№

Хэрэгжүүлэх арга хэмжээ

Хүрэх үр дүн

Хариуцах байгууллага

Нэг. Гадаад валютын эх үүсвэрийг нэмэгдүүлж дотоодын мөнгөний хомсдолыг арилгах талаар

1.1

Засгийн газрын дунд, урт хугацааны үнэт цаасыг олон улсын зах зээлд арилжаалан  2 тэрбум хүртэл ам.долларын эх үүсвэр шинээр бүрдүүлэх

1. “Засгийн газрын үнэт цаас гаргахыг зөвшөөрөх тухай” УИХ-ын 2012 оны 52 дугаар тогтоол болон “Үнэт цаас арилжаалахыг зөвшөөрөх тухай” Засгийн газрын 2012 оны 10 дугаар сарын 27-ны өдрийн 112 дугаар тогтоолын хүрээнд Засгийн газрын  дунд хугацааны үнэт цаасыг олон улсын зах зээлд арилжаалах замаар эхний ээлжинд 1.5 тэрбум хүртэлх ам.долларын эх үүсвэр бүрдүүлэх.

Томоохон төслүүдэд хөрөнгө оруулах эх үүсвэр бүрдэнэ. Дотоодын санхүүгийн системд валютын нийлүүлэлт  хийснээр мөнгөний хомсдол арилна.

ЭЗХЯ

1.2

Монгол Улс, БНХАУ-ын Засгийн газар хоорондын экспортын зээлийн хүрээнд тодорхой төслүүдийг санхүүжүүлэх

1.2.2 Экспортын зээлийн шугамыг ашиглан 3 тэрбум хүртэл ам.долларын эх үүсвэрийг бүрдүүлэх.

Энэхүү зээлийн шугамаар 3 тэрбум  хүртэл ам.долларын шинэ эх үүсвэр бүрдүүлнэ.

ЭЗХЯ, ГХЯ

ЭЗХЯ, ГХЯ, МБ

1.3

Монгол Улс, БНХАУ-ын Төв банк хоорондын  “Үндэсний мөнгөн тэмдэгт солилцох своп хэлэлцээний гэрээ”-ний хүрээнд 1 тэрбум хүртэл ам.доллартай тэнцэх юанийн эх үүсвэр бүрдүүлэх

1.3.1 Монголбанкнаас Монгол Улс, БНХАУ-ын Төв банк хоорондын своп гэрээг ашиглан 1 тэрбум хүртэл ам.доллартай тэнцэх юанийн эх үүсвэрийг бүрдүүлэх шийдвэрийг гаргуулах.

Дотоодын санхүүгийн системд валютын нийлүүлэлт нэмэгдэнэ.

МБ, ЭЗХЯ

1.4

Япон Улс, БНСУ,   БНЭУ, ХБНГУ зэрэг улсуудын экспортын болон бусад хөнгөлөлттэй зээлийн эх үүсвэрийг ашиглах

1.4.1 Экспортын болон бусад хөнгөлөлттэй зээл авах хэлэлцээг нэн даруй эхлүүлэх;

Санхүүгийн эх үүсвэргүй байгаа төслүүд хэрэгжиж эхэлнэ.

ЭЗХЯ, ГХЯ

1.4.2 Дэд бүтэц болон бусад салбарт хөрөнгө оруулах нөхцөлийг бүрдүүлэх санал боловсруулж Засгийн газрын хуралдаанаар шийдвэрлүүлэх;

ЭЗХЯ, ЗТЯ, ЭХЯ, УУЯ

1.4.3. Азийн хөгжлийн банк, Дэлхийн банк, Испанийн Вант Улсын Засгийн газрын хөнгөлөлттэй зээлийн эх үүсвэрээр нийтийн аж ахуйн үйлчилгээний салбарт хэрэгжсэн “Орон нутгийн хотуудын нийтийн аж ахуйг хөгжүүлэх төсөл”-ийн  II үе шат (МОН-1560, МОН-1907), “Улаанбаатар хотын нийтийн аж ахуйг сайжруулах төсөл”-ийн II үе шат (МОН-2937, МОН-3890), “Улаанбаатар хотын төв цэвэрлэх байгууламжийн тоног төхөөрөмжийг шинэчлэх төсөл”-ийн хүрээнд  бий  болсон зээл, зээлийн хүүг  тухайн салбарт оруулсан хөрөнгө оруулалт болгон тооцох тухай асуудлыг Улсын Их Хурлаар шийдвэрлүүлэх.

Азийн хөгжлийн банк, Дэлхийн банк зэрэг гадаадын банк, санхүүгийн байгууллагаас дэд бүтцийн салбарт оруулсан хөнгөлөлттэй зээлийг төлөх боломж бүрдэж, олон улсын банк, санхүүгийн  байгууллагын өмнө хүлээсэн үүргийг биелүүлнэ.

