БАРААГ ДОТООДЫН ХЭРЭГЛЭЭНД ЗОРИУЛАН ОРУУЛАХ ГОРИМ ХЭРЭГЖҮҮЛЭХ ЖУРАМ

Эрх зүйн акт

Гааль, татварын ерөнхий газрын даргын
2016 оны А/40 дүгээр тушаалын
1 дүгээр хавсралт

БАРААГ ДОТООДЫН ХЭРЭГЛЭЭНД ЗОРИУЛАН ОРУУЛАХ ГОРИМ ХЭРЭГЖҮҮЛЭХ ЖУРАМ

Нэг. Нийтлэг үндэслэл

1.1. Барааг дотоодын хэрэглээнд зориулан оруулах гаалийн бүрдүүлэлтийн горим /Гаалийн тухай хуулийн 82-84 дүгээр зүйл, цаашид “горим” гэх/-ыг хэрэгжүүлэхэд Монгол Улсын гаалийн тухай хууль тогтоомж, Монгол Улсын олон улсын гэрээ болон энэ журмыг баримтална.

1.2. Барааг дотоодын хэрэглээнд зориулан оруулах горим сонгох, бичиг баримт бүрдүүлэх, татвар, хураамж ногдуулах, төлөх, хураан авах, барааг горимд байршуулах, горим дуусгавар болгохтой холбогдсон харилцааг энэ журмаар зохицуулна.

1.3. Горимыг мэдүүлэгч сонгох бөгөөд горимын нөхцөл, шаардлагыг хангасан тохиолдолд гаалийн байгууллагын зөвшөөрлөөр барааг уг горимд байршуулна.

Хоёр. Горимд байршуулах бараа, горимын код

2.1. Горимд гаалийн тухай хуулийн 83 дугаар зүйлд заасан барааг байршуулна.

2.2. Энэ журмын 2.1-д заасан бараа нь тарифын бус хязгаарлалтад хамаарна.

2.3. Горимд дараахь кодоор гаалийн бүрдүүлэлт хийнэ:

