ЧИГ ҮҮРЭГ ДАХИН ХУВААРИЛАХ АРГАЧЛАЛ

Эрх зүйн акт

Засгийн газрын 2018 оны 22 дугаар
тогтоолын хавсралт

ЧИГ ҮҮРЭГ ДАХИН ХУВААРИЛАХ АРГАЧЛАЛ

Нэг. Ерөнхий зүйл

1. Төвлөрлийг сааруулах, төсвийн зарцуулалтын үр ашгийг сайжруулах, үйл ажиллагааны үр дүнг дээшлүүлэх, чиг үүргийн давхардал, эсхүл хийдлийг арилгах, бүтээмжийг дээшлүүлэх, төрөөс иргэдэд хүргэх үйлчилгээний чанар, хүртээмжийг сайжруулах зорилгоор төрийн захиргааны болон нутгийн удирдлагын байгууллагын (цаашид “төрийн байгууллага” гэх) чиг үүрэгт иж бүрэн шинжилгээ хийсний үндсэн дээр зарим чиг үүргийг засаг захиргааны түвшин буюу тодорхой салбар хооронд, эсхүл төрийн бус байгууллага, хувийн хэвшилд шилжүүлэхэд энэхүү аргачлалыг мөрдөнө.

2. Энэхүү аргачлал нь Засгийн газрын 2016 оны 350 дугаар тогтоолоор баталсан “Төвлөрлийг сааруулах талаар төрөөс баримтлах бодлого”-ын баримт бичгийн 2.2.1-д заасан тусгай байгууллагын чиг үүргийг хуваарилахад хамаарахгүй.

3. Энэхүү аргачлалд хэрэглэсэн дараах нэр томъёог дор дурдсан утгаар ойлгоно:

3.1. “чиг үүрэг” гэдэг нь төрийн байгууллагад хуулиар тогтоосон эрх мэдлийн хүрээнд тодорхой үр дүнд хүрэх зорилгоор хэрэгжүүлж байгаа үйл ажиллагааны тогтвортой чиглэлийг;

3.2. “чиг үүргийн шинжилгээ” гэж хүчин төгөлдөр үйлчилж байгаа хууль тогтоомжид төрийн байгууллагын чиг үүргийг хэрхэн тогтоосон, түүнд хамаарах эрх зүйн орчин болон бодлого стратеги, хөтөлбөр, бүтэц зохион байгуулалт, төсөв, зардалд зохих арга зүй ашиглан иж бүрэн дүн шинжилгээ хийхийг;

3.3. “чиг үүрэг дахин хуваарилах” гэж хүчин төгөлдөр үйлчилж байгаа хууль тогтоомжоор төрийн захиргааны болон нутгийн удирдлагын байгууллагуудад тогтоосон чиг үүргийг энэхүү аргачлалын дагуу засаг захиргааны түвшин хооронд, эсхүл төрийн бус байгууллага, хувийн хэвшилд шилжүүлэхийг;

3.4. “ерөнхий чиг үүрэг” гэж Засгийн газрын бүтцээр тогтоосон тухайн салбарын эрхлэх асуудлын хүрээг;

3.5. “үндсэн чиг үүрэг” гэж тухайн ерөнхий чиг үүрэгт хамаарах үйл ажиллагааны тодорхой чиглэлийг;

3.6. “дэд чиг үүрэг” гэж тухайн үндсэн чиг үүрэгт хамаарах үйл ажиллагааны нарийвчилсан чиглэлийг;

3.7. “захиргааны эрх хэмжээ” гэж тухайн шатны төрийн байгууллагад хуулиар тогтоож өгсөн бодлого боловсруулах, зохицуулах, зохион байгуулах, санхүүжүүлэх, үйлчилгээ үзүүлэх, хүний нөөцийн бодлого болон хяналт-шинжилгээ, үнэлгээ хийх чиглэлийн эрх хэмжээг.

4. Чиг үүрэг дахин хуваарилахын өмнө чиг үүргийн шинжилгээг хийсэн байна. Чиг үүргийн шинжилгээг дараах зорилгоор хийнэ :

4.1. төрийн байгууллагын чиг үүрэг хууль тогтоомж, эрх зүйн бусад актаар хуваарилагдсан байдлыг тогтоох;

4.2. төрийн байгууллагад хуулиар тогтоож өгсөн чиг үүргийн хүрээнд хэрэгжүүлж байгаа бодлого, бодлогын баримт бичгийн үр дүн, үр ашгийг тодорхойлох;

4.3. төрийн байгууллагын ерөнхий чиг үүрэгт хамаарах үндсэн болон дэд чиг үүргийг тодорхойлох;

4.4. тухайн чиг үүргийг цаашид төрийн байгууллага зайлшгүй хэрэгжүүлэх шаардлагатай эсэх, эсхүл холбогдох төрийн бус байгууллага, хувийн хэвшлээр гүйцэтгүүлэх боломжтой эсэхийг тодорхойлох;

4.5. хууль тогтоомжоор тогтоосон чиг үүргийн хэрэгжилт болон давхардал, хийдлийг илрүүлэн үнэлэлт, дүгнэлт өгөх.

Хоёр. Чиг үүрэг дахин хуваарилах зарчим

5. Чиг үүрэг дахин хуваарилахад дараах зарчмыг баримтална:

5.1. иргэдэд хамгийн ойр байгаа тухайн чиг үүргийг хэрэгжүүлэх чадавх бүхий засаг захиргаа, нутаг дэвсгэрийн нэгжид хуваарилах (субсидиар зарчим) ;

5.2. тодорхой байх зарчим буюу төрийн байгууллагын эрх хэмжээ, үүрэг, хариуцлагыг төрийн байгууллагын түвшин хооронд давхардалгүйгээр хуваарилах;

5.3. чиг үүрэг бүр санхүүжилтийн эх үүсвэртэй байх зарчим буюу чиг үүргийг тухайн түвшинд хэрэгжүүлэхэд шаардагдах санхүүгийн эх үүсвэрийн хамт хуваарилах;

5.4. бүх талын оролцоог хангах зарчим буюу чиг үүрэг дахин хуваарилах санал боловсруулах явцад тухайн чиг үүргийг хэрэгжүүлэгч төрийн болон төрийн бус байгууллага (мэргэжлийн холбоод)-ын оролцоог хангаж, харилцан зөвшилцөх;

5.5. шинжлэх ухааны онол, арга зүй, судалгаа, дүн шинжилгээ, олон улсын сайн туршлагад тулгуурлах.

