МОНГОЛ УЛСЫН ЗАСГИЙН ГАЗРЫН ТОГТООЛ

2009 оны 4 дүгээр сарын 8-ны өдөр

Дугаар 102

Улаанбаатар хот

ГАДААДААС АЖИЛЛАХ ХҮЧ, МЭРГЭЖИЛТЭН АВАХ,АЖЛЫН БАЙРНЫ ТӨЛБӨРӨӨС ЧӨЛӨӨЛӨХ ТУХАЙ

Ажиллах хүч гадаадад гаргах, гадаадаас ажиллах хүч, мэргэжилтэн авах тухай хуулийн 4.1.2, 7.3-т заасныг үндэслэн Монгол Улсын Засгийн газраас ТОГТООХ нь:

1. Арабын эдийн засгийн хөгжлийн Кувейтын сан, "Абу Даби" хөгжлийн сангийн зээлийн хөрөнгөөр Тайширын усан цахилгаан станцыг барьж байгаа БНХАУ-ын "Синохайдро" корпорацийн 15, тоног төхөөрөмж нийлүүлэгч "Камко интернейшнл" компанийн 60, Дөргөний усан цахилгаан станцын барилга угсралтын ажил гүйцэтгэгч БНХАУ-ын гадаад эдийн засаг, технологийн хамтын ажиллагааны "Шанхай" группийн 65, Арабын эдийн засгийн хөгжлийн Кувейтын сангийн зээлийн хөрөнгөөр хэрэгжиж байгаа Эрдэнэт-Булган-Уньтын чиглэлийн 146 км хатуу хучилттай замын төслийн гүйцэтгэгч "Насны зам" ХХК-ийн 170, "Комбайнд" группийн 6, Азийн хөгжлийн банк, БНСУ-ын Эдийн засгийн хөгжлийн хамтын ажиллагааны сангийн хөнгөлөлттэй зээлийн хөрөнгөөр хэрэгжиж байгаа Чойр-Сайншанд-Замын-Үүдийн чиглэлийн 432 км хатуу хучилттай зам барилгын ажлын гүйцэтгэгч БНХАУ-ын "Чайна Гео-Инжиниринг Корпорац"-ийн 450, "Шингли инжиниринг энд констракшн" компанийн 200, "Ханшин Инжиниринг констракшн" компанийн 400, Бүтээгдэхүүн хуваах гэрээний дагуу газрын тосны хайгуул, судалгааны ажил гүйцэтгэх "Петрочайна Дачин Тамсаг" ХХК-ийн 3900, "Доншен" ХХК-ийн 350, Төмөр замын Ерөө өртөөнөөс Сэлэнгэ аймгийн Ерөө сумын Баянголын төмрийн орд хүртэл 98 км төмөр замын суурь бүтэц барих "Болдтөмөр ерөө гол" ХХК-ийн 200, Нарийн сухайт-Шивээхүрэн чиглэлийн 56 км зам барих ажлыг гүйцэтгэгч "Чинхуа-Мак-Нарийн сухайт" ХХК-ийн 55 инженер техникийн болон мэргэжлийн ажилтанд 2009 онд Монгол Улсад хөдөлмөр эрхлэх зөвшөөрлийг зохих журмын дагуу олгохыг Нийгмийн хамгаалал, хөдөлмөрийн сайд Т.Гандид даалгасугай.

2. 100 мянган айлын орон сууц хөтөлбөрийн хүрээнд барилгын ажил гүйцэтгэх "Гандирс" ХХК-ийн 150, "Шинэ дөл" ХХК-ийн 150, "Их үйлсийн эрэлд" ХХК-ийн 900, "Хуанлу хуанту" ХХК-ийн 200, "Гангар" ХХК-ийн 150, Барилгын материалын үйлдвэрлэлийг хөгжүүлэх мастер төлөвлөгөөг хэрэгжүүлэх арга хэмжээний хүрээнд үйл ажиллагаа явуулж байгаа "Нар урт" ХХК-ийн 345 инженер техникийн болон мэргэжлийн ажилтанд 2009 онд Монгол Улсад хөдөлмөр эрхлэх зөвшөөрлийг зохих журмын дагуу олгохыг Нийгмийн хамгаалал, хөдөлмөрийн сайд Т.Гандид даалгасугай.

3."Синохайдро" корпорацийн 15, "Камко интернейшнл" компанийн 60, "Шанхай" группийн 65, "Насны зам" ХХК-ийн 170, "Комбайнд" группийн 6, "Чайна Гео-Инжиниринг Корпорац"-ийн 450, "Шингли инженеринг ба констракшн" компанийн 200, "Ханшин инженеринг констракшн" компанийн 400, "Болдтөмөр ерөө гол" ХХК-ийн 200, "Гандирс" ХХК-ийн 150, "Шинэ дөл" ХХК-ийн 150, "Их үйлсийн эрэлд" ХХК-ийн 900, "Нар урт" ХХК-ийн 345 инженер техникийн ажилтныг энэ тогтоолын 1,2 дугаар зүйлд заасан хугацаанд ажлын байрны төлбөрөөс чөлөөлсүгэй.

4. Энэхүү тогтоолын дагуу авч ажиллуулах гадаадын ажиллах хүч, мэргэжилтнийг 2009 онд багтаан буцаан гаргах ажлыг зохион байгуулж дүнг Хууль зүй, дотоод хэргийн яаманд хүргүүлэхийг Нийгмийн хамгаалал, хөдөлмөрийн сайд Т.Ганди, Зам, тээвэр, барилга, хот байгуулалтын сайд Х.Баттулга, Эрдэс баялаг, эрчим хүчний сайд Д.Зоригт нарт даалгасугай.

Монгол Улсын Ерөнхий сайд С.БАЯР

Нийгмийн хамгаалал, хөдөлмөрийн сайд Т.ГАНДИ