Эрчим хүчний сайдын 2019 оны

173 дугаар тушаалын дөрөвдүгээр хавсралт

ИЖ БҮРЭН ХУВААРИЛАХ БАЙГУУЛАМЖИЙН УГСАРМАЛ ИЖ БҮРДЭЛ ХОРГЫГ СУУРИЛУУЛЖ УГСРАХ АЖЛЫН ТЕХНОЛОГИЙН КАРТ

1.ЕРӨНХИЙ ХЭСЭГ

6-10 кВ-ын хүчдэлтэй иж бүрэн хуваарилах байгууламж (ИБХБ)-ийн угсармал иж бүрдэл хорго (ячейк)-ыг суурилуулах угсралтын ажлын технологийн карт нь уг ажлыг гүйцэтгэхэд шаардагдах материалын зардал, машин механизм, угсралтын ажлын технологийн дэс дараалал, зохион байгуулах удирдамж заавруудаас бүрдэнэ.

ИБХБ 6 ба 10 кВ-ын хэвийн хүчдэл бүхий 3 фазын хувьсах гүйдлийн сүлжээнд ажиллах зориулалттай. Тус картанд ОХУ-ын үйлдвэрийн 6-10 кВ-ын ИБХБ-ийн КМ-1Ф маягийн (зураг 1), БНХАУ-ын үйлдвэрийн KYN28A-12 маягийн (зураг 2) хоргуудыг суурилуулах угсралтын ажлын технологийг авч үзсэн.

Технологийн картын калькуляцид туршилт тохируулгын ажлын хөдөлмөр зарцуулалтын норм тооцогдоогүй болно.

Энэхүү технологийн картыг ЗХУ-ын ЦНИИОМТП Госстрой-гоос гаргасан 1987 оны “Барилга угсралтын ажлын нэг маягийн технологийн карт боловсруулах аргачилсан заавар”-ыг үндэслэн боловсруулав.

Зураг. 1. КМ-1Ф маягийн иж бүрэн хорго(ячейк)

1-шугамын шинийн хэсэг, гүйдлийн трансформаторын ба кабелийн үзүүр холбох хэсэг; 2-цуглуулгын шинийн ба цуглуулгын шинийн салбарлалтын хэсэг;

3-релений шүүгээ; 4 – хөдлөх (тэргэнцэрийн) хэсэг

Зураг. 2. KYN28A-12 маягийн угсармал иж бүрэн хорго (ячейк)

1-релений шүүгээ; 2-хөдлөх (тэргэнцэрийн) хэсэг;

3-цуглуулгын шинийн хэсэг; 4-кабелийн үзүүр холбох хэсэг

2.ХЭРЭГЛЭХ ХҮРЭЭ

Энэхүү технологийн карт нь 6-10 кВ-ын ИБХБ-ийн дотор суурилуулах зориулалт бүхий угсармал иж бүрдэл хоргуудыг цахилгаан станц, дэд станцын хаалттай хуваарилах байгууламжид суурилуулж угсрахад зориулагдсан. Мөн байгууламжийн зохион байгуулалтын төсөл, угсралтын ажил гүйцэтгэх төсөл боловсруулахад хэрэглэнэ. Хоргыг угсрахтай холбоотой бүх ажлууд, тэдгээрийг суурилуулах ажлын талбайд угсралтыг шууд гүйцэтгэхээр оруулав.

3.УГСРАЛТЫН АЖЛЫН ҮНДСЭН ЗААВАР

3.1.Ерөнхий заавар

3.1.1.Угсралтын ажлыг эхлэхийн өмнө дараах ажлуудыг хийж гүйцэтгэсэн байвал зохино:

-ХХБ-ийн барилгын хэсэг ба хоргыг оруулж суурилуулахад шаардлагатай зай талбайг хангах тусгайлсан ажлууд;

-Кабелийн суваг болон кабель оруулах шалан дахь нүх (зай хэмжээ)-ийг зураг төслийн дагуу хийж гүйцэтгэсэн байх;

-380/220/12 В-ын хүчний сүлжээг схемийн дагуу угсарч дууссан байх;

-Гэрэлтүүлэг ба газардуулах байгууламжийн угсралтын ажил дууссан байх;

-ХХБ-ийн орц, гарцын ажлууд бүрэн дууссан байх.