Гурав. Бэлтгэл ажлыг хангах, зохион байгуулах

6. Чиг үүргийн шинжилгээ хийх, дахин хуваарилах санал боловсруулах үүрэг бүхий техникийн ажлын хэсгийг (цаашид “ажлын хэсэг” гэх) холбогдох төрийн захиргааны төв байгууллага, Улсын Их Хурлаас удирдлага нь томилогддог төрийн байгууллага болон аймаг, нийслэлийн Засаг даргын дэргэд байгуулна.
7. Төрийн захиргааны төв байгууллагын хариуцсан тухайн салбар бүрээр ажлын хэсэг байгуулна.

8. Төрийн захиргааны төв байгууллагын дэргэд ажлын хэсэг байгуулахдаа эрхэлсэн сайдын, Улсын Их Хурлаас удирдлага нь томилогддог төрийн байгууллагад байгууллагын даргын, аймаг, нийслэлийн түвшинд тухайн шатны Засаг даргын шийдвэр гаргана.

9. Аймаг, нийслэлийн түвшний ажлын хэсгийн бүрэлдэхүүнд сум, дүүргийн нутгийн өөрөө удирдах болон нутгийн захиргааны байгууллага, тэдгээрийн чиг үүргийг хэрэгжүүлэхэд оролцдог хувийн хэвшил, төрийн бус байгууллагын төлөөллийг оруулна.

10. Засгийн газрын Хэрэг эрхлэх газрын даргын шийдвэрээр Зөвлөлдөх ажлын хэсгийг байгуулах бөгөөд бүрэлдэхүүнд нь яам, орон нутаг, хууль, эрх зүйн асуудал хариуцсан Засгийн газрын референтүүд, хууль зүйн болон санхүүгийн асуудал эрхэлсэн төрийн захиргааны төв байгууллагын төлөөллийг оруулна.

11. Зөвлөлдөх ажлын хэсэг салбарын яам болон аймаг, нийслэлд байгуулагдсан ажлын хэсгээс ирүүлсэн саналыг хэлэлцэн дүгнэлт гаргах үүрэгтэйгээр ажиллана.

12. Ажлын хэсгийг ахлагч, нарийн бичгийн дарга, гишүүдийн бүрэлдэхүүнтэйгээр байгуулна.

13. Ажлын хэсгийн бүрэлдэхүүний тоог тухайн салбарын онцлогийг харгалзан тогтооно.

14. Ажлын хэсгийн ахлагч нь чиг үүргийн шинжилгээ хийх, дахин хуваарилах санал боловсруулах, хуулийн өөрчлөлтийн төслийг боловсруулах ажлыг удирдана.

15. Ажлын хэсгийн нарийн бичгийн дарга нь хурлын зар хүргэж, хурлын бэлтгэлийг хангах, тэмдэглэл хөтлөх, баримт бичиг, судалгааны материалаар архивын нэгж үүсгэн холбогдох этгээдэд хүлээлгэн өгнө.

16. Ажлын хэсгийн бүрэлдэхүүнд тухайн салбарын асуудлаар мэргэшсэн туршлагатай албан хаагч, санхүү, төсвийн болон хууль, эрх зүйн мэргэжилтэн, салбарын чиг үүргийг хэрэгжүүлэхэд оролцдог төрийн бус байгууллага, хувийн хэвшлийн төлөөллийг оруулна.

17. Ажлын хэсгийн гишүүдэд энэхүү аргачлал болон холбогдох хууль тогтоомж, бодлогын баримт бичиг, судалгааны материал болон шаардагдах мэдээллээр хангасан байна.

18. Ажлын хэсгээс хэрэгжүүлсэн ажлын явц, үр дүнд түүнийг байгуулах шийдвэр гаргасан албан тушаалтан байнгын хяналт тавьж ажиллана.

19. Ажлын хэсгийн ажиллах нөхцөлийг тухайн салбарын яам, аймаг, нийслэлийн Засаг даргын Тамгын газар хариуцна.

20. Ажлын хэсгийн ахлагч, нарийн бичгийн дарга, гишүүдийн гүйцэтгэж байгаа ажлын ачааллыг харгалзан урамшуулал олгож болно.

Дөрөв. Чиг үүргийн шинжилгээ хийх

21. Ажлын хэсэг нь чиг үүргийн шинжилгээ хийх бэлтгэл ажлын хүрээнд чиг үүргийн шинжилгээний төрөл болон арга зүйг сонгоно.

22. Чиг үүргийн шинжилгээ хийх зорилгоос хамааруулан шинжилгээний дараах төрлөөс аль нэгийг нь сонгоно:

22.1. бодлогын шинжилгээ: ач холбогдол багатай, хөтөлбөр, арга хэмжээг зогсоож тэргүүлэх чиглэлийн бодлого, хөтөлбөрт анхаарал хандуулах зорилготой. Гол төлөв Засгийн газраас нийт чиг үүргийг хамруулан шинжилгээ хийсний үндсэн дээр төрийн байгууллагаас хэрэгжүүлэх шаардлагагүй гэж үзсэн чиг үүргийг хувийн хэвшилд шилжүүлэх тохиолдолд ашиглана.

22.2. үр ашгийн шинжилгээ: Засгийн газрын бодлого, хөтөлбөрт том хэмжээний өөрчлөлт оруулахыг зорьдоггүй бөгөөд бодлогыг хэрэгжүүлэх үйл явцыг сайжруулснаар илүү үр ашигтай ажиллах нөхцөлийг бүрдүүлэхэд чиглэнэ. Гол төлөв төсвийн хэмнэлт бий болгох зорилгоор ашиглана.

22.3. дээд түвшний чиг үүргийн шинжилгээ: Бодлогын шинэчлэлийн хүрээнд тэргүүлэх ач холбогдол бүхий чиг үүргийг хэрэгжүүлэхэд чиглэсэн хөтөлбөр, арга хэмжээг нэн тэргүүнд авч үзэхэд чиглэнэ. Тус шинжилгээнд Засгийн газрын нийт бодлогыг хамруулах бөгөөд тодорхой хугацаанд тухайн салбарт нэг удаа хийнэ.

22.4. дунд түвшний чиг үүргийн шинжилгээ: Төрийн захиргааны төв байгууллага болон тухайн салбарын эрхлэх асуудлын хүрээний агентлагуудын чиг үүргийн давхардал, хийдлийг арилгах, эсхүл засаг захиргааны түвшин хооронд шилжүүлэх зорилгоор хийнэ.

22.5. байгууллагын түвшний үйл явцын шинжилгээ: Төрийн байгууллагын чиг үүргийг хэрэгжүүлэхэд чиглэсэн бүтэц, зохион байгуулалт, үйл ажиллагааг боловсронгуй болгох зорилготой. Хүнд суртал, чирэгдлийг арилгах, үйл ажиллагааг уялдуулах зэрэгт ашиглана.

