Зам, тээвэр, барилга, хот байгуулалтын Сайдын 

 2010 оны  4 дүгээр сарын 16 -ны өдрийн 111 дүгээр

тушаалын 14 дүгээр хавсралт

 

 

 

 

 

ИРГЭНИЙ НИСЭХИЙН ДҮРЭМ-183

ИРГЭНИЙ НИСЭХИЙН ЕРӨНХИЙ ГАЗРЫН ИТГЭМЖЛЭГДСЭН ШАЛГАГЧ

 

А БҮЛЭГ. ЕРӨНХИЙ ЗҮЙЛ

 

183.1. Зорилго

 

        (а) Энэ дүрмийн зорилго нь нисэхийн мэргэжлийн ажилтанд үнэмлэх, гэрчилгээ олгох, агаарын хөлөгт нислэгт тэнцэх чадварын гэрчилгээ олгох, тэдгээр үнэмлэх, гэрчилгээний шаардлагын хэрэгжилтэнд үнэлэлт өгөх зорилгоор Иргэний нисэхийн ерөнхий газар (цаашид ИНЕГ гэх)-ын даргын нэрийн өмнөөс үзлэг, шалгалт хийх эрх бүхий итгэмжлэгдсэн шалгагчийг томилоход тавигдах шаардлагыг тогтоох, итгэмжлэгдсэн шалгагчийн эрх, үүргийг тодорхойлоход оршино.

 

Б БҮЛЭГ. ИТГЭМЖЛЭГДСЭН ШАЛГАГЧ

 

183.51. Итгэмжлэгдсэн шалгагчийг сонгох, томилох

 

       (а) ИНЕГ-ын дарга нь ажлын шаардлагыг харгалзан, зохих түвшинд бэлтгэгдсэн нисгэгч, агаарын хөлгийн инженер, нислэгийн удирдагч, нарийн мэргэжлийн эмч, нисгэгчээс бусад  нисэх багийн гишүүн болон агаарын хөлгийн диспатчер нараас ИНЕГ-ын нэрийн өмнөөс үзлэг шалгалт хийх итгэмжлэл өгөхөөр сонгож болно.

     

      (б) Итгэмжлэгдсэн шалгагч нисгэгчид нэр дэвшигчийг ИНЕГ-ын хяналтын албанаас шалгаж дүгнэлт гарсаснаар ИНЕГ-ын дарга томилно.

 

      (в) Дараах шаардлагыг хангасан этгээдийг ИНЕГ-ын дарга итгэмжлэгдсэн шалгагчаар томилно:

 

1/      шалгуулж, зааварчлага авах хүмүүстэй ижил, эсхүл тэднээс дээгүүр онолын мэдлэг, мэргэжлийн дадлага туршлагатай;

2/      мэргэжлээрээ 5-аас доошгүй жил тасралтгүй ажилласан;

3/      иргэний нисэхийн хууль дүрэмтэй холбоотой аливаа зөрчил дутагдалд шууд холбогдож байгаагүй;

4/      хариуцлага хүлээх чадвартай, шударга, харилцааны соёлтой байх.

 

      (г) Итгэмжлэгдсэн эмчийн хувьд, ИНД-67–ийн шаардлагыг хангасан байна.

   

      (д) Итгэмжлэгдсэн шалгагч  нарын хариуцлагыг өндөржүүлэх үүднээс  ИНЕГ-ын даргатай гэрээ байгуулж, ажлын хөлсийг тооцно.

 

183.53. Итгэмжлэгдсэн шалгагчийг гэрчилгээжүүлэх

 

      (а) ИНЕГ-аас энэ дүрмийн 183.51-ийн дагуу томилогдсон итгэмжлэгдсэн шалгагчид "Итгэмжлэгдсэн шалгагч" гэсэн гэрчилгээ олгох бөгөөд гэрчилгээнд тухайн итгэмжлэгдсэн шалгагчийн эрх, үүрэг, хүчинтэй хугацааг заасан байна.