3.1.2.-ХХБ-ын хана, таазыг шавардаж тэгшлэн, шохойдох эсвэл цагаанаар будсан байх ёстой.

-Шалны хийцлэл нь цементэн, тоос үүсэхгүйгээр хийгдсэн байх.

-Коридорын шал нь босго ба уналтгүй (өөр өөр түвшинд биш) байх. Кабелийн сувгуудыг галд тэсвэртэй хавтангаар хаасан байх.

-ИБХБ-ийн хоргын хөдлөх хэсэг нь хорго дотроо үйлдвэрээсээ угсармал иж бүрнээрээ нийлүүлэгддэг. Түүнийг хоргоос гаргах зориулалтын тусгай тэргэнцэр нь үйлдвэрээс хамтдаа нийлүүлэгддэг.

-Хоргыг хайрцагтай нь кранаар өргөхдөө хайрцагны тагнаас хэвтээ чигт 45^о-с багагүй өнцгөөр аргамжааг бэхэлж, хайрцгийг эвдэрч гэмтэхээс зайлсхийнэ. Хайрцаг дээрх зааврын дагуу газар дээр нь аргамжина.

-Хоргуудыг зөвхөн босоо байрлалтайгаар шилжүүлэх ба түлхэлт, цохилт учруулж болохгүй.

3.1.3.ИБХБ-ийн хоргыг хүлээн авахдаа нийлүүлэлтийн иж бүрдэл, тоо ширхэг бүрэн бүтэн байгааг, ачааны эвдрэл гэмтэл, баглаа боодлыг шалгаж авах хэрэгтэй. Гэмтэл ба бүрэн бус нийлүүлэгдсэнийг илрүүлбэл акт үйлдэнэ.

-Хоргыг үйлдвэрээс бэлтгэсэн сав баглаа боодолтой нь саравчинд эсвэл баглаа боодолгүйгээр агааржуулагчтай хаалттай барилгад хадгална.

3.1.4.Хоргуудын сав баглаа боодлыг задлах ба тоног төхөөрөмжийн чийгшилтийг арилгах, иж бүрдлүүдийг үйлдвэрлэгчийн тооцоолсон дэс дарааллаар угсарч суурилуулах нөхцөлийг хангах хэрэгтэй.

-ИБХБ-ийн хоргыг шууд барилгад ИБХБ-ийн дүүргэлтийн схемийн дагуу суурилуулахдаа нэг суурин дээр 3-5 хоргыг суурилуулан холболтуудыг хийж угсарна.

3.1.5.Угсралтын үед ашиглах бүх машин механизм, багаж хэрэгсэл нь техник- хяналтын газрын ээлжит үзлэгт орж шаардлага хангасан байдал зохино.

3.1.6.ИБХБ-ийн КМ-1Ф маягийн хорго нь дараах тэмдэглэгээтэй:

3.1.7.ИБХБ-ийн KYN 28A-12 маягийн хорго нь дараах тэмдэглэгээтэй:

3.1.8.ИБХБ-ийн угсралтын ажлын үед Хавсралт 1-ийн баримт бичгүүдийг мөрдөх хэрэгтэй.

3.2.Бэлтгэл ажлууд

3.2.1.Хоргыг суурилуулахдаа үйлдвэрийн техникийн баримт бичиг болон ажлын зураг төслөөс барилгын аль хэсэгт байрлуулахыг судалж танилцсан байна.

