/СС-ын 2017 оны 13-р тушаалаар хүчингүй болсон/

Сангийн сайд, Үндэсний статистикийн хорооны даргын хамтарсан

2012 оны 82/51 дүгээр тушаалын 1 дүгээр хавсралт                           

 Маягт НӨАТ-1

                                          Татвар төлөгч нь падааны мэдээллийг

                                            цахим хэлбэрээр бэлтгэж, татварын албанд

сар бүрийн 10-ны дотор хүргүүлнэ.

 Нэмэгдсэн өртгийн албан татварын падаан

Падааны дугаар:………………………………                                          20…... оны  ….... сарын   ...  өдөр

Борлуулагчийн:                                                                                    Худалдан авагчийн:

Нэр ………………………………………………                                         Нэр...................................................

Регистрийн дугаар                                                        Регистрийн дугаар

                                                 Хүлээн авсан  ..................................        /........................................./

                                                                                    (гарын үсэг)                           (нэр)                      

             Тамга                

                                                Хүлээлгэн өгсөн   ................................    /........................................../ 

                                                                                     (гарын үсэг)                         (нэр)   

Тайлбар:

1. Нэмэгдсэн өртгийн албан татварын падаан нь 134х192 см-ийн хэмжээтэй, тодорхой нууцлалтай байна.
2. Нэмэгдсэн өртгийн албан татварын падааны өнгөн хувь нь цагаан, 2 дахь хувь нь ягаан өнгөтэй байна.
3. Нэмэгдсэн өртгийн албан татварын падааны дугаар 10 оронтой, дугаар давхардахгүйгээр, улаан өнгөөр дугаарлагдсан байна.

 Сангийн сайд, Үндэсний статистикийн хорооны даргын хамтарсан

2012 оны 82/51 дүгээр тушаалын 1  дүгээр  хавсралт

Нэмэгдсэн өртгийн албан татварын

падааныг хэрэглэх заавар

1. Нэмэгдсэн өртгийн албан татварын падаан (цаашид “падаан” гэх) гэдэг нь  борлуулсан бараа, гүйцэтгэсэн ажил, үзүүлсэн үйлчилгээний нэр төрөл, тоо хэмжээ, тэдгээрийн нэгжийн болон нийт үнэ, түүнчлэн нэмэгдсэн өртгийн албан татварын хэмжээг тусгасан, нэгдсэн дугаар бүхий нягтлан бодох бүртгэлийн анхан шатны баримт бичиг юм. Падаан нь нэмэгдсэн өртгийн албан татвар төлөгчөөр бүртгэгдсэн этгээдийн төсөвт төлөх болон бэлтгэн нийлүүлэгчид төлсөн нэмэгдсэн өртгийн албан татварын хасалтыг тодорхойлж, тайлан гаргах үндэслэл болно.

2. Падааныг зөвхөн нэмэгдсэн өртгийн албан татвар төлөгчөөр бүртгэгдсэн этгээд хэрэглэнэ.

3. Нэмэгдсэн өртгийн албан татвар төлөгч (цаашид “татвар төлөгч” гэх)-өөр бүртгэгдсэн аливаа этгээд бараа, ажил, үйлчилгээгээ борлуулахдаа падааныг бичих бөгөөд уг падаанд борлуулсан бараа, ажил, үйлчилгээний нэр төрөл, код (ТЕГ-ын цахим хуудсанд байршуулсан бүтээгдэхүүн, үйлчилгээний нэгдсэн ангиллын 4 орон бүхий код), тоо хэмжээ, тэдгээрийн нэгжийн болон нийт үнийн дүн, нэмэгдсэн өртгийн албан татварын дүн, борлуулагчийн болон худалдан авагчийн бүртгэлийн дугаарыг тусгасан байна. Жишээ нь: Падааны  “Бараа, ажил, үйлчилгээний нэр” гэсэн баганад ундаа (2449), талх (2341), цахилгаан түгээлт (8411) гэх мэт борлуулж байгаа бараа, ажил, үйлчилгээг харгалзах кодын хамт тодорхой бичнэ.

4. Падаанд тусгагдах мэдээллийг үнэн зөв, бүрэн бичиж, түүнийг үйлдсэн ажилтан гарын үсгээ зурж, тамга, тэмдэг дарснаар уг баримт хүчин төгөлдөр болно. Падааны бүрдэлт, үнэн зөвийг түүнийг олгосон, хүлээн авсан татвар төлөгч хариуцна.

            5. Татвар төлөгч нь зөвхөн татварын албанаас олгосон нэгдсэн дугаар бүхий нэмэгдсэн өртгийн албан татварын падааныг хэрэглэнэ.

            6. Татвар төлөгч падааныг зөвхөн нэмэгдсэн өртгийн албан татвар төлөгчөөр бүртгэгдсэн этгээдэд олгох бөгөөд падааныг борлуулалт хийсэн тухай бүрдээ бичиж өгнө. Жижиглэнгийн худалдаа эрхлэгчийн хувьд худалдан авагч зөвшөөрсөн тохиолдолд падааныг сард нэг удаа бичиж болно.

            7. Падааныг 2 хувь үйлдэх бөгөөд 1-р хувийг борлуулагч нэмэгдсэн өртгийн албан татварын ногдуулалт, төлөлтийг тодорхойлохтой холбогдсон баримтын бүрдэл болгон өөртөө хадгалж, үлдэх хувийг худалдан авагчид өгнө.   

            8. Бараа, ажил, үйлчилгээг борлуулсан түүнчлэн худалдан авсан татвар төлөгч нь борлуулалтад ногдуулсан болон худалдан авалтын хасалт хийх нэмэгдсэн өртгийн албан татварыг тухайн падаан бичсэн сарын нэмэгдсэн өртгийн албан татварын тайланд тусгана. Харин зээлээр худалдан авалт хийсэн татвар төлөгч нь падааныг төлбөр төлсөн сарын тайланд тусгана.

            9. Татвар төлөгч нь падааны мэдээллийг цахим хэлбэрээр бэлтгэж, татварын албанд сар бүрийн 10-ны дотор хүргүүлнэ. Нэмэгдсэн өртгийн албан татвар төлөгчөөр бүртгэгдсэн этгээдэд олгосон падааны мэдээллийг бичсэн падаан бүрээр, нэмэгдсэн өртгийн албан татвар төлөгчөөр бүртгэгдээгүй татвар төлөгчид борлуулсан бараа, гүйцэтгэсэн ажил, үзүүлсэн үйлчилгээний орлого, татварын дүнг нэг падаанд бөөн дүнгээр бичиж, мэдээллийн санд оруулна.