МОНГОЛ УЛСЫН ЗАСГИЙН ГАЗРЫН ТОГТООЛ

2021 оны 7 дугаар сарын 20-ны өдөр

Дугаар 211

Улаанбаатар хот

ЖУРАМ ШИНЭЧЛЭН БАТЛАХ ТУХАЙ

Өрийн удирдлагын тухай хуулийн 29.9-д заасныг үндэслэн Монгол Улсын Засгийн газраас ТОГТООХ нь:

1. "Засгийн газрын гадаад зээллэгийн хөрөнгийг дамжуулан зээлдүүлэх журам"-ыг хавсралт ёсоор баталсугай.

2. Засгийн газрын гадаад зээллэгийн хөрөнгийн эх үүсвэрийг зориулалтын дагуу үр дүнтэй ашиглах, дамжуулан зээлдүүлэх зээлийн эргэн төлөлтийг хуваарийн дагуу төлөх, зээлийг эргэн төлөх хөрөнгийн эх үүсвэрийг эцсийн зээлдэгч болон дэд зээлдэгч нь жил бүрийн төсөвтөө тусган журмыг хэрэгжүүлж ажиллахыг төсвийн захирагч, төрийн болон орон нутгийн өмчит, тэдгээрийн оролцоотой аж ахуйн нэгж, байгууллагын удирдлагад даалгасугай.

3. Энэ тогтоолын хэрэгжилтэд хяналт тавьж ажиллахыг Сангийн сайд Б.Жавхланд даалгасугай.

4. Энэ тогтоол гарсантай холбогдуулан "Журам батлах тухай" Засгийн газрын 2006 оны 7 дугаар сарын 26-ны өдрийн 185 дугаар тогтоолыг хүчингүй болсонд тооцсугай.

Монгол Улсын Ерөнхий сайд Л.ОЮУН-ЭРДЭНЭ

Сангийн сайд Б.ЖАВХЛАН