 

 

 

183.55. Томилолтын хугацаа

 

      (а) Итгэмжлэгдсэн эмчийн томилолтын хугацаа энэ зүйлийн (д)-д заасны дагуу хугацаанаасаа өмнө дуусгавар болохоос бусад тохиолдолд томилогдсон өдрөөс хойш 1 жил байна.

 

      (б) Итгэмжлэгдсэн шалгагч нисгэгч болон үйлдвэрлэлийн итгэмжлэгдсэн шалгагчийн томилолтын хугацаа энэ зүйлийн (д)-д заасны дагуу хугацаанаасаа өмнө дуусгавар болохоос бусад тохиолдолд томилогдсон өдрөөс хойш 2 жил байна.

 

      (в) Нислэгт тэнцэх чадварын итгэмжлэгдсэн шалгагчийн томилолтын хугацаа энэ зүйлийн (д)-д заасны дагуу хугацаанаас өмнө дуусгавар болохоос бусад тохиолдолд томилогдсон өдрөөс хойш 3 жил байна.

 

      (г) Нислэгийн хөдөлгөөний итгэмжлэгдсэн шалгагчийн томилолтын хугацаа энэ зүйлийн (д)-д заасны дагуу хугацаанаасаа өмнө дуусгавар болсноос бусад тохиолдолд томилогдсон өдрөөс хойш 1 жил байна.

 

     (д) Энэ дүрмийн дагуу томилогдсон итгэмжлэгдсэн шалгагчийн гэрчилгээний хугацаа дараах тохиолдолд хугацаанаасаа өмнө дуусгавар болно:

 

1/      чөлөөлөгдөх тухай хүсэлтээ бичгээр гаргасан;

2/      итгэмжлэгдсэн шалгагчийн ажил олгогчоос томилолтын хугацааг дуусгавар болгох тухай хүсэлт бичгээр ирүүлсэн;

3/      ажил олгогчийн саналаар томилогдсон шалгагч тухайн ажлаас халагдсан бол;

4/      итгэмжлэгдсэн шалгагчийн хүлээсэн үүргээ бүрэн гүйцэтгэж чадахгүй байна гэж ИНЕГ-ын даргаас тодорхойлсон;

5/      шалгагчийн гүйцэтгэх үүрэг цаашид шаардлагагүй болсон гэж ИНЕГ-аас тогтоовол;

6/      нисэхийн аюулгүй байдал, эсхүл аюулгүй ажиллагааны эрх ашигт харшлах үндэслэл, учир шалтгаан байна гэж ИНЕГ-ын даргаас тодорхойлсон.

 

         (е) Агаарын хөлгийн итгэмжлэгдсэн шалгагч диспатчерийн томилолтын хугацаа энэ зүйлийн (д)-д заасны дагуу хугацаанаасаа өмнө дуусгавар болохоос бусад тохиолдолд, томилогдсон өдрөөс хойш 3 жил байна.

          (ж) Нисэхийн англи хэлний ур чадварын итгэмжлэгдсэн шалгагчийн томилолтын хугацаа энэ зүйлийн (д)-д заасны дагуу хугацаанаасаа өмнө дуусгавар болсноос бусад тохиолдолд, томилогдсон өдрөөс хойш 1 жил байна.

/2015-5-20-ны 148 дугаар тушаалаар "е" болон "ж" заалтыг нэмсэн/

 

183.57. Тайлан

 

    (а) Энэ дүрмийн дагуу томилогдсон итгэмжлэгдсэн шалгагч нь ИНЕГ-ын хяналтын албаны заавар, журамд тогтоосон маягт, баримтын дагуу үзлэг шалгалтын тайлан, дүгнэлтийг гаргана.

 

В БҮЛЭГ. ИТГЭМЖЛЭЛИЙН ТӨРӨЛ 

 

183.101. Итгэмжлэгдсэн эмч

 

     (а)  Итгэмжлэгдсэн эмч нь дараах эрхийг эдэлнэ:

 

1/      ИНЕГ-аас баталсан "Эрүүл мэндийн хяналтын заавар"-ын дагуу эрүүл мэндийн оношилгоо, шинжилгээ хийх;

2/      ИНД-67-д заасан эрүүл мэндийн гэрчилгээ олгохтой холбогдсон дүгнэлт  гаргах;

3/      шаардлагатай үед агаарын хөлгийн осол сүйрлийг шинжлэн шалгах үйл ажиллагаанд оролцох.

