүүлэгчдийн газарт хүлээлгэн өгөх;

 

                 3.2.3.шинжлэх ухааны тухайн чиглэлд хамаарах дотоодын эрдэм шинжилгээний сэтгүүлийн жагсаалтыг гаргаж, Шинжлэх ухааны академийн холбогдох Бага чуулганаар хэлэлцүүлэн Шинжлэх ухааны академийн ерөнхийлөгчийн тушаалаар батлуулан мөрдөх; /Энэ хэсэгт БСШУС-ын 2017 оны А/222 дугаар тушаалаар өөрчлөлт орсныг тусгав/

 

                  3.2.4. шинжлэх ухааны докторын зэрэг хамгаалуулах шинжлэх ухааны чиглэлд хамаарах мэргэжлийн индексийг боловсруулж, шинжлэх ухаан, технологийн асуудал хариуцсан Засгийн газрын гишүүнээр батлуулан мөрдөх;

 

                  3.2.5. энэхүү журмыг мөрдлөг болгон ажиллах, үйл ажиллагаагаа ил тод, шударга явуулах.

 

 

4.1. Шинжлэх ухааны докторын зэрэг горилогч, түүний бүтээлийн сэдвийг Шинжлэх ухааны академийн ерөнхийлөгчийн тушаалаар батална. Шинжлэх ухааны академийн ерөнхийлөгч нь эрдэм шинжилгээний зөвлөхүүдийг томилно. Шинжлэх ухааны докторын зэрэг горилогч нь дор дурдсан шаардлага хангасан байна:/Энэ хэсэгт БСШУС-ын 2015 оны А/475, БСШУС-ын 2017 оны А/222 дугаар тушаалаар нэмэлт, өөрчлөлт орсныг тусгав/

 

4.1.1. докторын зэрэгтэй байх;

4.1.2.шинжлэх ухааны докторын зэрэг горилсон бүтээлийг холбогдох эрдэм шинжилгээний байгууллагын эрдмийн зөвлөлөөр хэлэлцүүлж дүгнэлт гаргуулсан байх; /Энэ хэсэгт БСШУС-ын 2015 оны А/475 дугаар тушаалаар өөрчлөлт орсныг тусгав/

4.1.3. доктор хамгаалсан чиглэлээрээ шинжлэх ухааны докторын зэрэг горилох;

 

4.1.4. доктор хамгаалснаас хойш 3-5 жил эрдэм шинжилгээний ажил эрхэлсэн байх;

4.1.5. шинжлэх ухааны докторын зэрэг горилогч нь 1 болон түүнээс дээш докторантын ажлыг удирдан хамгаалуулсан байх; /Энэ хэсэгт БСШУС-ын 2015 оны А/475 дугаар тушаалаар өөрчлөлт орсныг тусгав/

 

4.1.6. тухайн шинжлэх ухааны онол, арга зүйн болон гадаад хэлний мэдлэгийн өндөр түвшинг хангасан байх;

 

4.1.7. дотоод, гадаадын эрдэм шинжилгээний хэвлэлд хамгаалах чиглэлээрээ дор дурдсан тооны эрдэм шинжилгээний бие даасан болон хамтын бүтээл туурвиж нийтлүүлсэн байна:

 

          4.1.7.1.шинжпэх ухааны докторын зэрэг горилогч нь дотоодын болон гадаадын эрдэм шинжилгээний сэтгүүлд 25-аас доошгүй эрдэм шинжилгээний өгүүлэл нийтлүүлсэн байх, үүнээс 5-аас доошгүйг нь мэргэжлийн өндөр түвшинд хянагддаг олон улсын эрдэм шинжилгээний сэтгүүлд хэвлүүлсэн байх; (өөрийн судалгаанд үндэслэн бичсэн 2 монограф эсвэл өндөр хөгжилтэй оронд хамгаалсан патентийг дүйцүүлж болно.) /Энэ хэсэгт БСШУС-ын 2015 оны А/475, 2017 оны А/222 дугаар тушаалаар нэмэлт, өөрчлөлт орсныг тусгав/

 

