ЗАСГИЙН ГАЗРЫН ТОГТООЛ

2004 оны 5 дугаар сарын 26-ны өдөр

Улаанбаатар хот

ЖУРАМ ШИНЭЧЛЭН БАТЛАХ ТУХАЙ/ Д.Нацагдоржийн нэрэмжит шагнал олгох журам /

Дугаар 124

Монгол Улсын Засгийн газраас ТОГТООХ нь :

1. Д.Нацагдоржийн нэрэмжит шагналыг шилдэг бүтээл туурвиж монголын утга зохиолын хөгжил, ард түмнээ соён гэгээрүүлэх үйлсэд чухал хувь нэмэр оруулсан зохиолч, яруу найрагч, шүүмжлэгч нарт олгож байсугай.

2. Д.Нацагдоржийн нэрэмжит шагнал олгох журмыг хавсралт ёсоор баталсугай..

3. Энэ тогтоол гарсантай холбогдуулан "Д.Нацагдоржийн нэрэмжит шагнал эрхлэх комиссын бүрэлдэхүүн, уг шагналыг олгох журмын тухай" Засгийн газрын 1993 оны 1 дүгээр сарын 23-ны өдрийн 14 дүгээр тогтоолыг хүчингүй болсонд тооцсугай.

Монгол Улсын Ерөнхий сайд Н.ЭНХБАЯР

Боловсрол, соёл, шинжлэх ухааны сайд А.ЦАНЖИД