ЗАСГИЙН ГАЗРЫН ТОГТООЛ

ДҮРЭМ БАТЛАХ ТУХАЙ /Авто тээврийн улсын хяналтын дүрэм/

1999 оны 9 дүгээр сарын 29-ний өдөр

Улаанбаатар хот

Дугаар 156

Авто тээврийн тухай хуулийн 5 дугаар зүйлийн 1 дэх хэсгийн 3-т заасныг үндэслэн Монгол Улсын Засгийн газраас ТОГТООХ нь:

1."Авто тээврийн улсын хяналтын дүрэм"-ийг хавсралтын ёсоор баталсугай.

2. Авто тээврийн тухай хууль батлагдсантай холбогдуулан "Хот хоорондын ачаа тээвэрлэлтийн талаар авах зарим арга хэмжээний тухай" Засгийн газрын 1991 оны 1 дүгээр сарын 11-ний өдрийн 17 дугаар тогтоол, "Авто тээврийн хэрэгслийн техникийн үзлэг тооллого явуулж байх тухай" Засгийн газрын 1991 оны 5 дугаар сарын 17-ны өдрийн 153 дугаар тогтоол, "Тээвэрчдийн нийгмийн баталгааг хангах, зам, тээврийн ажлыг сайжруулах талаар авах зарим арга хэмжээний тухай" Засгийн газрын 1992 оны 3 дугаар сарын 20-ны өдрийн 50 дугаар тогтоол, "Дүрэм батлах тухай" Засгийн газрын 1994 оны 10 дугаар сарын 24-ний өдрийн 183 дугаар тогтоолыг тус тус хүчингүй болсонд тооцсугай..

3.Энэ тогтоол гарсантай холбогдуулан "Улсын хяналтын дүрмүүд батлах тухай" Засгийн газрын 1995 оны 11 дүгээр сарын 11-ний өдрийн 211 дүгээр тогтоолын 1 дүгээр хавсралтыг хүчингүй болсонд тооцсугай.

Гадаад харилцааны сайд бөгөөд Монгол Улсын Ерөнхий сайдын үүрэг гүйцэтгэгч Н.ТУЯА