 

183.103. Итгэмжлэгдсэн шалгагч нисгэгч

 

     (а) Итгэмжлэгдсэн шалгагч нисгэгч нь энэ дүрмийн 183.51-ийн (б)-д заасан ерөнхий шалгуураас гадна дараах шаардлагыг хангасан байна:

 

1/      тухайн агаарын хөлөг дээр багшлах эрхтэй;

2/      онгоцны даргаар 3000-аас доошгүй цаг ниссэн;

3/      агаарын хөлөг болон нислэгийн дадлагажуур дээр сургалт явуулах, үзүүлэн материал ашиглан зааварчлага өгөх туршлагатай.

 

     (б) Итгэмжлэгдсэн шалгагч нисгэгч нь нисгэгчийн үнэмлэх олгох, зэрэглэл ахиулах нислэгийн шалгалт авна.

 

     (в) Итгэмжлэгдсэн шалгагч нисгэгч нь мэргэжлийн ур чадвараа хадгалахын тулд хуваарьт дадлагажуурын шалгалт (онолын мэдлэг, агаарын хөлгийн дарга, багшлах болон шалгах зэрэглэлийн)-д тогтоосон хугацаанд хамрагдаж, дүгнэлтийг нислэгийн дэвтэртээ бичүүлсэн байна.

 

     (г) Холбогдох дүрмийн заалтад нийцэж байна гэж үзвэл итгэмжлэгдсэн шалгагч-   нисгэгч нь шалгах нислэгийг баталгаажуулах эрхтэй.

 

183.105. Итгэмжлэгдсэн шалгагч инженер

 

    (а) Итгэмжлэгдсэн шалгагч инженер нь дараах эрхийг эдэлнэ:

 

1/      ИНД-66-гийн дагуу, өргөдөл гаргагчаас мэргэжлийн аман болон дадлагын шалгалт авах; эсхүл

2/      ИНД-63-ын дагуу, нисэх инженерийн үнэмлэх хүсэж өргөдөл гаргагчаас мэргэжлийн онолын аман  болон дадлагын шалгалт авах; эсхүл

3/      ИНД-63–ын дагуу, итгэмжлэгдсэн шалгагч нисэн хянагч нь нисэн хянагчийн үнэмлэх хүсэж өргөдөл гаргагчаас мэргэжлийн онолын аман болон дадлагын шалгалт авах.

 

    (б) Агаарын хөлөг, түүний хөдөлгүүр, систем, тоног төхөөрөмж /радио, цахилгаан/-ийн аливаа өөрчлөлт нь холбогдох дүрмийн заалтад нийцэж байна гэж үзвэл итгэмжлэгдсэн шалгагч инженер нь тухайн өөрчлөлтийг баталгаажуулах эрхтэй.

 

183.107. Нислэгт тэнцэх чадварын итгэмжлэгдсэн шалгагч

 

    (а) Нислэгт тэнцэх чадварын итгэмжлэгдсэн шалгагч нь дараах эрхийг эдэлнэ:

 

1/      агаарын хөлгийн гэрчилгээжүүлэлт хариуцсан ажилтны зөвшөөрснөөр үйлдвэрлэл, инженерийн үйл ажиллагаа явуулдаг газарт, мөн нислэгийн хяналтын удирдах ажилтны зөвшөөрснөөр засвар, үйлчилгээний газарт гэрчилгээ олгохтой холбогдсон үзлэг, шалгалт хийх;

2/      зөвшөөрсөн газруудад, олгосон эрхийн хүрээнд үйл ажиллагаа явуулах.

