МОНГОЛ УЛСЫН ЗАСГИЙН ГАЗРЫН ТОГТООЛ

2007 оны 12 дугаар сарын 29-ний өдөр

Улаанбаатар хот

ЖУРАМ БАТЛАХ ТУХАЙ (ШУТех,цөм технологи)

Дугаар 359

Шинжлэх ухаан, технологийн тухай хуулийн 6.1.2–ыг үндэслэн Монгол Улсын Засгийн газраас ТОГТООХ нь:

1. Монгол Улсын шинжлэх ухаан, технологийн тэргүүлэх чиглэл, цөм технологийг тодорхойлох, тодотгол хийх журмыг хавсралтын ёсоор баталсугай.

2. Боловсрол, соёл, шинжлэх ухааны сайд Н.Болормаад үүрэг болгох нь:

а/ Монгол Улсын шинжлэх ухаан, технологийн 2011-2015 оны тэргүүлэх чиглэл, цөм технологийг тодорхойлох арга хэмжээг 2008 онд багтаан авч хэрэгжүүлсүгэй;

б/ Монгол Улсын шинжлэх ухаан, технологийн тэргүүлэх чиглэл, цөм технологийн жагсаалтад 4 жил тутам энэхүү журмын дагуу тодотгол хийж, Засгийн газраар батлуулан хэрэгжилтийг нь зохион байгуулж байсугай.

3. Эрхлэх ажлынхаа хүрээнд шинжлэх ухаан, технологийн тэргүүлэх чиглэлийг 2008 онд багтаан тодорхойлж, түүнд 4 жил тутам тодотгол хийж хэрэгжүүлэх арга хэмжээ авч байхыг сайд нарт үүрэг болгосугай.

Монгол Улсын Ерөнхий сайд С.БАЯР

Боловсрол, соёл, шинжлэх

ухааны сайд Н.БОЛОРМАА