ЭЗХЯ, БХБЯ, аймаг, нийслэлийн ЗДТГ

Хоёр. Гадаад валютын шинэ эх үүсвэрийг дотоодын санхүүгийн системийн эргэлтэд оруулж, инфляцид нөлөөлөхгүй

хэмжээний төгрөгийн эх үүсвэрийг Төв банкнаас эдийн засагт нийлүүлэх

2.1

Заавал байх нөөцийн хэлбэрээр Төв банкинд байршуулсан арилжааны банкны эх үүсвэрийг Засгийн газрын төгрөгийн  бонд гарган чөлөөлөх

2.1.1 Төв банкинд байршуулсан 1.3 их наяд гаруй төгрөгийг чөлөөлөх талаар холбогдох хууль тогтоомжийн төсөл боловсруулж Улсын Их Хурлаар шийдвэрлүүлнэ.

Эдийн засаг дахь мөнгөний эргэлт сайжирна.

ЭЗХЯ,

МБ

2.2

Засгийн газрын төгрөгийн бондын эх үүсвэрийг Нийгмийн даатгалын сангийн үйл ажиллагааг сайжруулах, тус сангийн хөрөнгийг урт хугацааны хөрөнгө оруулалтад ашиглах

2.2.1 Засгийн газрын тогтоол, шаардлагатай тохиолдолд холбогдох хуульд нэмэлт, өөрчлөлт оруулах хуулийн төсөл боловсруулж Улсын Их Хуралд өргөн мэдүүлэх;

Нийгмийн даатгалын сангийн үйл ажиллагаа сайжирна.

ЭЗХЯ,

ХАХНХЯ

2.2.3 Сангийн хөрөнгийг удирдах чадавхи, туршлага бүхий мэргэшсэн байгууллагын бүтэц, менежментийн багийг бүрдүүлэх, санхүүгийн хяналт зохицуулалтын харилцааг бий болгох асуудлыг судалж, шийдвэрлэх.

Гурав. Гадаад валютын шинэ эх үүсвэрийг эдийн засгийн тэргүүлэх ач холбогдол бүхий төслүүдэд хөрөнгө оруулах

3.1

Арилжааны банк дахь моргейжийн зээлийг худалдан авч, иргэдийн орон сууцны зээлийн эх үүсвэрийг урт хугацааны санхүүжилтээр хангах, дотоодын банкуудын чөлөөтэй хөрвөх мөнгөний хэмжээг нэмэгдүүлэх

3.1.2 Арилжааны банкуудад эрсдэлийн үнэлгээг үе шаттайгаар хийх.

Банкны зээл олголт сайжирч, эдийн засгийн эргэлт эрчимжинэ. Урт хугацаатай, хямд эх үүсвэрийг банкны системд нийлүүлснээр зээлийн хүү буурах нөхцөл бүрдэнэ.

ЭЗХЯ, СЯ

3.2

Мөнгө, төсвийн бодлогын уялдааг сайжруулах

3.2.1 Эрэлтийг хөөрөгдсөн зардлын өсөлтийг төсвийн бодлогоор хязгаарлах арга хэмжээ авах;

Үр ашиггүй төсвийн зардал буурна.

ЭЗХЯ,

СЯ

3.2.2 Инфляцийг онилох зорилгоор одоо хэрэгжүүлж байгаа мөнгөний нийлүүлэлтийг хумих бодлогын аргачлалыг өөрчлөх талаар Монголбанктай хамтран ажиллах;

Мөнгөний болон төсвийн бодлогын хоорондын уялдаа сайжирна. Мөнгөний нийлүүлэлтийг хумидаг хатуу бодлогийг өөрчлөх нөхцөл бүрдэнэ.

ЭЗХЯ,

СЯ

3.2.3 Нийлүүлэлтээс үүдэлтэй инфляцийн дарамтыг арилгах, импортыг орлуулах үйлдвэрлэлийг дэмжих хөрөнгө оруулалтын бодлого хэрэгжүүлэх.

Төсөв, хөрөнгө оруулалт, мөнгөний бодлогын хоорондын уялдаа сайжирч, ажил эрхлэлт, эдийн засгийн өсөлт, зохистой хэмжээний инфляцийн түвшинг хангана.

ЭЗХЯ, СЯ

3.3

Импортыг орлуулах өндөр технологийг дэмжих, хүнс болон барилгын материалын үйлдвэрлэлийг дорвитой хөрөнгө оруулалт хийж дэмжих.

3.3.1 Махны нийлүүлэлтийг сайжруулах зорилгоор мах нөөцлөх томоохон хэмжээний төвлөрсөн байгууламж барьж байгуулах, махны нийлүүлэлтийг жилийн туршид тогтмол байлгах  тогтолцоог орон даяар үе шаттай нэвтрүүлэх;

Махны нийлүүлэлт нэмэгдсэнээр хэрэглэгчдийн гарт очих махны үнэ буурна. Цаашлаад инфляци нэг оронтой тоонд орох боломж бүрдэнэ.

ҮХААЯ, ЭЗХЯ, МБ

3.3.2 Чулуу бутлан ангилах үйлдвэр, арматур, төмөр бетон эдлэлийн үйлдвэр, зуурмагийн узель бүхий бетон, цемент, шохой, хөнгөн блокыг дотоодод үйлдвэрлэх төслүүдэд хөрөнгө оруулах;

Дотоодын үйлдвэрүүд нэмэгдэнэ. Ажлын байр бий болно. Орон сууц, барилгын үнэ буурна.

