Эрчим хүчний сайдын 2019 оны 170 дугаар тушаалын гуравдугаар хавсралт

АККУМЛЯТОРЫН БАТАРЕЙН ХӨДӨЛМӨР

ЗАРЦУУЛАЛТЫН ЖИШИГ НОРМ

 БНБД 83-23^Е-19   НЭМЭЛТ

ЕРӨНХИЙ ХЭСЭГ

1.Энэ нормд аккумуляторын батарейн тавиурыг угсарч суурилуулах, 4 OPzV 200 - 6 OPzV 600 маягийн аккумуляторын батарейг суурилуулж угсрах ажлын хөдөлмөр зарцуулалтын нормыг тус тус тусгав.

2.Барилгын гадна хийх ажилд газрын түвшингээс, барилга дотор хийх ажилд шалны түвшингээс 2 м-ээс дээш өндөрт ажил гүйцэтгэх тохиолдолд хөдөлмөр зарцуулалтын нормыг дараах итгэлцүүрээр өсгөнө. Үүнд:

• 2 - 8 м өндөрт    -  1.05
• 8 - 15 м өндөрт  -  1.10

Энэ итгэлцүүрт ажилчин өгсөж дээш гарах, буух хугацаа, өндөрт ажиллахад хөдөлгөөнд саад болох зүйлийг оруулан тооцов.

3.Уг нормд зүйл тус бүрийн ажлын бүтцэд тухайн ажлын процессыг тодорхойлох үндсэн үйлдлүүдийг тусгаж өгсөн бөгөөд тухайн технологийн процессын салшгүй хэсэг боловч ажлын бүтцэд ороогүй дараах туслах үйлдлүүдийг нормд тооцож тусгасан тул нэмж нормчлох шаардлагагүй. Үүнд: Ажлын байр бэлтгэх, материал, багаж хэрэгслүүдийг ачиж буулгах, багаж хэрэгслийн жижиг засвар, цэвэрлэгээ, тохиргоо хийх, машин механизм, багаж хэрэгслийг шалгах, цахилгаанд залгах, цэнэглэх, ажлын горимд тохируулах, хамгаалалтын хувцас өмсөх зэрэг болно.

4.Нормд дараах ажлууд тусгагдаагүй бөгөөд тусад нь нормчилно. Үүнд: Шат ванданг бэлтгэх, хийц хэсэг эд ангийн үйлдвэрт бэлтгэх явцад гаргасан буюу ачиж буулгах, хадгалах үед үүссэн гэмтэл согогийг арилгах, материал, хийц, тоног төхөөрөмжийг объект хүртэл тээвэрлэх, ачих.

1.  23е-30.  Аккумуляторын батарейн тавиурыг угсарч, суурилуулах

Ажлын бүтэц

1.Тавиурын сав, баглаа боодлыг задлан хайрцагнаас гаргаж, угсрахад бэлтгэх.

2.Тавиурыг угсарч, суурилуулах, шалгах.

/Хөдөлмөр зарцуулалтын норм 1 м тавиурын хүн/цаг/

 Хүснэгт 1

2. 23е-31.  4 OPzV 200 - 6 OPzV 600 маягийн аккумуляторын

батарейг суурилуулж, угсрах ажил

Ажлын бүтэц

1.Аккумуляторын батарейг ажлын байранд зөөх

2.Аккумуляторын батарейн тоос шороог арчиж цэвэрлэн, урьдчилан бэлтгэсэн тавиур дээр байрлуулан, батарей хоорондын зайг тохируулан суурилуулах

3.Аккумуляторын батарейн туйлын холболтыг зориулалтын холбоосоор холбож боох

4.Аккумуляторын батарейн туйлын холбоосын боолтыг дахин чангалж, шалгах

                  /Хөдөлмөр зарцуулалтын норм 1 м тавиурын хүн/цаг/  

 Хүснэгт 2

3. 23е-32.  Аккумуляторын батарейд дугаарлалт хийх

Ажлын бүтэц

1.Аккумуляторын батарейн их биед үйлдвэрийн зориулалтын дугаарыг наах.

/Хөдөлмөр зарцуулалтын норм 1 батарей  хүн-цаг/

 Хүснэгт 3