	Горимын утга	Бүрдүүлэлт хийх горимын код	Өмнөх бүрдүүлэлтийн горимын код
1	Хилийн чанадаас дотоодын хэрэглээнд зориулан оруулах	400	шаардахгүй
2	Олон улсын гэрээний дагуу гаалийн болон бусад албан татвараас бүрэн, эсхүл хэсэгчлэн чөлөөлж дотоодын хэрэглээнд зориулан оруулах	401	Хилийн чанадаас оруулах бараанд шаардахгүй
2		401	Бусад горимоос оруулах бараанд шаардана
3	Гадаад орны засгийн газар, олон улсын санхүүгийн байгууллагатай байгуулсан зээлийн гэрээний дагуу гаалийн болон бусад албан татвараас чөлөөлж дотоодын хэрэглээнд зориулан оруулах	402	Хилийн чанадаас оруулах бараанд шаардахгүй
3		402	Бусад горимоос оруулах бараанд шаардана
4	Монгол улсын хуулийн дагуу гаалийн болон бусад албан татвараас бүрэн, эсхүл хэсэгчлэн чөлөөлж, дотоодын хэрэглээнд зориулан оруулах	403	Хилийн чанадаас оруулах бараанд шаардахгүй
4		403	Бусад горимоос оруулах бараанд шаардана
5	Хилийн чанадаас дотоодын хэрэглээнд зориулан оруулах валют, үнэт цаас	404	шаардахгүй
6	Иргэний нисэхийн шатахуун:
	-Замын-Үүд, Сүхбаатар боомтоор	405	шаардахгүй
	-Гаалийн баталгаат агуулахаас	406	700
7	Гаалийн болон бусад татвараас чөлөөлж оруулсан барааг гаалийн болон бусад татварыг төлүүлж дотоодын хэрэглээнд зориулан оруулах	410	401-403
8	Хилийн чанадаас дотоодын хэрэглээнд зориулан оруулах автобензин, дизелийн түлш:
	Цагааннуур, Боршоо, Ярант, Тэс, Бургастай, Арцсуурь, Гашуун сухайт, Бичигт, Хавирга, Шивээхүрэн	411	шаардахгүй
	Ханх ,Ульханмайхан	412	шаардахгүй
	Замын-Үүд, Сүхбаатар, Алтанбулаг	413	шаардахгүй
	Баянхошуу	414	шаардахгүй
	Эрээнцав	407	шаардахгүй
9	Хилийн чанадаас дотоодын хэрэглээнд зориулан оруулах гурил:
	-Цагааннуур, Ярант, Боршоо, Арцсуурь, Бургастай	417	шаардахгүй
	-Бусад боомт	418	шаардахгүй
10	Гаалийн нутаг дэвсгэрт түр хугацаагаар оруулсан барааг дотоодын хэрэглээнд зориулан оруулах:
10	Гаалийн нутаг дэвсгэрт түр хугацаагаар оруулсан барааг дотоодын хэрэглээнд зориулан оруулах	420	500,508,512
11	Олон улсын гэрээ болон Монгол Улсын хууль тогтоомжийн дагуу гаалийн болон бусад татвараас бүрэн, эсхүл хэсэгчлэн чөлөөлж гаалийн нутаг дэвсгэрт түр хугацаагаар оруулсан барааг дотоодын хэрэглээнд зориулан гаалийн болон бусад татварыг төлүүлж оруулах	421	507
12	Гаалийн нутаг дэвсгэрт түр хугацаагаар оруулсан барааг гаалийн болон бусад татвараас чөлөөлж дотоодын хэрэглээнд зориулан оруулах	422	500,507,508,512,
13	Дотоодын хэрэглээнд зориулан боловсруулахаар оруулсан барааг дотоодын хэрэглээнд зориулан оруулах:
	-тухайн барааг боловсруулсан, эсхүл баяжуулсан	431	561,571,581,591
	-тухайн бараагаар шинэ бүтэгдэхүүн үйлдвэрлэсэн	432	562,572,582,592
14	Гаалийн нутаг дэвсгэрт боловсруулахаар оруулсан барааг дотоодын хэрэглээнд зориулан оруулах:
	-тухайн барааг боловсруулсан, эсхүл баяжуулсан	441	501,521,531,541, 551
	-тухайн бараагаар шинэ бүтээгдэхүүн үйлдвэрлэсэн	442	502,522,532,542, 552
	-тухайн бараанд засвар хийсэн	443	503,523,533,544, 554
	-тухайн барааг өөр бүтээгдэхүүн үйлдвэрлэхэд ашигласан	444	504,524,534,544, 554
15	Гаалийн баталгаат бүсээс дотоодын хэрэглээнд зориулан оруулах:
	-гаалийн баталгаат агуулахаас	451	700,703-709
	- гаалийн баталгаат үйлдвэрийн газраас	452	710,712-715
	-гаалийн баталгаат үзэсгэлэнгийн газраас	453	720,722-725
	-гаалийн баталгаат барилгын талбайгаас	454	730-734
	-гаалийн тусгай бүсээс	455	750-753,758-765
	-татваргүй барааны дэлгүүрээс	456	740,742,743
16	Гаалийн баталгаат бүсээс дотоодын хэрэглээнд зориулан оруулах автобензин, дизелийн түлш:
	-Цагааннуур, Боршоо, Ярант, Тэс, Бургастай, Арцсуурь, Гашуун сухайт	457	700
	-Ханх, Ульханмайхан	458	700
	-Эрээнцав, Замын-Үүд, Сүхбаатар,Алтанбулаг	459	700
17	Чөлөөт бүсээс дотоодын хэрэглээнд зориулан оруулах	460	770,771,774-778
18	Бүрдүүлэлтийн дараахь шалгалтын үр дүнгээр	470	шалгалтын акт
19	Гаалийн баталгаат агуулахаас дотоодын хэрэглээнд зориулан оруулах гурил:
	-Цагааннуур, Ярант, Боршоо, Арцсуурь, Бургастай	471	700
	-Бусад боомт	472	700
20	Барааг гаалийн бусад хяналтаас дотоодын хэрэглээнд зориулан оруулах	480	шаардахгүй

Гурав. Бичиг баримт

3.1. Энэ горимын дагуу гаалийн бүрдүүлэлт хийхэд дараах бичиг баримтыг шаардана.

