МОНГОЛ УЛСЫН ЗАСГИЙН ГАЗРЫН ТОГТООЛ

2008 оны 2 дугаар сарын 20-ны өдөр

Дугаар 61

Улаанбаатар хот

ГЭРЭЭ БАЙГУУЛАХ ТУХАЙ

Засгийн газрын тухай хуулийн 19 дүгээр зүйлийн 1 дэх хэсгийг үндэслэн Монгол Улсын Засгийн газраас ТОГТООХ нь:

Бүтээлч сургууль, бүтээлч багш шалгаруулах, ахмад багш нарын үйл ажиллагаанд дэмжлэг үзүүлэх чиг үүргийг "Монголын ахмад багш нарын холбоо"-гоор; дотоодын дээд боловсролын сургалтын байгууллагад суралцагчдын эрх ашиг, нийгмийн баталгааг хангах чиг үүргийг "Монголын оюутны холбоо"-гоор; үндэсний урлаг, түүх, соёлыг гадаад, дотоодын иргэдэд сурталчлан таниулах чиг үүргийг "Монголын урлагийн зөвлөл"-өөр, циркийн уран бүтээлчдийн эрх ашиг, нийгмийн баталгааг хангах, бүртгэх, статистикийн мэдээлэл боловсруулах, циркийн урлагийг гадаад, дотоодын иргэд, байгууллагад сурталчлах чиг үүргийг "Монголын циркчдийн холбоо"-гоор тус тус хариуцуулан гэрээний үндсэн дээр гүйцэтгүүлэхийг Боловсрол, соёл, шинжлэх ухааны сайд Л.Гантөмөрт зөвшөөрсүгэй.

/Энэ заалтыг ЗГ-ын 2016-3-7-ны өдрийн 144-р тогтоолоор өөрчлөн найруулсан/

Монгол Улсын Ерөнхий сайд С.БАЯР

Боловсрол, соёл, шинжлэх ухааны сайд Н.БОЛОРМАА