23. Чиг үүргийн шинжилгээний төрлийг сонгосны дараа чиг үүргийн шинжилгээний арга зүй бүхий ажлын төлөвлөгөөг батална. Төлөвлөгөөнд дараах асуудлыг заавал тусгана:

23.1. чиг үүргийн шинжилгээг гүйцэтгэх хугацаа (хугацаа нь 3 сараас хэтрэхгүй байх);

23.2. мэдээлэл хүргэх, санал авах хүрээг тодорхойлох (холбогдох талуудад мэдээллийг ил тод хүргэсэн байх);

23.3. холбогдох талуудын оролцоог хангах. Харьяа байгууллага, орон нутаг, шаардлагатай бол төрийн бус байгууллага, хувийн хэвшлийн оролцоог хангасан байх.

24. Ажлын хэсэг төрийн захиргааны болон нутгийн удирдлагын байгууллагуудад хуулиар тогтоосон чиг үүргийг энэхүү аргачлалын 30-д заасны дагуу ангилсан үндсэн болон дэд чиг үүрэг тус бүрээр түүвэрлэн шинжилгээ хийнэ.
25. Ажлын хэсэг тухайн салбарын болон үндсэн, дэд чиг үүргүүдтэй холбоотой төсөв, санхүүжилтийн талаарх мэдээллийг судалж аль болох дэлгэрэнгүй байдлаар гаргасан байна.

26. Ажлын хэсэг дотоодын болон олон улсын эрдэм шинжилгээ, судалгаа, сургалтын байгууллагууд, гадаад орнуудын дэмжлэгтэйгээр хэрэгжиж байгаа холбогдох төслийн хүрээнд гаргасан бусад тайлан, зөвлөмж, судалгааны материалуудтай танилцана.

27. Ажлын хэсэг нь чиг үүргийн хуваарилалт, түүний хэрэгжилтийн байдалд дүн шинжилгээ хийх зорилгоор санал асуулга, судалгаа, ярилцлага зэрэг аргыг ашиглан шаардлагатай нэмэлт мэдээллийг цуглуулан боловсруулалт хийж чиг үүрэг дахин хуваарилахад бэлтгэнэ.

28. Санал асуулга явуулахын өмнө бүх албан хаагчдад чиг үүргийн шинжилгээний талаарх мэдээллийг өгнө.

29. Санал асуулгыг энэхүү аргачлалын 3 дугаар хавсралтад заасан загварын дагуу авах бөгөөд тухайн байгууллагын онцлог, чиг үүрэгт нийцүүлэн загварыг өөрчилж болно.

Тав. Чиг үүргийн ангилал болон төрийн байгууллагын
хэрэгжүүлэх чиг үүргийг тодорхойлох

30. Ажлын хэсэг дагаж мөрдөж байгаа хуулиудаас төрийн байгууллагын эрхлэх асуудлын хүрээнд хамаарах чиг үүргийг энэхүү аргачлалын 1 дүгээр хавсралтын дагуу үндсэн болон дэд чиг үүргийн ангиллаар гаргана.

31. Энэхүү аргачлалын 30-д заасны дагуу тодорхойлсон чиг үүргээс дахин хуваарилалтад хамруулах чиг үүргийг сонгож, чиг үүргийн шинжилгээ хийхэд бэлтгэнэ.

32. Төрийн байгууллагын хэрэгжүүлж байгаа зарим чиг үүргийг төрийн бус байгууллага, эсхүл хувийн хэвшилд шилжүүлэх эсэхийг тодорхойлохдоо дор дурдсан шалгуурыг баримтлах бөгөөд энэхүү аргачлалын 2 дугаар хавсралтад заасан үйл явцын диаграммыг ашиглана. Үүнд:

32.1. Засгийн газрын тэргүүлэх чиглэлд хамаарах эсэх;

32.2. аюулгүй байдлыг хамгаалах шинж чанартай эсэх;

32.3. хэрэгжүүлэхэд ээдрээтэй, улс төрийн нөлөөлөлтэй эсэх;

32.4. үйлчилгээний зардалтай холбоотойгоор эрсдэл үүсэх эсэх;

32.5. төр үргэлжлүүлэн хэрэгжүүлэх шаардлага байгаа эсэх зэрэг болно.

33. Яамны тэргүүлэх чиглэл болон салбар дундын зохицуулалт шаардагддаг, олон улсын гэрээ, конвенцээр хүлээсэн үүрэг бүхий дэд чиг үүргийг нэгтгэн багцалж шинжилгээ хийх бөгөөд дахин хуваарилах чиг үүрэгт хамруулахгүй.
Зургаа. Чиг үүрэг дахин хуваарилах

34. Чиг үүргийн шинжилгээний үр дүнг харгалзан чиг үүрэг дахин хуваарилах хэрэгцээ, шаардлагыг тодорхойлох үнэлгээ хийнэ.

35. Чиг үүргийн шинжилгээ хийхээр сонгож авсан чиг үүрэг тус бүрээр энэхүү аргачлалын 4 дүгээр хавсралтад заасны дагуу ажлын хэсгийн гишүүн бүр үнэлгээ хийнэ.

36. Үнэлгээний хуудасны А, Б хэсэгт чиг үүргийн одоогийн эрх зүйн байдал, тулгамдсан асуудлыг тодорхойлно.

37. Үнэлгээний хуудасны В хэсэгт чиг үүргийн төвлөрлийг сааруулах боломжит түвшинг тодорхойлно. Үнэлгээний нийт оноог үндэслэн чиг үүргийн онцлог, хэрэгжүүлэхэд анхаарах асуудлыг харгалзан тухайн чиг үүргийг хэрэгжүүлэхэд оролцогч талуудтай зөвшилцсөний үндсэн дээр санал боловсруулна.

38. Чиг үүрэг дахин хуваарилахдаа захиргааны эрх хэмжээ бүрээр задлан одоогийн хэрэгжилтийн байдлыг дахин хуваарилах саналтай харьцуулж үзнэ.

39. Чиг үүргийн шинжилгээ хийх, дахин хуваарилахдаа захиргааны эрх хэмжээг дараах байдлаар ангилна:

39.1. Бодлого боловсруулах: Үндэсний хэмжээний болон салбар, орон нутгийн урт, дунд, богино хугацааны стратеги зорилт боловсруулах, төлөвлөх, хууль тогтоомжийн төсөл, нийтээр дагаж мөрдөх дүрэм, журам, стандарт тогтоох, бодлогын хэрэгжилтийн үнэлгээ хийх чиглэлээрх Засгийн газар, яамд болон нутгийн удирдлагын байгууллагуудын эрх хэмжээ хамаарна.