            4.1.7.2. хэл зохиол, түүх, эдийн засаг, эрх зүй, боловсрол судлал, гүн ухаан, социологи, улс төр, урлаг судлал, олон улс судлал, цэргийн шинжлэх ухааны докторын зэрэг горилогч нь дотоодын эрдэм шинжилгээний бичиг, сэтгүүлд 25-аас доошгүй, гадаадын эрдэм шинжилгээний бичиг, сэтгүүлд 7-аас доошгүй эрдэм шинжилгээний өгүүлэл нийтлүүлсэн, тухайн мэргэжлийн чиглэлийн 2 эрдэмтний шүүмж авч хэвлүүлсэн нэг сэдэвт бүтээл туурвисан байх; /Энэ хэсгийг БСШУС-ын 2015 оны А/475 дугаар тушаалаар хассан/

           

4.1.8. горилогчийн судалгааны ажлын үр дүн нь эрдэм шинжилгээний хурал, симпозиумд илтгэгдсэн, энэ тухай уг хурлын хэвлэгдсэн материалаар баталгаажсан байна.

 

4.2. Шинжлэх ухааны докторын зэрэг горилогчийг эрдэм шинжилгээний хүрээлэн, төв, их сургууль, шинжлэх ухаан, технологи, үйлдвэрлэлийн нэгдлийн эрдмийн зөвлөл нэр дэвшүүлнэ.

4.3. Шинжлэх ухааны докторын зэрэг горилогчийн  бүтээл нь дор дурдсан шаард­лагыг хангасан байна:

 

4.3.1. шинжлэх ухаан, технологийн хөгжилд тодорхой хувь нэмэр оруулах, тухайн салбарын онол, практикийн тулгамдсан асуудлыг шийдвэрлэх, хөгжлийн шинэ чиглэлийг тогтоох, улс орны эдийн засаг, нийгмийг хөгжүүлэхэд чиглэсэн байх;

 

4.3.2. бүтээлийн үндсэн агуулга, гол үр дүн, санал, дүгнэлт нь энэ журмын 3.2.3-д заасан эрдэм шинжилгээний бичиг, сэтгүүлд нийтлэгдсэн байх;

 

4.3.3. шинжлэх ухаанд хувь нэмэр болохуйц судалгааны үр дүн,  онолын үндэслэл, санал, дүгнэлтийг хэрэглээнд нэвтрүүлэх асуудлыг тусгасан, зарим хэсэг нь  нэвтэрч хэрэгжсэн байх;

 

4.3.4. дэвшүүлсэн шинэ санаа, шийдлийг онол, туршилтаар нотолсон, урьд өмнө мэдэгдэж байсан шийдлүүдтэй харьцуулж шинэлэг болон давуу талыг нь харуулсан байх;

 

4.3.5. бусдын бүтээл, дэвшүүлсэн санаа (хэлсэн үг, дүгнэлт, хүснэгт, тоон үзүүлэлт, томъёо гэх мэт)-г ишлэлгүйгээр хуулан авч ашиглаагүй, баталгаагүй дүгнэлт, тоон үзүүлэлт оруулаагүй байх.

 

4.4. Шинжлэх ухааны докторын зэрэг горилсон бүтээлийг монгол хэлээр, бүтээлийн хураангуйг монгол эсхүл тухайн шинжлэх ухааны салбарт түгээмэл хэрэглэгддэг аль нэг гадаад хэлээр бичнэ./Энэ хэсэгт БСШУС-ын 2015 оны А/475 дугаар тушаалаар нэмэлт, өөрчлөлт орсныг тусгав/

 

4.5. Хураангуйд уг бүтээлийн үндсэн агуулга, дэвшүүлсэн санаа, дүгнэлтийг товч дурдаж, зохиогчоос онолын сэтгэлгээ, практикт оруулсан хувь нэмэр, судал­гааны шинэлэг тал, тухайн сэдвээр нийтлүүлсэн эрдэм шинжилгээний бүтээлийн жагсаалтыг тусгасан байна.

 

4.6. Хураангуй 2-3 хэвлэлийн хуудас байна.

 

4.7. Шинжлэх ухааны докторын зэрэг горилсон бүтээл болон түүний хураангуйг зар нийтлэгдсэн өдрөөс эхлэн Үндэсний номын сан, Шинжлэх ухааны академийн эрдэм шинжилгээний төвлөрсөн номын санд хүлээлгэн өгнө.