БХБЯ,

ЭЗХЯ

3.3.3 Дотоодын газрын тосны нөөцөд тулгуурлан түлш, шатахуун нэрэх үйлдвэр барих төслүүдэд арилжааны нөхцөлтэй (bankable) хөрөнгө оруулалт хийх. Нүүрснээс шингэн түлш үйлдвэрлэх технологийг туршин, нэвтрүүлэх;

Дотоодод боловсруулсан  түлш, шатахуунаар хангаснаар үнийг бууруулах боломж бүрдэнэ.

УУЯ,

ЭЗХЯ,

ҮХААЯ

3.3.4   Газрын тосны бүтээгдэхүүний улсын нөөц агуулах сав барих, нөөц бүрдүүлэх;

3.3.5 Нүүрсний нийлүүлэлт, худалдан авалтын хэмжээг БНХАУ-ын Засгийн газартай урьдчилан тохирох;

Нүүрсний нийлүүлэлттэй холбоотой бэрхшээл багасах нөхцөл бүрдэнэ.

УУЯ,

ЭЗХЯ

3.3.6 Замын-Үүд боомтын шалган нэвтрүүлэх чадавхийг өргөтгөх төслүүдэд хөрөнгө оруулах, боомтоос Улаанбаатар хот хүртэл дэд бүтцийг олон улсын стандартын дагуу барьж байгуулахад хөрөнгө оруулах;

Дэд бүтэц бий болно.

ЭЗХЯ, СЯ, ЗТЯ

3.3.7 Гаалийн болон Нэмэгдсэн өртгийн албан татвараас чөлөөлөгдөх барилгын материалын үйлдвэрийн зориулалт бүхий тоног төхөөрөмж, сэлбэг хэрэгслийн жагсаалтыг УИХ-аар батлуулах;

Дотоодын барилгын материалын үйлдвэрлэлийг дэмжих боломж бүрдэж, үйлдвэрлэлийн хэмжээ нэмэгдэнэ.

ЭЗХЯ, БХБЯ, аймаг, нийслэлийн ЗДТГ

3.3.8 Улаанбаатар хотыг тойруулан төмөр замын суурь бүтэц барьж байгуулах хөрөнгө оруулалтыг шийдвэрлэх;

Дэд бүтэц сайжирна. Улаанбаатар хот доторхи төмөр замын асуудал байхгүй болно. Ажил эрхлэлт бий болно.

ЭЗХЯ, ЗТЯ, аймаг, нийслэлийн ЗДТГ

3.3.9 Замын-Үүд суманд болон Улаанбаатар хот орчимд холимог тээврийн ачааны терминал, ложистик төв байгуулах;

3.3.10 Орон нутгийн ажилгүй иргэдийг зам барих, нийтийг хамарсан ажлыг гүйцэтгүүлэхэд өргөнөөр оролцуулах, хөрөнгө оруулалтын эх үүсвэр шийдвэрлэх.

3.4

Экспортыг дэмжих чиглэлээр хөдөө аж ахуй, уул уурхай, боловсруулах үйлдвэрлэлийн техник-эдийн засгийн үндэслэл бүхий арилжааны нөхцөлтэй төслүүдэд дунд, урт хугацааны хөрөнгө оруулалт хийх

3.4.1 Улаан буудайн гурил, гурилан бүтээгдэхүүн, мах, махан бүтээгдэхүүн үйлдвэрлэх үйлдвэрлэлийг дэмжих, буудай, махны экспортыг дэмжих чиглэлээр хадгалах байгууламж, экспортын стандарт хангасан нядалгааны цех барьж байгуулахад хөнгөлөлттэй санхүүгийн эх үүсвэр гаргах;

Экспортийн хэмжээ нэмэгдэнэ. Гадаад худалдааны алдагдал буурах нөхцөл бүрдэнэ.

ЭЗХЯ

3.4.2 Сэргээгдэх болон дулааны (нүүрсний) эрчим хүчний арилжааны нөхцөлтэй төслүүдэд хөрөнгө оруулалт хийх, эрчим хүч экспортлох;

Эрчим хүчний хомсдол арилна. Экспортын орлого урт хугацаанд нэмэгдэнэ.

ЭЗХЯ

3.4.3 Уул уурхайн болон боловсруулах аж үйлдвэрийн бараа, бүтээгдэхүүний экспортод чиглэсэн арилжааны нөхцөлтэй төслүүдэд хөрөнгө оруулах;

Нэмүү өртөг шингэсэн бүтээгдэхүүн үйлдвэрлэх томоохон үйлдвэрүүд бий болно.

ЭЗХЯ

3.4.4 Худалдааны түнш орнуудтай Засгийн газар хоорондын түвшинд экспортыг хөнгөвчлөх, тогтворжуулах хэлэлцээр хийх;

Экспортын орлого нэмэгдэнэ.

ЭЗХЯ

3.4.5 Экспортын шинэ бүтээгдэхүүн, төрөл үйлчилгээг бий болгох.

Экспортод төрөлжилт бий болно.

ЭЗХЯ