39.2. Зохицуулалт хийх: Тодорхой үйл ажиллагаа эрхлэх чиглэлээр төрийн байгууллагаас зөвшөөрөл, лиценз, магадлан итгэмжлэх, гэрчилгээ олгох зэрэг эрх хэмжээ хамаарна.

39.3. Зохион байгуулах: Тухайн шатны төрийн байгууллагад хуулиар тогтоож өгсөн чиг үүргийг хэрэгжүүлэхтэй холбоотой үйл ажиллагааг удирдан чиглүүлэх эрх хэмжээ хамаарна.

39.4. Санхүүжилт: Төрийн байгууллага, нутгийн удирдлагын байгууллагуудын чиг үүргээ хэрэгжүүлэхэд шаардагдах санхүүжилт, санхүүгийн дэмжлэг, зардал, хөрөнгө оруулалттай холбоотой эрх хэмжээ хамаарна.

39.5. Хүний нөөцийн бодлого: Удирдах албан тушаалтан болон албан хаагчдыг томилох, чөлөөлөх, чадавхижуулах, бэлтгэх, давтан сургах, нийгмийн асуудлыг нь шийдвэрлэх зэрэг эрх хэмжээ хамаарна.

39.6. Хяналт шинжилгээ, үнэлгээ: Төрийн байгууллагын дэвшүүлсэн зорилт, түүний хэрэгжилт, хүрсэн үр дүнг шалгуур үзүүлэлтээр үнэлж дүгнэх, ажлын чанар, гүйцэтгэлд хяналт шалгалт болон дотоод аудит хийх эрх хэмжээ хамаарна.

39.7. Үйлчилгээ үзүүлэх: Төрөөс үзүүлэх үйлчилгээг төрийн байгууллага болон нутгийн удирдлагын байгууллага, эсхүл гэрээний үндсэн дээр хувийн хэвшил, төрийн бус байгууллагаар гүйцэтгүүлэх эрх хэмжээ хамаарна.

40. Ажлын хэсэг захиргааны эрх хэмжээг хуваарилах үнэлгээг энэхүү аргачлалын 5 дугаар хавсралтад заасан загварын дагуу хийнэ.

41. Нутгийн удирдлагын байгууллагын захиргааны эрх хэмжээний хуваарилалтын үнэлгээг энэхүү аргачлалын 6 дугаар хавсралтад заасан загварын дагуу аймаг, нийслэлийн Засаг даргын дэргэдэх ажлын хэсэг хийж гүйцэтгэнэ.

42. Ажлын хэсэг энэ зүйлийн 37-д зааснаар зөвшилцсөн болон 40, 41-д заасан захиргааны эрх хэмжээг хуваарилсан саналыг харгалзан чиг үүрэг дахин хуваарилах саналыг боловсруулан холбогдох хууль тогтоомжид оруулах нэмэлт, өөрчлөлт төслийн хамт Зөвлөлдөх ажлын хэсэгт хүргүүлнэ.

Долоо. Чиг үүрэг дахин хуваариласнаар гарах
санхүүгийн үр дагаврыг тооцох

43. Төрийн байгууллагын төсвийн гүйцэтгэлийн болон төлөвлөлтийн мэдээлэлд үндэслэн дахин хуваарилж байгаа чиг үүргийн санхүүгийн үр дагаврыг тооцно. Санхүүгийн үр дагаврыг энэхүү аргачлалын 7 дугаар хавсралтад заасны дагуу гаргана.

44. Санхүүгийн үр дагаврыг энэхүү аргачлалын 42-т заасан чиг үүргийг дахин хуваарилах талаар гаргасан ажлын хэсгийн саналд үндэслэн тооцно.

45. Санхүүгийн үр дагаврыг чиг үүрэг дахин хуваарилахын өмнөх болон дараах байдлаар харьцуулан гаргана.

46. Санхүүгийн үр дагаврыг ажлын хэсэгт орсон санхүү, төсвийн асуудал хариуцсан мэргэжилтний оролцоотойгоор хийж гүйцэтгэнэ.

Найм. Чиг үүрэг дахин хуваарилах санал
боловсруулж шийдвэрлэх

47. Зөвлөлдөх ажлын хэсэг нь чиг үүрэг дахин хуваарилах үйл явцын үр дүнг дараах байдлаар бэлтгэж Засгийн газрын Хэрэг эрхлэх газарт хүлээлгэж өгнө:

47.1. Засгийн газрын ерөнхий чиг үүрэг бүрээр хийсэн чиг үүргийн шинжилгээний үр дүнг нэгтгэх;

47.2. Төрийн байгууллага хэрэгжүүлэх, эсхүл төрийн бус байгууллага, хувийн хэвшлээр гүйцэтгүүлэхээр шилжүүлэх чиг үүрэг, холбогдох хууль тогтоомжийн нэмэлт, өөрчлөлтийн төслийг нэгтгэх;

47.3. Засгийн газрын ерөнхий чиг үүрэг бүрээр төрийн байгууллагын болон засаг захиргааны түвшин хооронд чиг үүргийг дахин хуваарилах талаар гарсан саналуудыг нэгтгэж, хууль тогтоомжийн нэмэлт, өөрчлөлтийн төслийг хүргүүлэх.

48. Засгийн газрын Хэрэг эрхлэх газар төрийн байгууллагын болон засаг захиргааны түвшин хооронд чиг үүрэг дахин хуваарилалт хийсэнтэй холбогдуулан холбогдох хууль тогтоомжид өөрчлөлт оруулах саналыг Засгийн газрын хуралдаанаар хэлэлцүүлж, Улсын Их Хуралд өргөн мэдүүлнэ.

---oOo---

Аргачлалын 1 дүгээр хавсралт

ЧИГ ҮҮРЭГ ТОДОРХОЙЛОХ ХҮСНЭГТ

Ерөнхий чиг үүргийн нэр .............................

Үндсэн чиг үүрэг	Дэд чиг үүрэг	Захиргааны эрх хэмжээ	Хуулийн нэр, зүйл, хэсэг, заалт

Аргачлалын 2 дугаар хавсралт

ТӨРИЙН БАЙГУУЛЛАГА ҮРГЭЛЖЛҮҮЛЭН ХЭРЭГЖҮҮЛЭХ, ЭСХҮЛ ТӨРИЙН БУС
БАЙГУУЛЛАГА, ХУВИЙН ХЭВШИЛД ШИЛЖҮҮЛЭХ ЧИГ ҮҮРГИЙГ ТОДОРХОЙЛОХ

Аргачлалын 3 дугаар хавсралт

САНАЛ АСУУЛГЫН ХУУДАС

Энэхүү санал асуулгын зорилго нь чиг үүргийн одоогийн хуваарилалт, түүний хэрэгжилтийн талаарх төрийн албан хаагчийн үнэлэмжийг тодорхойлж улмаар чиг үүргийг дахин оновчтой хуваарилах санал боловсруулахад шаардлагатай мэдээллийг цуглуулахад оршино.