 

 

5.1. Шинжлэх ухааны докторын зэрэг горилох бүтээлийг шүүн хэлэлцэхэд албан ёсны шүүмжлэгч байгууллага болон албан ёсны гурван шүүмжлэгчийг Зөвлөлөөс томилох ба хоёр нь тухайн зөвлөлийн гишүүн байж  болно.

 

5.2. Зэрэг горилогчийн бүтээлийн албан ёсны шүүмжлэгч болон зөвлөх нь тухайн шинжлэх ухааны докторын зэрэгтэй эрдэмтэн байна. Горилогчийн бүтээлийн зөвлөхийн тоо 2 хүртэл байна./Энэ хэсэгт БСШУС-ын 2015 оны А/475 дугаар тушаалаар нэмэлт, өөрчлөлт орсныг тусгав/

 

5.3. Зөвлөлийн дарга, дэд дарга, эрдэмтэн нарийн бичгийн даргын аль нэг нь горилогчийн бүтээлийн албан ёсны шүүмжлэгч эсхүл зөвлөхөөр ажилласан тохиолдолд тухайн хуралдаанд зөвхөн гишүүний эрхтэйгээр оролцоно. Горилогчийн албан ёсны шүүмжлэгчээр түүний эрдэм шинжил­гээний зөвлөх, бүтээлийг хамтран зохиогчид, горилогчийн ажилладаг байгууллагыг томилохгүй.

 

5.4. Горилогч нь бүтээлээ албан ёсны шүүмжлэгчдэд болон албан ёсны шүүмжлэгч байгууллагад зэрэг хамгаалахаас 45 хоногийн өмнө өгөх бөгөөд шүүмж-лэгчид нь өөрсдийн дүгнэлтийг хамгаалалт болохоос 15 хоногийн өмнө гаргаж, Зөвлөлийн эрдэмтэн нарийн бичгийн даргад тухайн байгууллагын бичиг хэргээр дамжуулан албан ёсоор хүлээлгэн өгнө.  

 

 

6.1. Урьдчилсан хамгаалалт

 

6.1.1. Зөвлөл нь энэ журмын 3.2.1-д заасны дагуу  урьдчилсан хамгаалалтын өмнө өөрийн гишүүд болон тухайн чиглэлийн мэргэжлийн эрдэмтдээс бүрдсэн ажлын хэсэг байгуулж, горилогчийн бүтээлийн онол, практикийн ач холбогдол, шинжлэх ухаанд оруулж буй хувь нэмэр, шинэлэг тал, туршилтын хэсэг бодитой, эсэх, горилогчийн нийтлүүлсэн бүтээл нь хамгаалж буй бүтээлийн агуулгад нийцэж байгаа, эсэх, сэдэв нь хамгаалуулах зөвлөлийн хэлэлцвэл зохих шинжлэх ухааны чиглэлд тохирох, эсэх талаар хянан магадлагаа хийлгэж, дүгнэлт гаргуулна.

 

6.1.2. Энэ журмын 6.1.1-д заасан дүгнэлт нь эерэг гарсан тохиолдолд Зөвлөл нь хянан магадлагаа хийсэн эрдэмтдийг оролцуулсан өргөтгөсөн хуралдаанаар урьдчилсан хамгаалалт хийлгэнэ. Урьдчилсан хамгаалалтыг Зөвлөлийн гишүүдийн 2/3-оос доошгүйн ирцтэйгээр хийнэ. Тухайн хуралдаанд оролцсон гишүүдийн 75-аас доошгүй хувь нь дэмжсэн санал өгсөн тохиолдолд горилогчийг хамгаалалтад оруулна. Санал хураалтыг нууцаар явуулна.

 

6.1.3. Горилогч бүтээлээ мэргэжлийн тэнхим, салбар, лаборатори, эрдэмтдийн хүрээнд хэлэлцүүлсэн байдал, тэднээс өгсөн үнэлэлт, дүгнэлт нь урьдчилсан хамгаалалтад оруулах үндсэн шалгуур үзүүлэлтийн нэг болно.