 

183.109. Нислэгийн хөдөлгөөний итгэмжлэгдсэн шалгагч

 

   (а) Нислэгийн хөдөлгөөний итгэмжлэгдсэн шалгагч нь дараах эрхийг эдэлнэ:

 

1/      нислэгийн хөдөлгөөний удирдагчийн үнэмлэх хүсэж өргөдөл гаргагчаас мэргэжлийн онолын шалгалтыг бичгээр, мөн дадлагын шалгалт авах;

2/      нислэгийн хөдөлгөөний үйлчилгээний зэрэглэл авахаар хүсэлт гаргагчаас мэргэжлийн  шалгалтыг бичгээр, мөн ур чадварын шалгалт авах.
 

183.111. Агаарын хөлгийн итгэмжлэгдсэн шалгагч диспатчер

(а) Агаарын хөлгийн итгэмжлэгдсэн шалгагч диспатчер нь энэ дүрмийн 183.51-ийн (в)-д заасан ерөнхий шаардлагаас гадна дараах шаардлагыг хангасан байна:

1/ агаарын хөлгийн диспатчерийн хүчин төгөлдөр үнэмлэх эзэмшсэн байх;
2/ ИНД-141-ийн дагуу гэрчилгээжсэн сургалтын байгууллагад суралцан амжилттай төгсөж, гэрчилгээжсэн байх;
3/ Монгол, англи хэл дээр уншиж, бичиж, ярьж, ойлгох чадвартай байх.

(б)Агаарын хөлгийн итгэмжлэгдсэн шалгагч диспатчер нь дараах эрхийг эдэлнэ:

1/ агаарын хөлгийн диспатчерийн үнэмлэхэнд заасан бүх эрх;
2/ агаарын хөлгийн диспатчерийн мэргэжлийн үнэмлэх хүсэж өргөдөл гаргагч  этгээдээс мэргэжлийн онолын шалгалтыг бичгээр, мөн дадлагын болон ур чадварын шалгалт авах;
3/ агаарын хөлгийн диспатчераар бэлтгэгдэж байгаа этгээдэд ажлын байранд нь  зааварчилгаа өгөх, хяналт тавих;
4/ агаарын хөлгийн диспатчерийн үнэмлэх эзэмших этгээдийн мэргэшил, мэдлэгт үнэлэлт өгөх, дүгнэлт гаргах.

2/ 183.113. Нисэхийн англи хэлний ур чадварыг шалгах итгэмжлэгдсэн шалгагч

(а)  Нисэхийн англи хэлний ур чадварыг шалгах итгэмжлэгдсэн шалгагч нь энэ дүрмийн 183.51-ийн (в)-д заасан ерөнхий шаардлагаас гадна дараах шаардлагыг хангасан байна:

1/ англи хэлний заах арга зүйн бакалавр буюу түүнээс дээш зэрэгтэй байх;
2/ нисэхийн англи хэлний заах арга зүйн сургалтад амжилттай хамрагдаж, гэрчилгээжсэн байх;
3/ Олон улсын нислэгийн радио холбооны талаарх онолын мэдлэг, туршлагатай байх (нислэгийн удирдагч, нисгэгч, эсхүл дадлагажуурын нисгэгч);
4/ ESL чиглэлээр багшилсан туршлагатай байх;
5/ харилцан ярилцах аргачлалаар нисэхийн англи хэлний тестийн материал боловсруулах  болон нисэхийн англи хэлний  шалгагчийн сургалтад амжилттай  хамрагдаж, гэрчилгээжсэн байх;
6/ нисэхийн англи хэлний тест боловсруулж, шалгалт авч байсан туршлагатай  байх.

(б) Англи хэлний ур чадварын итгэмжлэгдсэн шалгагч нь дараах эрхийг эдэлнэ:

1/ олон улсын нислэгийн үйл ажиллагаанд оролцож буй нислэгийн удирдагч болон олон улсын нислэгт радио холбоо ашиглан нислэг үйлдэх нисгэгчээс нисэхийн англи хэлний ур чадварын шалгалт авах;
2/ олон улсын нислэгийн үйл ажиллагаанд оролцож буй нислэгийн удирдагч болон  олон улсын нислэгт радио холбоо ашиглан нислэг үйлдэх нисгэгчээс нисэхийн англи хэлний ур чадварт үнэлэлт өгөх, дүгнэлт гаргах.

