Татварын ерөнхий газрын даргын 2020 оны

А/52 дугаар тушаалын 3 дугаар хавсралт

Үл хөдлөх эд хөрөнгө борлуулсны орлогод ногдуулан

суутгасан албан татварын тайлангийн маягтыг нөхөх заавар

Энэхүү тайлангийн маягтаар Хувь хүний орлогын албан татварын тухай хууль /цаашид “хууль” гэх/-ийн 27 дугаар зүйлийн 27.1, 27.6-д заасны дагуу үл хөдлөх эд хөрөнгө худалдан авсан татвар төлөгч хувь хүн үл хөдлөх эд хөрөнгө худалдан авсан тухай бүр гаргаж, харьяа татварын албанд хүргүүлнэ.

Нэг. Тайлангийн маягт:

Тайланг гаргахдаа Татварын ерөнхий газрын даргын тушаалаар батлагдсан “Татварын тайлан үйлдэх, тушаах, хүлээн авах, боловсруулах, тайланд залруулга хийх журам”-ыг баримтална. Тайлангийн 3 дугаар баганад тухайн үзүүлэлтийн дүнг төгрөгөөр бөглөнө.

1.Үл хөдлөх эд хөрөнгө борлуулсны орлого буюу 1 дүгээр мөрийн дүн нь хуулийн 10.1.3-т заасан орлогын дүн байна. Энэ дүн нь Суутган төлөгчийн үл хөдлөх эд хөрөнгө борлуулсны орлогод ногдуулан суутгасан албан татварын мэдээ /ХМ-08(1)/-ний 11 дүгээр баганын нийлбэр дүнтэй тэнцүү байна.

2.Хөгжлийн бэрхшээлтэй хувь хүний орлого буюу 2 дугаар мөрийн дүн нь үл хөдлөх эд хөрөнгө борлуулсан хувь хүн нь Хөгжлийн бэрхшээлтэй хүний эрхийн тухай хуулийн 4.1.1 дэх заалтад хамаарах бол хуулийн 22.1.2-д заасан орлогын дүн байна. Энэ дүн нь Суутган төлөгчийн үл хөдлөх эд хөрөнгө борлуулсны орлогод ногдуулан суутгасан албан татварын мэдээ /ХМ-08(1)/-ний 12 дугаар баганын нийлбэр дүнтэй тэнцүү байна.

3.Татвар ногдуулах орлого буюу 3 дугаар мөрийн дүнг 1 дүгээр мөрийн дүнгээс 2 дугаар мөрийн дүнг хасаж тодорхойлно.

4.Суутгасан албан татвар буюу 4 дүгээр мөрийн дүн нь 3 дугаар мөрийн дүнг 2 хувиар үржүүлж гаргасантай тэнцүү байна.

Хоёр. Тайлангийн хавсралт мэдээ:

1.Үл хөдлөх эд хөрөнгө борлуулсан татвар төлөгчийн мэдээллийг энэ хэсэгт тусгана.

   1.1.ТТД буюу 2 дугаар баганад үл хөдлөх эд хөрөнгө борлуулсан татвар төлөгчийн “Татвар төлөгчийг бүртгэх журам”-ын 2.5-д заасны дагуу олгосон дугаарыг;

   1.2.Регистрийн дугаар буюу 3 дугаар баганад үл хөдлөх эд хөрөнгө борлуулсан татвар төлөгчийн  регистрийн дугаарыг тус тус оруулна

   1.3.Овог буюу 4 дүгээр баганад үл хөдлөх эд хөрөнгө борлуулсан татвар төлөгчийн  эцэг /эх/-ийн нэрийг;

   1.4.Нэр /аж ахуйн нэгжийн хувьд оноосон нэр/ буюу 5 дугаар баганад үл хөдлөх эд хөрөнгө борлуулсан татвар төлөгчийн  нэрийг, хуулийн этгээд бол хуулийн этгээдийн оноосон нэрийг;

2.Үл хөдлөх эд хөрөнгийн мэдээлэл хэсэгт үл хөдлөх эд хөрөнгө өмчлөх эрхийн улсын бүртгэлийн гэрчилгээн дэх мэдээллийг тусгана.

   2.1.Өмчлөх эрхийн улсын бүртгэлийн дугаар буюу 6 дугаар баганад Эд хөрөнгийн эрхийн улсын бүртгэлийн тухай хуулийн 5.3-т заасны дагуу эрх бүхий байгууллагаас олгосон дугаар /Ү/-ыг;

   2.2.Хаяг, байршил буюу 7, 8 дугаар баганад өмчлөх эрхийн улсын бүртгэлийн гэрчилгээн дэх хаяг, байршлыг;

   2.3.Зориулалт буюу 9 дүгээр баганад үл хөдлөх эд хөрөнгө өмчлөх эрхийн улсын бүртгэлийн гэрчилгээн дэх зориулалтыг;

   2.4.Хэмжээ буюу 10 дугаар баганад үл хөдлөх эд хөрөнгө өмчлөх эрхийн улсын бүртгэлийн гэрчилгээн дэх хэмжээг м.кв-аар тус тус оруулна.

   2.5.Үл хөдлөх эд хөрөнгө борлуулсны орлого буюу 11 дүгээр баганад үл хөдлөх эд хөрөнгө борлуулах, шилжүүлэх гэрээний дүн байна.

   2.6.Хуулийн 22.1.2-т заасан хувь хүний орлого буюу 12 дугаар баганын дүн нь Хөгжлийн бэрхшээлтэй хүний эрхийн тухай хуулийн 4.1.1 дэх заалтад хамаарах хувь хүний орлогын дүн байна.

ТАТВАРЫН ЕРӨНХИЙ ГАЗАР