Нүүр
Хүчингүй эрх зүйн акт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН ЗАСГИЙН ГАЗРЫН ТОГТООЛ
ГАЗРЫН ТОСНЫ ЗАРИМ БҮТЭЭГДЭХҮҮНИЙ ГААЛЬ, ОНЦГОЙ АЛБАН ТАТВАРЫН ТУХАЙ
/ЗГ-ын 2012-11-23-ны 134-р тогтоолоор хүчингүй болсонд тооцсон/
2011 оны 5 дугаар сарын 25-ны өдөр
Улаанбаатар хот
Дугаар 166
Онцгой албан татварын тухай хуулийн 6.7-д заасныг үндэслэн Монгол Улсын Засгийн газраас ТОГТООХ нь:
1. Импортоор оруулж байгаа автобензин, дизелийн түлшний онцгой албан татварын хэмжээг 2011 оны 5 дугаар сарын 25-ны өдрөөс эхлэн дор дурдсанаар тогтоосугай:
| № | Хилийн боомтын нэр | Ногдуулах онцгой албан татварын хэмжээ (төгрөгөөр) | ||
| Автобензин (шинжилгээний аргаар тодорхойлсон октаны хэмжээ) | Дизелийн түлш | |||
| 90 хүртэл | 90 болон түүнээс дээш | |||
| 1 | Цагааннуур, Ярант, Боршоо, Арцсуурь, Тэс, Бургастай, Гашуунсухайт, Шивээхүрэн, Баянхошуу, Бичигт, Хавирга | 0.0 | 0.0 | 0.0 |
| 2 | Ханх, Ульханмайхан | 0.0 | 0.0 | 0.0 |
| 3 | Сүхбаатар, Замын-Үүд, Эрээнцав, Алтанбулаг | 170,000.0 | 230,000.0 | 0.0 |
(1-р зүйлийг 2011-06-10-ны 182-р тогтоолоор хүчингүй болсонд тооцсон)
2. Импортоор оруулж байгаа автобензин, дизелийн түлшний гаалийн албан татварыг "0" хувиар 2011 оны 5 дугаар сарын 25-ны өдрөөс эхлэн тус тус тогтоосугай.
3. Энэ тогтоол гарсантай холбогдуулан "Газрын тосны зарим бүтээгдэхүүний онцгой албан татварын тухай" Засгийн газрын 2011 оны 5 дугаар сарын 11-ний өдрийн 155 дугаар тогтоолыг хүчингүй болсонд тооцсугай.