/2015-5-20-ны 148 дугаар тушаалаар 183.111, 183.113 дахь заалтыг нэмсэн/

 

Г БҮЛЭГ. ИТГЭМЖЛЭГДСЭН БАЙГУУЛЛАГА

2/      өргөдөл гаргагч нь 183.155-ын шаардлагыг хэрхэн хангаж байгаа тухай;

3/      өргөдөл гаргагчийн байгууллагын бүтэц зохион байгуулалт, итгэмжлэлийн дагуу ажиллах нэгж хэсгийн ажлын байрны тодорхойлолт;

4/      183.157-д заасан үйл ажиллагааны заавар.

(a)   Өргөдөл гаргагч нь:

 

1/      итгэмжлэл олгогдох үйл ажиллагааг гүйцэтгэх зохих байгууламжтай, хангалттай нөөц бололцоо, бэлтгэгдсэн боловсон хүчинтэй байна;

2/      итгэмжлэл олгогдох үйл ажиллагааг гүйцэтгэх, ИНЕГ-ын шаардлагад нийцсэн, журам, үйл ажиллагааны дадлага туршлагатай байна.

 (а) Итгэмжлэгдсэн байгууллага нь дараах мэдээллийг агуулсан, ИНЕГ-ын даргаар      батлуулсан Үйл ажиллагааны заавартай байна:

 

1/      зөвшөөрөгдсөн үйл ажиллагаа болон тэдгээрт тавигдсан хязгаарлалт;

2/      зөвшөөрөгдсөн үйл ажиллагааг гүйцэтгэх журам;

3/      итгэмжлэгдсэн байгууллагын бүтэц зохион байгуулалт болон үүрэг  хариуцлагын хувиарлалт;

4/      итгэмжлэгдсэн үйл ажиллагааг гүйцэтгэх байгууламжийн тодорхойлолт;

5/      дотоод хяналтын журам, үйл явц;

6/      дотоод хяналтаар илэрсэн дутагдал доголдлыг засаж залруулах журам;

7/      итгэмжлэгдсэн үйл ажиллагаатай холбоотой мэдээлэл дамжуулах журам;

8/      итгэмжлэгдсэн үйл ажиллагаатай холбоотой хяналтын заавар журам, гарын авлагуудыг олж авах, ашиглах журам;

9/      итгэмжлэгдсэн үйл ажиллагааг гүйцэтгэх хүмүүсийн сургалтын хөтөлбөр;

10/  үзлэг шалгалтын тайлан бүртгэлийн баталгаажилт болон хадгалалтын журам;

11/  итгэмжлэгдсэн үйл ажиллагааг гүйцэтгэх нэгж хэсгийн ажлын байранд тавигдах мэргэжил, дадлага туршлагын шаардлага;

12/  үйл ажиллагааны зааварт нэмэлт өөрчлөлт оруулах журам.

(a) Хэрэв итгэмжлэгдсэн байгууллагын итгэмжлэл олгогдсон үйл ажиллагаанд нөлөөлөхүйц, байршил солигдох, нөөц бололцоо болон мэргэжлийн хүмүүс, бүтэц зохион байгуулалтад өөрчлөгдөх зэрэг аливаа өөрчлөлтийг холбогдох бичиг баримтуудад тусгаж ИНЕГ-ын даргаар тухайн өөрчлөлтийг хянан баталгаажуулна.

 

(б) ИНЕГ-ын даргын аливаа хязгаарлалтыг итгэмжлэгдсэн байгууллага мөрдлөг болгоно.

(а) Итгэмжлэгдсэн байгууллага нь:

 

1/      батлагдсан заавар, түүнд тусгагдсан журмуудыг мөрдөнө;

2/      өөрийн мэргэжлийн хүмүүст зөвшөөрөгдсөн үйл ажиллагааг гүйцэтгэх эрхийг олгоно;

3/      ИНЕГ-ын хяналтын үйл ажиллагаатай уялдсан, хамтын ажиллагааг гүйцэтгэнэ.