Дараах асуултыг анхааралтай уншиж, өөрийн сонгосон хариултын өмнөх дугаарыг дугуйлах буюу хариултыг нөхөж бичнэ үү.

Таны ажиллаж байгаа салбар, байгууллага, газар, хэлтэс :

Салбар: _________________________________________________________

Байгууллага: ___________________________________________________

Газар: __________________________________________________

Хэлтэс: ___________________________________________________

2. Таны эрхэлж байгаа албан тушаал: ____________________________________

3. Та энэ албан тушаалд хэдэн жил ажиллаж байгаа вэ? _________________

4. Танай байгууллага хуулиар тогтоосон ямар үндсэн чиг үүрэг хэрэгжүүлдэг вэ?

(үндсэн чиг үүргийн нэршлийг өөрийн бодлоор томьёолно уу)

______________________________________________________________________

5. Танай байгууллагын үндсэн чиг үүрэг ямар дэд чиг үүргээс бүрддэг вэ?

(дэд чиг үүргүүдийн нэршлийг өөрийн бодлоор томьёолно уу)

______________________________________________________________________

Танай байгууллагын үндсэн болон дэд чиг үүргийн (үйлчилгээ) хэрэгжилтэд та ямар үүрэгтэйгээр оролцдог вэ?

______________________________________________________________________

7. Танай байгууллагын үндсэн болон дэд чиг үүргийн (үйлчилгээ) хэрэгжилтэд шаардагдах санхүүжилт хангалттай байдаг уу?

O тийм O үгүй

Хэрэв үгүй бол ямар үндсэн болон дэд чиг үүргүүдийн санхүүжилт хангалтгүй байдаг вэ? (нэрлэнэ үү)

______________________________________________________________________

8. Хуулиар танай байгууллага хэрэгжүүлэхээр тогтоосон боловч огт хэрэгждэггүй, эсхүл хангалтгүй хэрэгждэг үндсэн болон дэд чиг үүрэг (үйлчилгээ) байдаг уу?

O тийм O үгүй

Хэрэв тийм бол ямар үндсэн болон дэд чиг үүргүүд байдаг вэ?

(Яагаад хангалттай хэрэгждэггүй талаар тайлбарлана уу)

______________________________________________________________________

9. Танай байгууллага одоо хэрэгжүүлэхээ больсон ч та хэрэгжүүлэх шаардлагатай гэж боддог үндсэн болон дэд чиг үүрэг (үйлчилгээ) байна уу?

O тийм O үгүй

Хэрэв тийм бол доорх хэсэгт тайлбарлан бичнэ үү.

______________________________________________________________________

10. Танай байгууллага хэрэгжүүлдэг боловч бас өөр төрийн байгууллага хэрэгжүүлдэг давхардсан үндсэн болон дэд чиг үүрэг (үйлчилгээ) байдаг уу?

O тийм O үгүй

Хэрэв тийм бол ямар үндсэн болон дэд чиг үүрэг (үйлчилгээ) байдаг вэ?

______________________________________________________________________

11. Төрийн захиргааны төв (яам) болон харьяа байгууллагаас нутгийн удирдлагын байгууллага ( бүх шатны ИТХ, ЗДТГ) илүү үр дүнтэй гүйцэтгэж чадах ямар нэгэн чиг үүрэг (үйлчилгээ) байна уу?

O тийм O үгүй

Хэрэв тийм бол доорх хэсэгт тайлбарлан бичнэ үү.

______________________________________________________________________

12. Төрийн захиргааны төв (яам) болон харьяа байгууллагаас түүний орон нутаг дахь салбар нэгж, байгууллага (Засаг даргын дэргэдэх агентлаг) илүү үр дүнтэй гүйцэтгэж чадах ямар нэгэн чиг үүрэг (үйлчилгээ) байна уу?

O тийм O үгүй

Хэрэв тийм бол доорх хэсэгт тайлбарлан бичнэ үү.

______________________________________________________________________

_____________________________________________________________________

13. Нутгийн удирдлагын байгууллагаас доод шатны нутгийн удирдлагын байгууллагаар (аймгийн ИТХ, ЗДТГ-аас сумын ИТХ, ЗДТГ) гүйцэтгүүлэх шаардлагатай ямар нэгэн чиг үүрэг (үйлчилгээ) байна уу?

O тийм O үгүй

Хэрэв тийм бол доорх хэсэгт тайлбарлан бичнэ үү.

______________________________________________________________________

_____________________________________________________________________

______________________________________________________________________

14. Төрийн захиргааны төв (яам) болон харьяа байгууллагаас хувийн хэвшил, мэргэжлийн холбоод болон төрийн бус байгууллагаар гүйцэтгүүлэх шаардлагатай ямар нэгэн чиг үүрэг (үйлчилгээ) байна уу?

O тийм O үгүй

Хэрэв тийм бол доорх хэсэгт тайлбарлан бичнэ үү.

______________________________________________________________________

_____________________________________________________________________

______________________________________________________________________

15. Нутгийн удирдлагын байгууллагаас хувийн хэвшил, мэргэжлийн холбоод болон төрийн бус байгууллагаар гүйцэтгүүлэх шаардлагатай ямар нэгэн чиг үүрэг (үйлчилгээ) байна уу?

O тийм O үгүй

Хэрэв тийм бол доорх хэсэгт тайлбарлан бичнэ үү.

______________________________________________________________________

_____________________________________________________________________

16. Танай байгууллагын бүтэц оновчтой гэж үздэг үү?

O тийм O үгүй

Хэрэв үгүй бол хамгийн чухал шалтгааныг тайлбарлана уу.

______________________________________________________________________

_____________________________________________________________________

______________________________________________________________________

17. Танай байгууллагын газар, хэлтсийн орон тоо хангалттай гэж үзэж байна уу?

O тийм O үгүй

Хэрэв үгүй бол шалтгааныг тайлбарлана уу.

______________________________________________________________________

_____________________________________________________________________

Бидний ажилд туслалцаа үзүүлсэн танд баярлалаа.

