ЗАСГИЙН ГАЗРЫН ТОГТООЛ

1997 оны 1 дүгээр сарын 2-ны өдөр

Дугаар 9

Улаанбаатар хот

ДҮРЭМ БАТЛАХ ТУХАЙ /Төмөр замын тээврийн үндсэн дүрэм, Төмөр замын цэрэгжүүлсэн хамгаалалтын албаны дүрэм, Төмөр замын ажилтны сахилгын тусгай дүрэм/

Төмөр замын тээврийн аюулгүй байдлын тухай Монгол Улсын хуулийн 12 дугаар зүйлийн 1 дэх хэсгийг үндэслэн Монгол Улсын Засгийн газраас ТОГТООХ нь :

1."Төмөр замын тээврийн үндсэн дүрэм"-ийг 1 дүгээр хавсралтаар, "Төмөр замын цэрэгжүүлсэн хамгаалалтын албаны дүрэм"-ийг 2 дугаар хавсралтаар, "Төмөр замын ажилтны сахилгын тусгай дүрэм"-ийг 3 дугаар хавсралтын ёсоор тус тус баталсугай.

2.Энэ тогтоол гарсантай холбогдуулан "Улаанбаатарын төмөр замын цэрэгжүүлсэн хамгаалалтын талаар авах зарим зарим арга хэмжээний тухай" Сайд нарын Зөвлөлийн 1973 оны 2 дугаар сарын 9-ний өдрийн 29 дүгээр тогтоол, "Улаанбаатарын төмөр замаар ачаа, зорчигч, тээш тээвэрлэх үндсэн дүрмийг батлах тухай" Сайд нарын Зөвлөлийн 1974 оны 12 дугаар сарын 10-ны өдрийн 495 дугаар тогтоол, "Төмөр замын хөдөлгөөний аюулгүй байдал, тээврийн хэвийн ажиллагааг хангах талаар авах зарим арга хэмжээний тухай" Монгол Улсын Засгийн газрын 1995 оны 2 дугаар сарын 3-ны өдрийн 17 дугаар тогтоолын 2 дугаар зүйлийн "б" заалтыг тус тус хүчингүй болсонд тооцсугай.

МОНГОЛ УЛСЫН ЕРӨНХИЙ САЙД М.ЭНХСАЙХАН

ДЭД БҮТЦИЙН ХӨГЖЛИЙН САЙД Г.НЯМДАВАА