3.1.1. гадаад худалдааны гэрээ, эсхүл үнийн нэхэмжлэх, гадаад төлбөр тооцооны баримт;

3.1.2. тээврийн бичиг баримт / тээврийн баримт, баглаа боодлын жагсаалт, техникийн бичиг баримт гэх мэт/;

3.1.3. гарал үүслийг нотлох баримт;

3.1.4. эрх бүхий байгууллагын зөвшөөрөл, лиценз, сертификат;

3.1.5. гаалийн болон бусад татвараас бүрэн, эсхүл хэсэгчлэн чөлөөлөгдөх бол түүнийг баталгаажуулах эрх бүхий байгууллагын баримт;

3.1.6. лабораторийн шинжилгээний дүгнэлт /шаардлагатай тохиолдолд/;

3.1.7. шаардлагатай бусад бичиг баримт.

3.2. Мэдүүлэгч 3.1 дэх хэсэгт заасан бичиг баримтыг электрон шуудан, факс болон гаалийн байгууллагын мэдээллийн сүлжээгээр дамжуулан гаалийн байгууллагад ирүүлж болно.

3.3. Журмын 3.1 дэх хэсэгт заасан мэдээлэл, бичиг баримт нь горимын шаардлага хангахгүй байвал гаалийн байгууллага нэмэлт мэдээлэл, бичиг баримтыг шаардаж болно.

3.4. Энэ горимын дагуу байршуулах барааны гаалийн мэдүүлэгт гаалийн улсын байцаагч “Монголын гааль зөвшөөрөв” хяналтын тэмдэг дарна.

Дөрөв. Горимын шаардлага

4.1.Дотоодын хэрэглээнд зориулан оруулах бараанд гаалийн болон бусад татварыг ногдуулах бөгөөд энэ нь гаалийн болон бусад татвараас чөлөөлөгдөх бараанд нэгэн адил хамаарна.

4.2. Мэдүүлэгч нэмэлт мэдээлэл, бичиг баримтыг хуульд заасан хугацаанд өгөх үүрэг хүлээх бөгөөд энэ үүргээ биелүүлээгүй бол гаалийн байгууллага барааг мэдүүлэгчийн сонгосон горимд байршуулахаас татгалзана.

4.3. Гаалийн байгууллагаас ногдуулсан гаалийн болон бусад татварыг бүрэн төлсөн, эсхүл Гаалийн тариф, гаалийн татварын тухай хуулийн 41.2 дахь хэсэгт заасны дагуу татвар төлөх баталгаа гаргасан тохиолдолд энэ горимын дагуу бүрдүүлэлт хийнэ.

4.4. Импортын гаалийн болон бусад татвараас бүрэн, эсхүл хэсэгчлэн чөлөөлөгдсөн барааг гаалийн байгууллагын зөвшөөрснөөс өөр зориулалтаар ашиглахыг хориглоно.

4.5. Энэ горимд байршуулах барааны гаалийн болон бусад татварыг ногдуулах, төлөх, хураан авах, баталгаа гаргуулах, буцаан олгохтой холбогдсон асуудлыг Гаалийн тариф, татварын тухай хуульд заасны дагуу шийдвэрлэнэ.

4.6. Гаалийн бүрдүүлэлтийн горимын 420, 431, 432, 441-444 кодоор гаалийн бүрдүүлэлт хийхэд гаалийн болон бусад татварыг ногдуулж, өмнөх гаалийн мэдүүлгийг үндэслэн гаалийн болон бусад татварыг төлүүлэхгүй, төрийн сангийн тусгай дансад байршуулсан мөнгийг улсын төсөвт төвлөрүүлнэ.

Тав. Бусад

5.1. Барааг дотоодын хэрэглээнд зориулан оруулах горим нь барааг мэдүүлэгчид олгосноор, эсхүл өөр горимд байршуулснаар дуусгавар болно.

5.2. Горимд байршуулсан бараа нь гаалийн зөрчлийн улмаас хураагдсан бол горимын үйлчлэл дуусгавар болсонд тооцно.

Шүүлтүүр

Сонсох:

Эрх зүйн актууд

Санал хүсэлт