2021 оны 12 дугаар сарын 30-ны өдөр

Улаанбаатар хот

ТӨЛБӨРТ ҮЙЛЧИЛГЭЭНИЙ ТАРИФ БАТЛАХ ТУХАЙ

Төрийн болон орон нутгийн өмчийн тухай хуулийн 20 дугаар зүйлийн 20.1.9, 20.1.10 дахь заалт, Ус сувгийн удирдах газрын дүрмийн 6 дугаар зүйлийн 6.13 дахь заалтыг үндэслэн ТУШААХ нь:

1.Хэрэглэгчдээс ирсэн санал хүсэлтийг түргэн шуурхай шийдвэрлэх, мэргэжлийн үйлчилгээ үзүүлэх зорилгоор Хэрэглэгчдэд үйлчлэх албаны төлбөртэй үзүүлэх үйлчилгээний үнийг нэгдүгээр хавсралтаар, Усны тоолуурын лабораториос төлбөртэй үзүүлэх үйлчилгээний үнийг хоёрдугаар хавсралтаар, Тоолуур суурилуулах үнийг гуравдугаар хавсралтаар, Усны тоолуурын лабораторид цэвэр, бохир усны тоолуур шалгах, засварлах, тохируулга хийх үнэ тарифыг дөрөвдүгээр хавсралтаар, Гадны байгууллагын буруутай үйл ажиллагаанаас үүссэн шугам сүлжээний гэмтэл саатлыг засварлах төлбөртэй үзүүлэх үйлчилгээний үнэ тарифыг тавдугаар хавсралтаар, Усны төв лабораторид ундны усанд шинжилгээ хийх үнийг зургаадугаар хавсралтаар, Усны төв лабораторид бохир усанд шинжилгээ хийх үнийг долоодугаар хавсралтаар, Усны төв лабораторид ICP-OES багажаар 23 элемент, GC-MS багажаар 50-55 дэгдэмхий органик нэгдэл тодорхойлох шинжилгээний үнийг наймдугаар хавсралтаар, Сургалт судалгааны төвийн төлбөрт үйлчилгээний үнийг есдүгээр хавсралтаар, Спорт цогцолборын төлбөрт үйлчилгээний үнийг аравдугаар хавсралтаар, Архиваас үзүүлэх төлбөрт үйлчилгээний үнийг арваннэгдүгээр хавсралтаар, Инженерийн дэд бүтцийн ажлын зурагт тодруулга хийх үйлчилгээний үнийг арванхоёрдугаар хавсралтаар, Цэвэр ус зөөвөрлөх, бохир ус татан зайлуулж тээвэрлэх үнийг арвангуравдугаар хавсралтаар тус тус шинэчлэн баталсугай.

2.Батлагдсан тарифыг Хууль зүй, дотоод хэргийн яамны улсын нэгдсэн бүртгэлд бүртгэж, "Захиргааны хэм хэмжээний актын эмхэтгэл"-д нийтэлсний дараа сараас дагаж мөрдсүгэй.

3.Тарифын хэрэгжилтэд хяналт тавьж, мөрдүүлэн ажиллахыг Үйл ажиллагааны хяналтын хэлтэс /Д.Мөнхзул/-т, Эдийн засаг санхүү бүртгэлийн хэлтэс /Ч.Ариунаа/-т нарт тус тус үүрэг болгосугай.

4.Энэ тушаал гарсантай холбогдуулан Ус сувгийн удирдах газрын даргын 2018 оны 04 дүгээр сарын 26-ны өдрийн А/116 дугаар тушаал хүчингүй болсонд тооцсугай.

ДАРГА Ц.ТӨРХҮҮ