МОНГОЛ УЛСЫНЗАСГИЙН ГАЗРЫН ТОГТООЛ

2012 оны 6 дугаар сарын 13-ны өдөр

Дугаар 209

Улаанбаатар хот

ГЭР ХОРООЛЛЫН ИРГЭДИЙН УСНЫ ҮЙЛЧИЛГЭЭНИЙ ТӨЛБӨРИЙГ ХӨНГӨЛӨХ ТУХАЙ

Монгол Улсын Засгийн газраас ТОГТООХ нь:

1. Улаанбаатар хот болон төв, суурин газрын гэр хороололд амьдарч байгаа иргэдийн усны үйлчилгээний үнийг тухайн орон нутгийн орон сууцанд амьдарч буй иргэдийн төлж байгаа хэмжээнд хүртэл бууруулах саналыг Хот, суурины ус хангамж, ариутгах татуургын ашиглалт, үйлчилгээг Зохицуулах зөвлөлд тавьж, шат дараатайгаар шийдвэрлүүлэх арга хэмжээ авахыг Байгаль орчин, аялал жуулчлалын сайд Д.Цогтбаатарт даалгасугай.

2. Одоо мөрдөгдөж байгаа усны үйлчилгээний төлбөрийг бууруулснаар ус ханган нийлүүлэгч байгууллагад 2012 онд үүсэх алдагдлыг тооцон санхүүгийн эх үүсвэрийг нь шийдвэрлэхийг Сангийн сайд Д.Хаянхярваад, цаашид жил бүр орон нутгийн төсөвт тусган санхүүжүүлж байхыг аймаг, нийслэлийн Засаг дарга нарт үүрэг болгосугай.

Монгол Улсын Ерөнхий сайд С.БАТБОЛД

Байгаль орчин, аялал жуулчлалын сайд Д.ЦОГТБААТАР