/ЗТБХБС-ын 2010 оны 111 дүгээр тушаалаар хүчингүй болсон/

 

Зам, тээвэр, аялал жуулчлалын сайдын 2008 оны 02 дугаар сарын 29 –ны

өдрийн 42 дугаар тушаалын 4 дүгээр хавсралт

 

 

 

 

ИНД-39 "Нислэгт тэнцэх чадварын удирдамж", ИНД-121 "Агаарын тээврийн үйл ажиллагаа-хүнд онгоц", ИНД-43 "Техник үйлчилгээний ерөнхий дүрэм" дүрмүүдэд орох нэмэлт өөрчлөлт /4-р хавсралтыг ЗТБХБСайдын 2009 оны 252 дугаар тушаалаар хүчингүй болсонд тооцсон/

 

 

Нэг. ИНД-39 "Нислэгт тэнцэх чадварын удирдамж"-д орох нэмэлт,  өөрчлөлт

 

1. Дүрмийн "Хавсралт – Заавал биелүүлэх нислэгт тэнцэх чадварын шаардлагууд"- ыг хүчингүй болгох;

 

2. Дүрэмд 39.10-ийн (а) заалт нэмж оруулах:

 

39.10 Заавал биелүүлэх нислэгт тэнцэх чадварын шаардлага

 

(а) ИНД-21-ийн дагуу Маягийн болон Маягийг хүлээн зөвшөөрөх гэрчилгээ олгосон, Монгол Улсад бүртгэлтэй агаарын хөлөгт болон түүнд хамаарах бүтээгдэхүүн (хөдөлгүүр, сэнс)-д Маягийн гэрчилгээ олгосон үйлдвэрлэгч улсын Иргэний нисэхийн эрх бүхий байгууллагаас гаргасан нислэгт тэнцэх чадварын удирдамжийг заавал гүйцэтгэсэн байна. 

 

 

Хоёр. ИНД-121 "Агаарын тээврийн үйл ажиллагаа-хүнд онгоц"- д орох нэмэлт

 

Дүрмийн 121.86-гийн (а) хэсэгт дараах 8/ дахь заалтыг нэмэх: 

 

8/   дараах сургалтууд:

(i)     ойртолт, буултын үед осол гарахаас сэргийлэх (ALAR);

(ii)   хэвийн хяналттай нислэгт газар мөргөхөөс сэргийлэх сургалт (CFIT) талаарх сургалт.

 

Гурав. ИНД-43 "Техник үйлчилгээний ерөнхий дүрэм"-д орох өөрчлөлт

 

Дүрмийн 43.16.(б) 2/ дахь заалт "ИНЕГ-ын Маягт хоёроор" гэснийг хасах.

 

 

 

 

___ооОоо___