 

6.1.4. Урьдчилсан хамгаалалт амжилттай болсон тохиолдолд Зөвлөл нь жинхэнэ хамгаалалтад оруулах шийдвэр гаргаж, албан ёсны шүүмжлэгч эрдэмтэд болон шүүмжлэгч байгууллагыг томилж,  хамгаалалт болох огноо, цаг, байрыг товлоно. Урьдчилсан хамгаалалтаас бүтээлийг хамгаалалтад оруулах шаардлага хангаагүй гэж үзсэн бол түүнийг зохих үндэслэл, дүгнэлтийн хамт горилогчийг анх дэвшүүлсэн эрдэм шинжилгээний байгууллагад буцаана.

 

 

6.2.1. Бүтээлийг Зөвлөлийн хурлаар нээлттэй хэлэлцэнэ. Хэрэв урьдчилсан хамгаалалтын үед хаалттай хэлэлцэхээр санал гарсан бол энэ асуудлыг Зөвлөлийн хурлаар хэлэлцэн шийдвэрлэнэ.

 

6.2.2. Зөвлөлийн хурлын зарыг хамгаалалт болохоос нэг сарын өмнө өдөр тутмын хэвлэлд нийтлүүлнэ.

 

6.2.3. Зэрэг горилогч нь зөвлөлийн зөвшөөрлөөр бүтээлийн хураангуйг хэвлүүлж, хамгаалалт болохоос 30-аас доошгүй хоногийн өмнө 50 ширхгийг зөвлөлийн эрдэмтэн нарийн бичгийн даргад хүлээлгэн өгнө.

 

6.2.4. Горилогчийн бүтээлийн хураангуйг хэвлүүлж тарааснаас хойш нэг сарын дотор хамгаалуулна.

 

6.2.5. Зэрэг горилсон бүтээл болон бүтээлийн хураангуй нь Үндэсний номын сан, Шинжлэх ухааны академийн Түүх археологийн хүрээлэнгийн баримт мэдээллийн төвд байнга хадгалагдана. Хураангуй нь гар бичмэлийн эрхтэй байна./Энэ хэсэгт БСШУС-ын 2017 оны А/222 дугаар тушаалаар өөрчлөлт орсныг тусгав/

 

6.2.6. Хамгаалалт амжилтгүй болсон тохиолдолд Зөвлөлийн хуралдааны дэлгэрэнгүй тэмдэглэл, бүтээлийн талаар гарсан санал, шүүмжлэл, дүгнэлт, санал хураалтын дүн, зөвлөлийн тогтоол, горилогчийн холбогдох бусад материал тухайн Зөвлөлд үлдэнэ.

 

6.2.7. Зөвлөл сөрөг үнэлэлт авсан бүтээлийг холбогдох санал шүүмжлэлийн дагуу шаардлагын түвшинд хүртэл засварлан сайжруулсан гэж үзвэл 1-2 жилийн дотор зохих журмын дагуу дахин хамгаалуулж болно. Дахин хамгаалалт хийхэд албан ёсны шүүмжлэгчийг шинээр томилно./Энэ хэсэгт БСШУС-ын 2015 оны А/475 дугаар тушаалаар нэмэлт, өөрчлөлт орсныг тусгав/

 

 

7.1. Зөвлөлийн хуралдааныг гишүүдийн дөрөвний гурваас доошгүй хувийн ирцтэй хийнэ. Тухайн хуралдаанд биечлэн оролцсон гишүүдийн нууц санал хураалтаар 75-аас доошгүй хувийн санал авсан тохиолдолд шинжлэх ухааны докторын зэргийг хамгаалсанд тооцно./Энэ хэсэгт БСШУС-ын 2015 оны А/475 дугаар тушаалаар нэмэлт, өөрчлөлт орсныг тусгав/

 

7.2. Хуралдааныг зөвлөлийн дарга, түүнийг эзгүйд зөвлөлийн дэд дарга удирдана. Зөвлөлийн дарга, дэд дарга нарын аль нэг нь тухайн горилогчийн эрдэм шинжилгээний ажлын зөвлөхөөр ажилласан бол уг бүтээлийг хэлэлцэх үед хуралдааныг даргалахгүй. Зөвлөлийн дарга, дэд дарга хоёул тухайн горилогчийн эрдэм шинжилгээний зөвлөхөөр зэрэг ажиллахыг хориглоно.

