МОНГОЛ УЛСЫН ЗАСГИЙН ГАЗРЫН ТОГТООЛ

2008 оны 11 дүгээр сарын 5-ны өдөр

Дугаар 25

Улаанбаатар хот

ДЭД ХӨТӨЛБӨР БАТЛАХ ТУХАЙ /эмзэг бүлгийн хоол, тэжээлийн/

Монгол Улсын Засгийн газраас ТОГТООХ нь:

1. "Нийгмийн эмзэг бүлэгт хоол, тэжээлийн дэмжлэг үзүүлэх дэд хөтөлбөр"-ийг хавсралт ёсоор баталсугай.

(Хөтөлбөрийн 2.2-ь 2011-07-27-ны 241-р тогтоолоор өөрчлөлт орсон)

2. Дэд хөтөлбөрийг хэрэгжүүлэхтэй холбогдуулан дараахь арга хэмжээ авч ажиллахыг Сангийн сайд С.Баярцогт, Нийгмийн хамгаалал, хөдөлмөрийн сайд Т.Ганди нарт үүрэг болгосугай:

а/дэд хөтөлбөрт тусгасан зорилт болон түүний үйл ажиллагааг хэрэгжүүлэхэд шаардагдах хөрөнгийг жил бүрийн эдийн засаг, нийгмийг хөгжүүлэх үндсэн чиглэл, улсын төсөвт тусгаж байх;

б/төрийн бус байгууллага болон хувийн хэвшил, олон улсын байгууллага, хандивлагчдын оролцоог нэмэгдүүлэх;

в/хөтөлбөрийн хэрэгжилтэд хяналт тавин ажиллаж явц, дүнг жил бүрийн IV улиралд Засгийн газарт танилцуулж байх.

Монгол Улсын Ерөнхий сайд С.БАЯР

Сангийн сайд С.БАЯРЦОГТ

Нийгмийн хамгаалал, хөдөлмөрийн сайд Т.ГАНДИ