Аргачлалын 4 дүгээр хавсралт

ЧИГ ҮҮРЭГ ДАХИН ХУВААРИЛАХ ҮНЭЛГЭЭНИЙ ХУУДАС

А. Чиг үүргийн эрх зүйн байдал

1. Чиг үүргийн нэршил (үнэлгээнд хамрагдах чиг үүргийн төрлийн ард тэмдэглэнэ үү)

а. Ерөнхий чиг үүрэг :
б. Үндсэн чиг үүрэг:
в. Дэд чиг үүрэг:		[ ]

2. Чиг үүргийн эрх зүйн үндэслэл:

2.1. Хуулийн нэр болон хуулийн зүйл, заалт, хэсгийн дугаар

а.

б.

...

2.2. Эрх зүйн бусад актын нэр, дугаар, огноо

а.

б.

...

3. Тухайн чиг үүргийг хэрэгжүүлж байгаа талуудын оролцоо (аль тохирохыг тэмдэглэнэ үү)

	Бодлого боловс-руулах	Зохицуу-лалт хийх	Зохион байгуулах	Санхүүжүүлэх	Хүний нөөцийн бодлого	Үйлчилгээ үзүүлэх	Хяналт- шинжилгээ, үнэлгээ
Яам
Агентлаг
Аймаг
Нийслэл
Сум
Дүүрэг
ТББ, хувийн хэвшил, мэргэжлийн холбоод

Б. Чиг үүргийг хэрэгжүүлэхэд тулгамдаж байгаа асуудлууд:

1. .............................................................................................................................

2. .............................................................................................................................

3. .............................................................................................................................

В. Чиг үүргийн төвлөрлийг сааруулах боломжийг үнэлэх

Шалгуур	Үнэн	Тодорхойгүй	Худал	Дүн
Оноо	1	0.5	0	Дүн
Хуваарилалтын үр ашиг:
1. Орон нутаг бүрт адил хэрэгцээ шаардлага байдаг
2. Дам нөлөөтэй, зохицуулах шаардлагатай
Үйл ажиллагааны үр ашиг:
3. Эдийн засгийн үр ашигтай
4. Өндөр технологи, нарийн мэдлэг, мэргэжил шаарддаг
5. Орон нутгийн иргэдтэй байнга харьцдаггүй
Тэгш байдал:
6. Нийтлэг стандарт шаарддаг
7. Тэгш эрхийн асуудал хөндөгддөг
Нийт оноо

Г. Чиг үүргийг дахин хуваарилах санал

1. Чиг үүргийн хуваарилалтад өөрчлөлт оруулах тухай санал, түүний үндэслэл, тайлбар

2. Чиг үүрэг дахин хуваарилахтай холбогдуулан өөрчлөлт оруулах хууль тогтоомж

Д. Чиг үүргийн төвлөрлийг сааруулах боломжийн үнэлгээний тайлбар

Тухайн чиг үүргийн үнэлгээний тайлбарыг дараах 3 аргын аль тохирох байдлаар гаргах боломжтой:

Онооны арга

а) үнэлгээг 3 бүлэгт хамаарах 7 шалгуур үзүүлэлтээр хэмжих бөгөөд шалгуур тус бүрийг 0-1.0 хүртэлх оноогоор дүгнэнэ.

б) үнэлгээний оноо 0-ээс их 2.5-аас бага бол тухайн чиг үүргийг доод түвшинд (жишээ нь сум, дүүрэг, эсхүл төрийн байгууллагын орон нутгийн нэгж г.м.) хэрэгжүүлэх боломжтой чиг үүрэг гэж үзнэ.

в) үнэлгээний оноо 2.0-оос их 5-аас бага бол тухайн чиг үүргийг дунд түвшинд (жишээ нь аймаг, нийслэл г.м.) түвшинд хэрэгжүүлэх боломжтой чиг үүрэг гэж үзнэ.

г) үнэлгээний оноо 4.5-аас их байвал тухайн чиг үүргийг дээд түвшинд (жишээ нь яам, агентлаг г.м.) хэрэгжүүлэх боломжтой чиг үүрэг гэж үзнэ.

Индексийн арга

Дээрх үнэлгээг энгийн, ойлгоход хялбар зорилгоор үүднээс оноог төвлөрлийг сааруулах боломжийн индекст (ТСБИ) хөрвүүлнэ.(Хэрэв ТСБИ 0% бол Засгийн газрын чиг үүрэг буюу дээд шатны чиг үүрэг байна. Харин ТСБИ 100% бол төвлөрлийг сааруулах боломжтой буюу доод түвшний чиг үүрэг байна.)

Оноог ТСБИ-т хөрвүүлэх томьёо:

ТСБИ=(1-)*100

Өнгөний уусгалтын арга

Оноо болон ТСБИ-ийн харьцааг дараах байдлаар өнгөөр илэрхийлж болно:

Оноо	ТСБИ	Өнгө
7	0.0%
6.5	7.1%
6	14.3%
5.5	21.4%
5	28.6%
4.5	35.7%
4	42.9%
3.5	50.0%
3	57.1%
2.5	64.3%
2	71.4%
1.5	78.6%
1	85.7%
0.5	92.9%
0	100.0%

Хэрвээ үнэлгээний оноо ногоон хэсэгт багтаж байвал чиг үүргийг сум, дүүргийн түвшинд, шар хэсэгт багтаж байвал аймаг, нийслэл буюу дунд түвшинд, цэнхэр хэсэгт багтаж байвал Засгийн газрын түвшинд хуваарилах боломжтой гэж үзнэ. Мөн зарим хэсэгт өнгөнүүд хоорондоо ууссан тохиолдолд тухайн чиг үүргийг хамтран хэрэгжүүлэх, эсхүл төлөөлөн хэрэгжүүлэх чиг үүрэг байх боломжтойг харуулна.

Чиг үүргийг дахин хуваарилах үнэлгээний хуудас бөглөх зааварчилгаа

А. Чиг үүргийн эрх зүйн байдал

1. Үнэлгээний хуудасны А.1 хэсэгт одоо хэрэгжүүлж байгаа чиг үүргийг тодорхойлж бичих бөгөөд ерөнхий, үндсэн, дэд чиг үүргээр нь ангилна. [Жишээлбэл, Ерөнхий чиг үүрэг: Байгаль орчин; Үндсэн чиг үүрэг: Хүрээлэн буй орчны бохирдлыг бууруулах; Дэд чиг үүрэг:

Ахуйн хог хаягдал цуглуулах, тээвэрлэх гэх мэт]. Үнэлгээнд хамрагдах чиг үүргийн ард [х] тэмдэглэгээг хийнэ. Энд ерөнхий болон үндсэн чиг үүрэг хамаарахгүй.

2. Үнэлгээний хуудасны А.2. хэсэгт чиг үүргийн эрх зүйн үндэслэлийг тодорхойлно.