 (а) ИНЕГ-ын дарга аливаа нэг шалтгаанаар, аливаа үед итгэмжлэгдсэн байгууллагын үйл ажиллагаа, тайлан мэдээг шалгаж болно.

 (a) Итгэмжлэгдсэн байгууллага нь дараах тайлан мэдээг итгэмжлэл олгогдсон хугацааны туршид хадгална:

 

1/      шилжигдсэн эрхийн хүрээнд олгосон эрх зөвшөөрөл;

2/      итгэмжлэгдсэн үйл ажиллагааг гүйцэтгэж байгаа этгээдийн бүртгэл, судалгаа, гарын үсгийн хуулбар;

3/      тухайн байгууллагаас баталгаажуулсан заавар журмуудын хуулбар, хувь, түүний өөрчлөлт шинэчлэлийн талаарх бүртгэл;

4/      өөрийн хүмүүсийн сургалт дадлагын тайлан бүртгэл;

5/      өөрийн үйл ажиллагааны зааварт тусгагдсан бусад аливаа тайлан, бичилтүүд;

6/      Үйл ажиллагааны зааврынхаа өөрчлөлт шинэчлэлийн талаарх бүртгэл.

 

 (б) Итгэмжлэгдсэн байгууллага нь дараах бичилт, тайлан бүртгэлийг 5 жил хүртэл хугацаагаар хадгална:

 

1/      тодорхой хугацаанд хийсэн аудит бүрийн тайлан, түүний дагуу авсан арга хэмжээний бичилтүүд;

2/      гэрчилгээ зөвшөөрөл олгохтой холбоотой үүссэн аливаа хүндрэлүүдийн талаарх бүртгэл тайлан.

 

 (в) Бүх тайлан мэдээг ИНЕГ-аас шаардсан тохиолдолд шалгуулахад бэлэн байхаар хадгална.

                                                                  

 

 

 

---оОо---

 

 

 

 

 

 

 

 

 

 

 

 

 

ИНД-183 "ИРГЭНИЙ НИСЭХИЙН ЕРӨНХИЙ ГАЗРЫН

ИТГЭМЖЛЭГДСЭН ШАЛГАГЧ" дүрмэнд орсон, ишлэл хийсэн дүрмийн жагсаалт

 

ИНД-63 "Нисгэгчээс бусад нисэх багийн гишүүний үнэмлэх, зэрэглэл";

ИНД-67 "Иргэний нисэхийн эрүүл мэндийн гэрчилгээ"

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ИРГЭНИЙ НИСЭХИЙН ДҮРЭМ –183

ИРГЭНИЙ НИСЭХИЙН ЕРӨНХИЙ ГАЗРЫН

ИТГЭМЖЛЭГДСЭН ШАЛГАГЧ

 

ГАРЧИГ

 

А БҮЛЭГ. ЕРӨНХИЙ ЗҮЙЛ

 

183.1.  Зорилго

 

Б БҮЛЭГ. ИТГЭМЖЛЭГДСЭН ШАЛГАГЧ

 

183.51. Итгэмжлэгдсэн шалгагчийг сонгох, томилох

183.53. Итгэмжлэгдсэн шалгагчийг гэрчилгээжүүлэх

183.55. Томилолтын хугацаа

183.57. Тайлан

 

В БҮЛЭГ. ИТГЭМЖЛЭЛИЙН ТӨРӨЛ

 

183.101. Итгэмжлэгдсэн эмч

183.103. Итгэмжлэгдсэн шалгагч нисгэгч

183.105. Итгэмжлэгдсэн шалгагч инженер

183.107. Нислэгт тэнцэх чадварын итгэмжлэгдсэн шалгагч

183.109. Нислэгийн хөдөлгөөний итгэмжлэгдсэн шалгагч

 

Г БҮЛЭГ. ИТГЭМЖЛЭГДСЭН БАЙГУУЛЛАГА