Засгийн газрын 51 дэгээр
тогтоолын 2 дугаар хавсралт

МОНГОЛ УЛСЫН ЗАСГИЙН ГАЗРЫН ХҮНДЭТ ӨРГӨМЖЛӨЛИЙН ТУХАЙ ДҮРЭМ

(Засгийн газрын 2019-1-9-ний өдрийн 5 дугаар тогтоолоор хүчингүй болсонд тооцсон)

Нэг. Нийтлэг үндэслэл

1. Монгол Улсын Засгийн газрын Хүндэт өргөмжлөл нь Монгол Улсын Засгийн газрын дээд шагнал мөн.

2. Засгийн газрын хүндэт өргөмжлөлөөр шагнах асуудлыг Монгол Улсын Засгийн газрын хуралдаанаар хэлэлцэж  шийдвэрлэнэ.

3. Монгол Улсын Засгийн газрын Хүндэт өргөмжлөлөөр Монгол Улсын тусгаар тогтнол, үндэсний аюулгүй байдлыг ханган, төрийн алба, хууль ёсыг бэхжүүлэх, нийгэм, эдийн засаг, соёл, урлаг, шинжлэх ухаан-техникийг хөгжүүлэхэд гарамгай гавъяа байгуулж, үнэтэй хувь нэмэр оруулсан Монгол Улсын иргэнийг шагнана.

Монгол Улсын нийгэм, эдийн засгийг хөгжүүлэх, улс түмний эв нэгдэл, хамтын ажиллагааг хөгжүүлэхэд бодитой хувь нэмэр оруулсан гадаадын иргэдийг Монгол Улсын Засгийн газрын Хүндэт өргөмжлөлөөр шагнаж болно.

4. Монгол Улсын болон гадаадын иргэдийг Монгол Улсын Засгийн газрын Хүндэт өргөмжлөлөөр  шагнах асуудлыг жилд нэг удаа буюу Монгол Улсын Үндэсний баяраар шийдвэрлэж  байна.

5. Монгол Улсын Засгийн газрын Хүндэт өргөмжлөлөөр шагнахад Монгол Улсын Засгийн газрын Хүндэт өргөмжлөлийн гэрчилгээ олгоно.

6. Засгийн газрын Хүндэт өргөмжлөлөөр засаг захиргаа, нутаг дэвсгэрийн нэгж, төрийн ба нам, олон нийтийн байгууллага, аж  ахуйн нэгж, цэргийн анги нэгтгэлийг шагнахгүй.

Хоёр. Монгол Улсын Засгийн газрын Хүндэт өргөмжлөлд нэр дэвшүүлэх, тодорхойлох

1. Монгол Улсын Засгийн газрын Хүндэт өргөмжлөлөөр шагнуулахаар нэр дэвшүүлэх, тодорхойлох эрхийг Засгийн газрын гишүүн, сайд эдэлнэ.

2. Монгол Улсын Засгийн газрын Хүндэт өргөмжлөлөөр шагнуулахаар нэр дэвшсэн иргэний тодорхойлолт нь үнэн зөв, ажлын үр дүн, гаргасан гавъяа зүтгэл, оруулсан хувь нэмэр нь товч тодорхой бөгөөд холбогдох судалгаа, тооцоогоор батлагдсан байна.

З. Монгол Улсын Засгийн газрын Хүндэт өргөмжлөлөөр шагнагдсан Монгол Улсын болон гадаадын иргэнд 2000000 (хоёр сая) төгрөгийн дагалдах мөнгөн шагнал олгоно./Засгийн газрын 2003 оны 155, 2014-2-21-ний 48 дугаар тогтоолоор өөрчлөн найруулсан/

Монгол Улсын Засгийн газрын Хүндэт өргөмжлөлөөр шагнагдсан гадаадын иргэнд дагалдах мөнгөн шагнал олгохгүй.

4. Монгол Улсын Засгийн газрын Хүндэт өргөмжлөлөөр шагнуулах хүний материал нь тодорхойлолт /загварыг хавсаргав/, санаачилга гаргагчийн гарын үсгээр баталгаажсан үнэлэлт, дүгнэлт, сайдын зөвлөлийн хурлын шийдвэрээс бүрдэнэ.

5. Монгол Улсын Засгийн газрын Хүндэт өргөмжлөлөөр иргэдийг шагнуулах материалийг хянан боловсруулж, Засгийн газрын хуралдаанд оруулж шийдвэрлүүлэх, бусад үйлчилгээ, дэмжлэг үзүүлж, зохицуулах ажлыг Засгийг газрын Хэрэг эрхлэх газар эрхлэн гүйцэтгэнэ.

 

------оОо---------

                                                                                                              
                                                                                                                                                                Загвар
                                                                                                Зураг

МОНГОЛ УЛСЫН ЗАСГИЙН ГАЗРЫН ХҮНДЭТ ӨРГӨМЖЛӨЛӨӨР
ШАГНУУЛАХ ХҮНИЙ ТОДОРХОЙЛОЛТ
1.Овог нэр                            ------------------------------------
2. Төрсөн он, сар, өдөр    ------------------------------------
3. Регистрийн дугаар        ------------------------------------
4. Эрэгтэй, эмэгтэй             ------------------------------------
5. Боловсрол, мэргэжил   ------------------------------------
6. Төрсөн аймаг, хот,
сум, дүүрэг                           ------------------------------------
7. Ажил эрхлэлтийн байдал  --------------------------------
-------------------------------------------------------------------------
8. Ажилласан хугацаа.
Нийт: .... жил. Үүнээс: тухайн салбарт ........ жил, тухайн
Хамт олны дотор......... жил.
9. Төр, засгийн шагналаар шагнагдсан байдал:
-----------------------------------------------------------------------------
-----------------------------------------------------------------------------
10. Монгол Улсын Засгийн газрын Хүндэт өргөмжлөлөөр
шагнуулах үндсэлэл:
-------------------------------------------------------------------------------
-------------------------------------------------------------------------------
-----------------------------------------------------------------------------
Гарын үсэг-