ЗАСГИЙН ГАЗРЫН ТОГТООЛ

ЖУРАМД ӨӨРЧЛӨЛТ ОРУУЛАХ ТУХАЙ

1992 оны 11 дүгээр сарын 6-ны өдөр

Улаанбаатар хот

Дугаар 54

Монгол улсын Засгийн газраас ТОГТООХ нь:

1. "Журам батлах тухай" Засгийн газрын 1992 оны 7 дугаар сарын 3-ны өдрийн 107 дугаар тогтоолоор баталсан "Мэргэжлийн сургуулийг санхүүжүүлэх журам"-ыг 1993 оны 7 дугаар сары 1-ний өдрөөс эхлэн мэргэжлийн сургуулийн нийт суралцагчдын хувьд дагаж мөрдүүлэх тухай Шинжлэх ухаан, боловсролын яамны саналыг зөвшөөрсүгэй.

2. Энэ тогтоол гарсантай холбогдуулан "Журам батлах тухай" Засгийн газрын 1992 оны 7 дугаар сарын 3-ны өдрийн 107 дугаар тогтоолоор баталсан "Мэргэжлийн сургуулийг санхүүжүүлэх журам"-ынг 17 дугаар зүйлийг хүчингүй болсонд тооцсугай.

Монгол Улсын Ерөнхий сайд П.ЖАСРАЙ

Шинжлэх ухаан, боловсролын сайд Н.ӨЛЗИЙХУТАГ