3.2.2.Барилгын гүйцэтгэгчээс ИБХБ-ийн хоргыг байрлуулах байрыг хүлээн авах. Хоргын доорхи тулгуурын төмөр хийц, хүчний, хяналтын кабелийг сунгах суваг, нүх, зай зэрэг нь зураг төслийн дагуу хийгдсэнийг шалгана. Захиалагч, барилгын ба цахилгааны угсралтын байгууллагын төлөөлөгчид гарын үсэг зурж, актаар хүлээж авна.

3.2.3.ИБХБ-ийн хоргыг буулгах, сав баглаа боодлыг задлах талбай, автокраны ажиллах талбайг бэлтгэнэ (Зураг 3). Ажлын талбайд угсралтын механизм, тоног төхөөрөмж, багаж хэрэгслийг байрлуулна.

3.2.4.ИБХБ-ийн хоргын дагалдах материал хэрэгслийн сав, баглаа боодлыг задалж, бүрэн бүтэн байдлыг шалгана.

3.2.5.Технологийн карт болон ажил гүйцэтгэх төслийн дагуу ажлыг гүйцэтгэх хуваарийг нарийвчлан тодорхой болгоно.

Угсралтын бригадын бие бүрэлдэхүүн нь техникийн баримт бичиг болон гүйцэтгэх ажлын хэмжээтэй бүрэн гүйцэд танилцсан байна. Бригад нь ажлыг хариуцсан удирдлагаас аюулгүй ажиллагааны зааварчилгаа авсан байна.

3.2.6.Хоргын баглаа боодлыг тайлах. Хайрцагнаас узел болон деталуудыг гаргах. Угсрах хоргыг баглаа боодлоос нь салгаж, хүлээн авна. (Хоргын хөдлөх хэсэг нь тусдаа нийлүүлэгдсэн бол сав баглаа боодлыг тайлах, хайрцагнаас гаргах)

3.2.7.Хоргын хөдлөх хэсгийг хоргоос сугалж гаргахад зориулсан тэргэнцэрийн сав баглаа боодлыг тайлж, хайрцагнаас гаргана.

3.3.Хоргыг угсрах

3.3.1.Хоргыг өргөхдөө түүний хэлбэр маягаас хамааруулан зориулалтын аргамжаа болон Зураг 4-д үзүүлсэн өргөх хэрэгслийн тусламжтайгаар гүйцэтгэнэ. Зураг 5, 6-д харуулсан хэрэгслүүдийн тусламжтайгаар захын хоргыг суурилуулах ба шилжүүлнэ. Түүний суурилуулалтын түвшин ба эгц шулуун зөв эсэхийг тэгш ус болон босоо үзэгч багажаар шалгах. Зайлшгүй тэгшлэх шаардлагатай үед 2 мм зузаантай төмөр ивээсийг ашиглана. Энэ үед хоргын ёроолыг ямар нэг хэв гажилтанд оруулахааргүй байлгах ба хоргын доторх механизм, узелүүдийн тохиргоог алдагдуулахгүй байхад анхаарвал зохино.

3.3.2.Дараагийн хорготой бэхлэгдэх нүх, хажуу талын тасалгаа ба шугамын шин, цуглуулгын шинийн нүх, хоргоны гаргалгын амсар зэргийг таарч байхаар суурилуулна.

Зураг-3. Хоргуудыг суурилуулах план ба огтлол болон автокраны ажиллах байршлын план

1 -тоног төхөөрөмжийг буулгах, задлах талбай; 2 - ИБХБ-ийн хорго;     

3 - ХХБ-ийн байр; 4 - татах хэрэгсэл МЭЛ-1,5-19

3.3.3.Секцүүдийг зөв суурилуулсан эсэхийг хоргууд зөрж суусан эсэх, ганхахгүй байгаа эсэхийг шалгана. Хоргуудыг өөр хооронд нь зөрүү үүсгэхгүйгээр боолтоор холбох ба зөв суурилуулсан эсэхийг дахин нягтлан шалгах (бүх хоргуудын хаалганы дээд хөвөө нэг шулуун дээр байрлах ба хоргын нүүрний хэсэг нь нэг хавтгайд байрлана).