 

7.3.  Зөвлөлийн эрдэмтэн нарийн бичгийн даргын эзгүйд зөвлөлийн даргын шийдвэрээр зөвлөлийн аль нэг гишүүнийг түр хугацаагаар эрдэмтэн нарийн бичгийн даргын үүрэг гүйцэтгүүлэхээр томилно.

 

7.4. Зөвлөлийн дарга, дэд дарга хоёул оролцох боломжгүй тохиолдолд хуралдааныг зохион байгуулахгүй.

 

7.5.  Зөвлөлийн нэг удаагийн хуралдаанаар зэрэг горилсон зөвхөн нэг бүтээлийг хэлэлцэнэ.

 

7.6.  Зөвлөлийн хуралдааны нийт үргэлжлэх хугацааны 70-аас доошгүй хувийг бүтээлийг шүүн хэлэлцэх, харилцан ярилцах, мэтгэлцэх үйл ажиллагаанд зориулна.

 

7.7.  Хуралдааныг дор дурдсан дарааллаар явуулна:

 

7.7.1.горилогчийн намтар, бүтээл, жинхэнэ хамгаалалтанд оруулах бэлтгэл ажил хэрхэн хангагдсан талаар эрдэмтэн нарийн бичгийн дарга танилцуулна;

 

7.7.2. бүтээлийнхээ тухай горилогч 25-30 минут илтгэнэ;

 

7.7.3. зөвлөлийн гишүүд бүтээлийн талаар горилогчид асуулт тавьж, хариулт авна;

           

7.7.4. горилогчийн эрдэм шинжилгээний зөвлөхийн тодорхойлолтыг сонсоно;

7.7.5. хэлэлцүүлж байгаа бүтээлийн талаар албан ёсны шүүмжлэгч нар дүгнэлт гаргана;

           

7.7.6. бүтээлийн талаар зөвлөлийн гишүүд болон хуралдаанд  оролцогчид санал шүүмжлэл гаргана;

7.7.7. тооллогын  комисс байгуулах асуудлыг хэлэлцэж, Зөвлөлийн тогтоол гаргана.

 

7.7.8. зөвлөлийн гишүүд санал хураах хуудаст бичигдсэн "зөвшөөрнө", "татгалзана" гэсэн хоёр үгийн өмнөх тоог нь нууцаар дугуйлан тэмдэглэж хуудсаа саналын хайрцагт хийнэ;/Энэ хэсэгт БСШУС-ын 2015 оны А/475 дугаар тушаалаар нэмэлт, өөрчлөлт орсныг тусгав/

 

7.7.9.  хуралдаанд зөвхөн биечлэн оролцсон гишүүд санал өгнө;

 

7.7.10. нууц санал хураалтын дүнгийн тухай тооллогын комиссын тогтоолыг хэлэлцэж  батална.

 

7.8. Зөвлөл дотооддоо мөрдөх нарийвчилсан дэгийг тогтоож болно.

 

7.9.  Зөвлөлийн хуралдааны тэмдэглэлд асуулт, хариулт, хэлсэн үгийг дуу авиа, дүрс бичлэгийн хуурцагт, эсхүл түргэн бичээсээр тодорхой, үнэн зөв бичүүлж, эрдэмтэн нарийн бичгийн дарга хянаж баталгаажуулсан байна.

 

7.10. Зөвлөлийн гишүүн өөрийн зөвлөлд шинжлэх ухааны докторын зэрэг хамгаалж байгаа бол тухайн хуралдаанд гишүүний эрх эдлэхгүй.

7.11.Гадаадын иргэн нь шинжлэх ухааны докторын зэргийг монгол, Нэгдсэн Үндэстний Байгууллагын албан ёсны гадаад хэлний аль нэгээр нь хамгаална./Энэ хэсгийг БСШУС-ын 2017 оны А/222 дугаар тушаалаар нэмсэн/

 

Найм. Шинжлэх ухааны докторын зэргийн диплом олгох, баримт бичгийг бүртгэх

 

8.1. Зөвлөл нь шинжлэх ухааны докторын зэрэг горилсон бүтээлийг хэлэлцээд энэ журмын 7.1-д заасан нууц санал хураалтын дүнг үндэслэн хамгаалалт амжилттай болсон гэж үзсэн бол уг хамгаалалт болсон өдрөөс хойш 14 хоногийн дотор шинжлэх ухааны докторын зэрэг горилсон бүтээл, түүний хураангуй, хамгаалалтын хурлын тэмдэглэл, тооллогын комиссын шийдвэр болон бусад холбогдох материалыг Шинжлэх ухааны академийн Тэргүүлэгчдийн газарт ирүүлнэ.

