“Радио релейнд ашиглах радио давтамжийн зурвасын хуваарилалт, техникийн нөхцөл, шаардлага”-ын 12 дугаар хавсралт

Радио давтамжийн 17.7-19.7 ГГц-ийн зурваст ажиллах шууд харагдах радио релейний системийн сувгийн хуваарилалт

1.Техникийн нөхцөл шаардлага

Энд радио давтамжийн 15 ГГц-ийн зурваст суурин үйлчилгээний шууд харагдах зайн дунд болон их багтаамжийн радио релейний системийн сувгийн ашиглалтын шаардлага болон хуваарилалт тусгагдсан. Үүнд:

1.1.Тоон модуляци ашигласан радио релейний системийн радио давтамжийн сувгийн багтаамжийн битийн хурд нь 34 Мбит/с, 140 Мбит/с, 280 Мбит/с 140 Мбит/с хүртэлх дараалалтай эсвэл битийн хурд нь тоон синхрон шатлалтай байна.

1.2.Радио релей нь их, дунд, бага багтаамжит системийн хүчин чадалтай байх ба хотын дотор шууд харалтын 5-10 км-ийн зайд зохион байгуулна.

1.3.Радио релейний сувгийн хуваарилалтыг мэдээллийн багтаамжаас хамааруулан 27.5 МГц, 110 МГц, 220-ийн сувгийн өргөнтэйгөөр хуваарилна.

1.4Радио релейний систем нь телефон, өгөгдөл, дүрс ба тоон телевизийн дохио дамжуулахад зориулагдана

2.Радио давтамжийн сувгийн хуваарилалт

2.1.Үндэсний радио давтамжийн зурвасын хуваарилалт, ашиглалтыг хүснэгт 1-д үзүүлэв.

Хүснэгт 1. 17.7-19.7 ГГц-ийн Үндэсний давтамжийн зурвасын хуваарилалт, ашиглалт

2.2.Радио давтамжийн сувгийн хуваарилалтыг ITU-R F.595-10 зөвлөмжийг үндэслэн олон чиглэлд их, дунд болон бага багтаамжтай шууд/гэдрэг чиглэлийн 4, 8, 17 болон 35 хүртэлх радио давтамжийн сувгийг үүсгэх ба радио давтамжийн суваг үүсгэсэн зураглалыг зураг 1-т үзүүлсэн. Үүнд:

2.2.1.Их багтаамжийн 280 Мбит/с битийн хурдтай радио сувгийг үүсгэх хамаарал болон үүсгэсэн сувгийг хүснэгт 2-т, радио давтамжийн суваг үүсгэсэн зураглалыг зураг 1-ийн А хэсэгт тус тус үзүүлэв. Үүнд:

царааны доод хагаст: fn = f₀ - 1110 + 220n МГц;

царааны дээд хагаст: f'n = f₀ + 10 + 220n МГц;

Энд:    n = 1, 2, 3, 4. N≤4

fo = 18700 МГц

f₀ төийн давтамж (МГц)

fn царааны доод хагасад нэг радио сувгийн төвийн давтамж (МГц)

f'n царааны дээд хагасад нэг радио сувгийн төвийн давтамж (МГц)

Хүснэгт 2. Радио давтамжийн 17.7-19.7 ГГц-ийн зурваст ажиллах радио релейний системийн 280 Мбит/с битийн хурдтай радио суваг үүсгэх хуваарилалт.

2.2.2.Дунд багтаамжийн 140 Мбит/с битийн хурдтай радио сувгийг үүсгэх хамаарал болон үүсгэсэн сувгийг хүснэгт 3-т, радио давтамжийн суваг үүсгэсэн зураглалыг зураг 1-ийн Б хэсэгт тус тус үзүүлэв. Үүнд:

царааны доод хагаст: f_n = f₀ – 1 000 + 110 n МГц;

царааны дээд хагаст: f'n = f₀ + 10 + 110n МГц;

Энд:    n = 1, 2, 3....8. N≤8

fo = 18700 МГц

Хүснэгт 3. Радио давтамжийн 17.7-19.7 ГГц-ийн зурваст ажиллах радио релейний системийн 140 Мбит/с битийн хурдтай радио суваг үүсгэх хуваарилалт.

2.2.3.Бага багтаамжийн 34 Мбит/с битийн хурдтай радио сувгийг үүсгэх хамаарал болон үүсгэсэн сувгийг хүснэгт 4-т, радио давтамжийн суваг үүсгэсэн зураглалыг зураг 1-ийн В хэсэгт тус тус үзүүлэв. Үүнд:

царааны доод хагаст: f_n = f₀ – 1 000 + 27.5 n МГц;

царааны дээд хагаст: f ’_n = f₀ + 10 + 110n МГц;

Энд:    n = 1, 2, 3....35. N≤35

fo = 18700 МГц

Хүснэгт 4. Радио давтамжийн 17.7-19.7 ГГц-ийн зурваст ажиллах радио релейний системийн 140 Мбит/с битийн хурдтай радио суваг үүсгэх хуваарилалт.

Зураг 1. Радио давтамжийн 17.7-19.7 ГГц –ийн зурваст ажиллах радио релейний системийн радио давтамжийн суваг үүсгэсэн зураглал