ЗАСГИЙН ГАЗРЫН ТОГТООЛ

ЖУРАМ БАТЛАХ ТУХАЙ/ Монгол Улсын сайд, аймаг, нийслэлийн Засаг дарга, агентлагийн даргын нийтээр дагаж мөрдүүлэхээр гаргасан шийдвэрийг хянаж бүртгэх журам /

(Энэ тогтоолыг 2010-05-19-ний өдрийн 119-р тогтоолоор хүчингүй болсонд тооцсон)

2003 оны 1 дүгээр сарын 15-ны өдөр

Улаанбаатар хот

Дугаар 8

Засгийн газрын тухай хуулийн 7 дугаар зүйлийн 3 дахь хэсгийг үндэслэн Монгол Улсын Засгийн газраас ТОГТООХ нь :

1. "Монгол Улсын сайд, аймаг, нийслэлийн Засаг дарга, агентлагийн даргын нийтээр дагаж мөрдүүлэхээр гаргасан шийдвэрийг хянаж бүртгэх журам"-ыг хавсралт ёсоор баталсугай.

2. Нийтээр дагаж мөрдүүлэхээр гаргасан шийдвэрээ тухай бүр хянуулж, улсын нэгдсэн бүртгэлд бүртгүүлж, хэвлэл мэдээллийн хэрэгсэл (сонин)-ээр мэдээлж байхыг сайд, аймаг, нийслэлийн Засаг дарга, агентлагийн дарга нарт үүрэг болгосугай.

3. Энэ тогтоол гарсантай холбогдуулан "Журам батлах тухай" Засгийн газрын 1993 оны 11 дүгээр сарын 3-ны өдрийн 162, 1997 оны 8 дугаар сарын 13-ны өдрийн 178 дугаар тогтоолыг тус тус хүчингүй болсонд тооцсугай.