 

8.2. Шинжлэх ухааны академийн Тэргүүлэгчдийн газар энэ дүрмийн 8.1-д заасан материалыг хүлээн авч, шаардлагатай тохиолдолд тухайн мэргэжлийн шинжлэх ухааны докторын зэрэгтэй 3-аас доошгүй эрдэмтнийг томилон уг бүтээл болон Зөвлөлийн хуралдааны материалд 30 хоногт багтаан хянан магадлагаа хийлгэж дүгнэлт гаргуулна. /Энэ хэсгийг БСШУС-ын 2017 оны А/222 дугаар тушаалаар нэмэлт орсон/

8.3. энэ журмын 8.2-т заасан дүгнэлт уг бүтээлийг шинжлэх ухааны докторын зэрэг олгох шаардлага хангасан, Зөвлөлийн хуралдаан зохих ёсоор болсон гэж үзвэл шинжлэх ухааны докторын зэрэг олгоно. Харин шаардлага хангаагүй гэж үзсэн тохиолдолд үндэслэл, дүгнэлтийг материалын хамт холбогдох Зөвлөлд буцаана.

 

8.4. Шинжлэх ухааны докторын зэрэг амжилттай хамгаалсан хүнд Шинжлэх ухааны академийн ерөнхийлөгчийн тушаалаар шинжлэх ухааны докторын зэргийн диплом олгоно.

 

8.5. Шинжлэх ухааны докторын диплом нь нэгдсэн загвартай байх бөгөөд түүнийг шинжлэх ухаан, технологийн асуудал эрхэлсэн Засгийн газрын гишүүн батална. Дипломд шинжлэх ухааны доктор хамгаалсан сэдэв болон энэ журмын 2.2-т заасан шинжлэх ухааны холбогдох чиглэлийг заана.

 

8.6. Дипломд Шинжлэх ухааны академийн ерөнхийлөгч болон Шинжлэх ухааны докторын зэрэг хамгаалуулах зөвлөлийн дарга гарын үсэг зурж, Шинжлэх ухааны академийн тамга дарж баталгаажуулна.

 

8.7. Шинжлэх ухааны докторын зэрэг олгосон дипломыг үндэслэн тухайн жилд шинжлэх ухааны докторын зэрэг хамгаалагчдын бүртгэлийг Шинжлэх ухааны академийн Тэргүүлэгчдийн газар хөтлөх бөгөөд дараа оны 1 дүгээр сард багтаан дүнг Боловсрол, соёл, шинжлэх ухааны яамны Мэдээлэл, хяналт-шинжилгээ, үнэлгээний газарт уг журмын хавсралтын дагуу гаргаж ирүүлнэ.

 

8.8. Шинжлэх ухааны докторын зэрэг хамгаалуулах Зөвлөлийн хуралдааны материалыг Шинжлэх ухааны академийн Тэргүүлэгчдийн газар нэгтгэн хадгална.

 

 Ес. Зөвлөлийн үйл ажиллагааны санхүүжилт

           

9.1. Шинжлэх ухааны докторын зэрэг хамгаалуулахтай холбогдон гарах зардал (зөвлөх, шүүмжлэгч, эрдмийн зөвлөлийн гишүүдийн хуралдааны цагийн хөлс гэх мэт)-ыг горилогч хариуцна. Зардлын төсвийг их сургуулийн докторын зэрэгтэй, профессор цолтой багшийн цагийн хөлсний жишгээр тогтооно. Төсвийг Зөвлөлийн эрдэмтэн нарийн бичгийн дарга батална.

 

 

 

- - - о О о - - -

 

 

Шинжлэх ухааны докторын зэрэг хамгаалагчдын бүртгэлийн маягт