Жишээ нь:

2.1. Хуулийн нэр болон хуулийн зүйл, заалт, хэсгийн дугаар:

А. Хог хаягдлын тухай хуулийн 7,8,9,10 дугаар зүйл

Б. Монгол Улсын засаг захиргаа, нутаг дэвсгэрийн нэгж түүний удирдлагын тухай хуулийн 31.1.7 дахь заалт

В. Төсвийн тухай хуулийн 23.8.13, 58.1.16, 58.2.15, 58.3.2, 58.4.3 дахь заалт

2.2. Эрх зүйн бусад актын нэр, дугаар, огноо:

А. Хог хаягдлын менежментийг боловсронгуй болгох талаар авах арга хэмжээний тухай Засгийн газрын 2001 оны 256 дугаар тогтоол г.м.

3. Үнэлгээний хуудасны А.3 хэсэгт одоо хэрэгжүүлж байгаа чиг үүрэг дэх талуудын оролцоог тодорхойлно. Хүснэгтийн холбогдох нүдэнд [х] тэмдэглэгээг хийнэ. Жишээ нь:

Чиг үүргийн нэр: Ахуйн хог хаягдал цуглуулах, тээвэрлэх

	Бодлого боловс-руулах	Зохицуу-лалт хийх	Зохион байгуу-лах	Санхүү-жүүлэх	Хүний нөөцийн бодлого	Үйлчил-гээ үзүүлэх	Хяналт шинжил-гээ, үнэлгээ
Яам	x
Агентлаг
Аймаг		x		x	x
Нийслэл		x		x	x
Сум			x	x	x		x
Дүүрэг			x	x	x	x	x
ТББ, хувийн хэвшил						x

Б. Чиг үүргийг хэрэгжүүлэхэд тулгамдаж байгаа асуудлууд. Жишээ:

1. Хог хаягдлын төлбөрийн хэмжээ 10 гаруй жил өөрчлөгдөөгүй.

2. Гэр хороололд 1 хашаанд олон өрх айл амьдардаг.

3. Зарим гэр хорооллоос ялангуяа өвлийн улиралд хог хаягдал тээвэрлэх нөхцөл муу, халтиргаа гулгаа ихтэй.

4. Ахуйн хог хаягдлын төлбөр бүрэн төвлөрдөггүй. (Гэр хорооллоос дунджаар 55% цуглуулдаг)

5. Улаанбаатар хотын ахуйн хог хаягдлын менежментэд бүрэн шинэчлэл хийх шаардлагатай г.м.

В. Чиг үүргийн төвлөрлийг сааруулах боломжийг үнэлэх

Чиг үүргийн нэр: Ахуйн хог хаягдал цуглуулах, тээвэрлэх

Шалгуур	Үнэн	Тодорхойгүй	Худал	Дүн
Оноо	1	0.5	0	Дүн
Хуваарилалтын үр ашиг:
1. Орон нутаг бүрт адил хэрэгцээ шаардлага байдаг			0	0
2. Дам нөлөөтэй, зохицуулах шаардлагатай	1			1
Үйл ажиллагааны үр ашиг:
3. Эдийн засгийн үр ашигтай			0	0
4. Өндөр технологи, нарийн мэдлэг, мэргэжил шаарддаг			0	0
5. Орон нутгийн иргэдтэй байнга харьцдаггүй			0	0
Тэгш байдал:
6. Нийтлэг стандарт шаарддаг		0.5		0.5
7. Тэгш эрхийн асуудал хөндөгддөг	1			1
Нийт оноо				2.5

Дээрх жишээг онооны аргаар үнэлж үзвэл нийт оноо 2.5 болох бөгөөд Ахуйн хог хаягдал цуглуулах, тээвэрлэх чиг үүргийг сум, дүүргийн түвшинд хэрэгжүүлэх боломжтой гэж үзнэ. Оноонд харгалзах төвлөрлийг сааруулах боломжийн индекс 64.1, харин өнгөний хувьд цайвар ягаан буюу дээд түвшинд хамтрах, эсхүл төлөөлүүлэх шаардлагагүй гэдгийг илэрхийлж байна.

Чиг үүргийг хуваарилахад харгалзах шалгуур үзүүлэлтийн тайлбар:

Хуваарилалтын үр ашиг:

1.1. “Орон нутаг бүрт адил хэрэгцээ шаардлага байдаг эсэх” гэж тухайн чиг үүрэг, үйлчилгээг авах хэрэгцээ шаардлага нь орон нутаг бүрт өөр өөр, эсхүл адил байх эсэхийг тодорхойлно. Жишээ нь: Ахуйн хог хаягдал цуглуулах, тээвэрлэх хэрэгцээ сум, дүүрэг бүрт харилцан адилгүй байдаг.

1.2. “Дам нөлөө” гэж тухайн чиг үүрэг, үйлчилгээ нь гуравдагч этгээдэд хэрхэн нөлөөлж байгааг тодорхойлно. Дам нөлөө нь эерэг, эсхүл сөрөг байж болно. Жишээ нь: сумдын бэлчээрийн харилцан адилгүй нөөц нь мал аж ахуй, газар тариалангийн салбарт эерэг болон сөрөг дам нөлөөлөх боломжтой бөгөөд дээд түвшинд буюу аймгийн зүгээс бэлчээр хуваарилалтын зохицуулалт хийх шаардлагатай болно.

Үйл ажиллагааны үр ашиг:

2.1. “эдийн засгийн үр ашиг буюу далайцын хэмнэлт” гэж тоо хэмжээний өсөлтөөс бий болсон зардлын давуу тал буюу нэгж бүтээгдэхүүн, ажил үйлчилгээнд ногдох дундаж зардлын бууралтыг хэлнэ.

2.2. “Өндөр технологи, нарийн мэдлэг, мэргэжил шаардах” гэдэг нь тухайн чиг үүргийг хэрэгжүүлэхэд нарийн мэдлэг, өндөр технологи, мэргэжлийн ур чадвар шаардагдах эсэхийг тодорхойлно. Жишээ нь: сумын түвшинд хог хаягдлыг тээвэрлэхэд нарийн мэдлэг, мэргэжил, өндөр технологи шаардагдахгүй.

2.3. “Орон нутгийн иргэдтэй байнга харьцдаг эсэх” гэж тухайн чиг үүргийг хэрэгжүүлэхэд иргэдтэй байнга харьцдаг эсэхийг тодорхойлно.

Тэгш байдал:

3.1. “Нийтлэг стандарт шаардах” гэж тухайн чиг үүргийг хэрэгжүүлэхэд нийтлэг стандарт шаардлагатай эсэхийг тодорхойлно. Энэ нь гол төлөв төрийн нийтлэг үйлчилгээтэй холбоотой байна.