4. КМ-1Ф маягийн хоргын аргамжааны схем:

1) ИБХБ-ийн хорго; 2) 40 мм диаметртэй, 750 - 1350 мм урттай, ус хий дамжуулах зориулалт бүхий ган хоолой; 3) 4СК1-2,0/Рт1-1,0/К-0,8/1500 маягийн аргамжаа; 4) 1500 - 2700 мм урттай, ус хий дамжуулах зориулалт бүхий ган хоолой; 5) 40 мм диаметртэй 4СК1-3,2/Рт1-1,6/К-1,25/3000 маягийн аргамжаа;

Зураг. 6. Эргэлтийн тулгуур ОП-9:

1 - их бие; 2 - дугуй; 3 - өргөх гар; 4 - шингэнээр ажиллах өргүүр

3.3.4.Хоргын хөдлөх хэсэг (таслуур)-ийг хоргоос тэргэнцэрийн тусламжтайгаар гаргана. Ингэхдээ тэргэнцэрийн дээд тавцанг таслуурын доод хэсэгтэй ижил түвшинд тохируулж байрлуулан таслуурыг сугалж гаргана. Дараагийн хорготой бүрэн холбож дуустал таслууртай тэргэнцэрийг угсралтын байрлалаас холдуулна. Холболтыг доод хэсгийн боолтноос эхэлнэ. Хоргын залгах контактууд ба хөдлөх хэсгийн контакт нэг тэнхлэгт байгаа эсэхийг шалгана.

3.3.5.Хоргыг суурилуулах хийцтэй нь бэхлэх. Бэхэлгээний гагнаасыг хоргын хэлбэр маягаас хамааруулан шаваасны урт нь 100 мм, катет нь 4-5 мм-ээр 3-4 байрлалд гүйцэтгэнэ (үйлдвэрийн зааврын дагуу).

3.3.6.Бүх холболт дууссаны дараа хөдлөх хэсэг (таслуур)-ийг хоргонд буцааж байрлуулна.

3.3.7.Хоргын гүйдэл дамжуулагчийг оруулганд ба гүүрэн шинэнд (хоргуудыг 2 эгнээгээр байрлуулсан үед) бүрэн цуглуулгаар эсвэл томруулсан блокуудаар угсардаг. Тэдгээрийг барилгын хийцүүдэд өлгөх элементүүдийн тусламжтайгаар тогтооно. Ачааг өргөхдөө гар хөшүүрэг эсвэл цахилгаан ачаа өргөгчөөр гүйцэтгэнэ (түүнийг ашиглах зөвшөөрлийг бүрдүүлсэн байх). ИБХБ-ийн хоргуудын өөр хоорондоо холбогдсон гүйдэл дамжуулагч холбоосыг газардуулгын шинд холбож хоргыг газардуулна.

3.3.8.Шугамын ба салбарлалтын шинийн контактын гадаргууг бензин, цэвэрлэгч бодис шингээсэн арчих материалаар цэвэрлэх ба ЦИАТИМ-201 тосоор нимгэн тосолно. Бүрээстэй шинийн контактын гадаргууг цэвэрлэхийг хориглоно.

3.3.9.Хоргууд 2 эгнээгээр байрласан тохиолдолд гүүрэн шин, цуглуулгын ба шугамын шинийн угсралтыг гүйцэтгэнэ. Цуглуулгын шинийн угсралтыг хамгийн доод “С” фазаас нь эхлэх бөгөөд шин баригчаар бэхлэх ба түүнд салбарлалтыг холбох угсралтыг дарааллын дагуу, хамгийн тохиромжтойгоор гүйцэтгэнэ. Шинийг холбох үед тусгаарлагч ба тусгаарлагдсан тогтоогчид аюултай хазайлт үүсэхээс зайлсхийх хэрэгтэй. Цуглуулгын шинийн урт 20 метрээс их үед барагцаагаар эгнээний дунд орчмын хоргын дотор температурын компенсаторыг оруулна. Туслах хэлхээний магистраль шинийн угсралтыг гүйцэтгэнэ.

