ЗАСГИЙН ГАЗРЫН ТОГТООЛ

ЖУРАМД ӨӨРЧЛӨЛТ ОРУУЛАХ ТУХАЙ

2007 оны 5 дугаар сарын 16-ны өдөр

Улаанбаатар хот

Дугаар 122

Монгол Улсын Иргэний цэргийн үүргийн болон цэргийн албан хаагчийн эрх зүйн байдлын тухай хуулийн 20 дугаар зүйлийг үндэслэн Монгол Улсын Засгийн газраас ТОГТООХ нь:

"Журам батлах тухай" Засгийн газрын 2002 оны 11 дүгээр сарын 13-ны өдрийн 230 дугаар тогтоолоор батлагдсан "Дайчилгааны бэлтгэл нөөцийн бүрэлдэхүүний сургалтыг зохион байгуулах журам"-ын 1.2.2, 1.2.3, 1.2.5, 1.2.6 дахь заалтыг дор дурдсанаар өөрчлөн найруулсугай:

"1.2.2. Цэргийн бэлтгэл албанд байгаа 60 хүртэлх насны ахлах офицер;

1.2.3. Цэргийн бэлтгэл албанд байгаа 55 хүртэлх насны дунд офицер, ахлагч;

1.2.5. Цэргийн бэлтгэл албанд байгаа 19-50 насны байлдагч, түрүүч;

1.2.6. 18-50 насны цэргийн жинхэнэ албанд тэнцэх иргэд".

Монгол Улсын Ерөнхий сайд М.ЭНХБОЛД

Батлан хамгаалахын сайд М.СОНОМПИЛ