3.2. “Тэгш эрх” гэж иргэд нас, хүйс, нийгмийн гарал, шашин шүтлэг, орлогын ялгаатай байдлыг үл харгалзан төрийн үйлчилгээг тэгш, хүртээмжтэй авах эрхтэй эсэхийг тодорхойлно.

-------oOo---------

Аргачлалын 5 дугаар хавсралт

ЗАСАГ ЗАХИРГААНЫ ТҮВШИН ХООРОНДЫН ЗАХИРГААНЫ ЭРХ ХЭМЖЭЭНИЙ ХУВААРИЛАЛТ

№

Захиргааны эрх хэмжээ

Хэрэгжүүлэх түвшин

яам

агентлаг

аймаг

нийслэл

сум

дүүрэг

хувийн хэвшил, ТББ,

мэргэжлийн холбоод

одоо

санал

одоо

санал

одоо

санал

одоо

санал

одоо

санал

одоо

санал

одоо

санал

Бодлого боловсруулах

Зохицуулалт хийх

Зохион байгуулах

Санхүүжилт

Хүний нөөцийн бодлого

Үйлчилгээ үзүүлэх

Хяналтшинжилгээ,үнэлгээ

* үнэлгээг (х) тэмдгээр тэмдэглэнэ

Хууль тогтоомж, холбогдох бусад эрх зүйн актад өөрчлөлт оруулах саналын томьёолол:

........................................
.......................................

ЗАСАГ ЗАХИРГААНЫ ТҮВШИН ХООРОНДЫН ЗАХИРГААНЫ ЭРХ ХЭМЖЭЭНИЙ ХУВААРИЛАЛТ

(Бөглөх жишээ)

Дэд чиг үүрэг: Ахуйн хог хаягдал цуглуулах, тээвэрлэх

№

Захиргааны эрх хэмжээ

Хэрэгжүүлэх түвшин

яам

агентлаг

аймаг

нийслэл

сум

дүүрэг

хувийн хэвшил, ТББ, мэргэжлийн холбоод

одоо

санал

одоо

санал

одоо

санал

одоо

санал

одоо

санал

одоо

санал

одоо

санал

Бодлого боловсруулах

Зохицуулалт хийх

Зохион байгуулах

Санхүүжилт

Хүний нөөцийн бодлого

Үйлчилгээ үзүүлэх

Хяналт-шинжилгээ, үнэлгээ

Хууль тогтоомж, холбогдох бусад эрх зүйн актад өөрчлөлт оруулах саналын томьёолол:

Аймаг, нийслэлийн иргэдийн Төлөөлөгчдийн Хурлын Тэргүүлэгчид тухайн чиг үүрэгтэй холбогдох норм стандарт, хог хаягдлын төлбөрийн хэмжээг тогтоож байгааг сум, дүүрэгт шилжүүлэх;

Ахуйн хог хаягдлын төлбөр бүрэн төвлөрдөггүй. (Гэр хорооллоос дунджаар 55% цуглуулдаг) Төлбөр цуглуулах арга хэлбэрийг боловсронгуй болгон сайжруулах, гэр хороололд оршин суугч өрх бүрээс төлбөрийг бүрэн авдаг болох;

Нийслэлээс дүүргүүдэд татаас өгөхгүй байх;

4. Ахуйн хог хаягдал цуглуулах, тээвэрлэх үйлчилгээ үзүүлж байгаа аж ахуйн нэгжүүд зориулалтын тээврийн хэрэгсэл

ашиглах;

5. Оршин суугчдыг хог хаягдлыг ангилж, зориулалтын уут ашиглахад хэвшүүлэх;

6. Тогтоосон цэгээс бусад газар хог хаягдал хаясан этгээдэд ногдуулах торгуулийн хэмжээг өсгөх гэх мэт.

Аргачлалын 6 дугаар хавсралт

№

Захиргааны эрх хэмжээ

Хэрэгжүүлэх түвшин

Нийслэлийн ИТХ

Нийслэлийн Засаг дарга

Аймгийн ИТХ

Аймгийн Засаг дарга

Дүүргийн ИТХ

Дүүргийн Засаг дарга

Сумын ИТХ

Сумын Засаг дарга

одоо

Санал

одоо

Санал

одоо

Санал

одоо

Санал

одоо

Санал

одоо

Санал

одоо

Санал

одоо

Санал

Бодлого боловсруулах

Зохицуулалт хийх

Зохион байгуулах

Санхүүжилт

Хүний нөөцийн бодлого

Үйлчилгээ үзүүлэх

Хяналт-шинжилгээ,

үнэлгээ

НУТГИЙН УДИРДЛАГЫН БАЙГУУЛЛАГА ХООРОНДЫН ЗАХИРГААНЫ ЭРХ ХЭМЖЭЭНИЙ ХУВААРИЛАЛТ

* үнэлгээг (х) тэмдгээр тэмдэглэнэ

Хууль тогтоомж, холбогдох бусад эрх зүйн актад өөрчлөлт оруулах саналын томьёолол:

........................................
.......................................

Аргачлалын 7 дугаар хавсралт

ЧИГ ҮҮРЭГ ДАХИН ХУВААРИЛАЛТЫН САНХҮҮГИЙН ҮР ДАГАВАР

(мянган төгрөгөөр)

	Зардлын зүйлс	Одоо	Санал	Өөрчлөлт

А	УЛСЫН ТӨСӨВ НИЙТ, Үүнээс:
1.	Урсгал зардал
1.1	-цалин хөлс
1.2	-НДШ
1.3	-бараа үйлчилгээний бусад зардал
1.4	-татаас, шилжүүлэг
1.5	-бусад
2.	Хөрөнгийн зардал

Б	АЙМАГ, НИЙСЛЭЛИЙН ТӨСӨВ НИЙТ, Үүнээс:
1.	Урсгал зардал
1.1	-цалин хөлс
1.2	-НДШ
1.3	-бараа үйлчилгээний бусад зардал
1.4	-татаас, шилжүүлэг
1.5	-бусад
2.	Хөрөнгийн зардал

В	СУМ, ДҮҮРГИЙН ТӨСӨВ НИЙТ, Үүнээс:
1.	Урсгал зардал
1.1	-цалин хөлс
1.2	-НДШ
1.3	-бараа үйлчилгээний бусад зардал
1.4	-татаас, шилжүүлэг
1.5	-бусад
2.	Хөрөнгийн зардал

	НИЙТ ДҮН (А+Б+В)

Шүүлтүүр

Сонсох:

Эрх зүйн актууд

Санал хүсэлт