ИБХБ-ийн цуглуулгын шинийн бүх холбоосыг суурилуулсаны дараа контактын холболтын боолтуудыг эцсийн байдлаар чангална. Цуглуулгын шинийн төгсгөлүүдийг тусгаарлагдсан хийцэд найдвартай бэхэлсэн байна. Үйлдвэрийн зориулалтын тусгаарлагч хайрцагийг хаасны дараа холболтын боолтыг чангална.

3.3.12.Шаазан ба хуванцар тусгаарлагчийн бүрэн бүтэн байдлыг шалгах, цэвэрлэгч шингэн уусгасан зөөлөн даавуугаар арчиж цэвэрлэх. Залгуур ба хутганы контактын хэсгийг мөн цэвэрлэгч шингэн уусгасан зөөлөн арчих материалаар арчиж цэвэрлэх ба ЦИАТИМ-201 тосоор тосолно.

3.3.12.Хоргын бүх хэсгүүдэд нарийвчилсан үзлэг хийж бэхэлгээний боолтон холболтууд, контактын холболтын утаснууд болон анхдагч хэлхээний хавчаарууд, блок контактууд ба хоёрдогч хэлхээний бусад хэсгүүдийн эрэг шурагийг чангалах.

3.3.13.Шалгахдаа:

залгаатай ба тэмдэглэсэн байрлалд бүх 4 гулсуурт хөдөлгөөнт хэсгүүдийн тулгалтыг (савлалтыг тооцохгүй);

ажлын ба хяналтын байрлалд хөдөлгөөнт хэсгийн тогтоолтын найдваржилтыг;

хоргын үл хөдлөх контактуудтай гол хэлхээний хөдлөх хэсгүүдийн контактын залгуурын нийлэлтийг;

хөдлөх хэсгүүдийн газардуулгын контакт нь хоргын шинийн газардуулгатай давхцаж байгааг;

хөшигний механизмын ажиллагааг;

гар дамжуургын газардуулагчийн ажиллагааг;

газардуулагчийн хоригийн ажиллагааг;

хөдлөх хэсгийн өнхөрч орох, гарах чадамжийг. Механик туршилтыг гүйцэтгэх (хөдлөх хэсгийг оруулж, гаргах; хориглолт, хөшигний ажиллагааг шалгах; анхдагч хэлхээний холболтын контактын хавчилтыг хэмжих; газардуулагч салгуурын контактын төлөв ба ажиллагааг шалгах). Үйлдвэрлэгчийн зааврын дагуу туршилт ба шалгалтыг хийх.

4.АЖЛЫГ ХҮЛЭЭЛГЭН ӨГӨХ, ТҮҮНИЙ ЧАНАРТ ТАВИГДАХ ШААРДЛАГА

ИБХБ-ийн хоргуудын угсралтын ажлыг эхлэхээс өмнө бэхэлгээний хийцүүдийн хөндлөн хэвтээ чигийг шалгах.

Угсрах хоргыг үйлдвэрлэгчээс хүлээн авахдаа иж бүрдэл ба элементүүдийн бүрэн, бүтэн байдлыг шалгах (оролтын хяналт).

Хүснэгт 1-д техникийн шалгуур үзүүлэлт болон хяналтын үйлдэл, явцыг үзүүлэв.

ИБХБ-ийн хоргын угсралтыг хүлээн авах хяналтыг ОХУ-ын СНиП 3.05.06-85-д зааснаар гүйцэтгэх. Ажлыг хүлээж авахдаа ИБХБ-ийг угсарсан, туршсан протоколыг үндэслэнэ.

Хүснэгт 1

5.ХӨДӨЛМӨР ЗАРЦУУЛАЛТЫН КАЛЬКУЛЯЦ, АЖИЛЛАХ МАШИН ЦАГ

Хүснэгт 1