Монгол Улсын Их Хурлын Сонгуулийн хуулийн 34 дүгээр зүйлийн 3 дахь заалтыг нэг мөр ойлгож, зөв хэрэглэх явдлыг хангах зорилгоор Үндсэн хуулийн 50 дугаар зүйлийн 1 дэх хэсгийн 4-т заасныг удирдлага болгон Монгол Улсын Дээд шүүхээс ТОГТООХ нь:

     1.Монгол Улсын Их Хурлын Сонгуулийн хуулийн 34 дүгээр зүйлийн 3 дахь заалтын "…иргэний паспорт, түүнтэй адилтгах баримт бичиг" гэдэгт Иргэний паспорт /БНМАУ-ын/, түүнтэй адил хүчинтэй Монгол Улсын иргэний үнэмлэх болон Монгол Улсын иргэний үнэмлэх олгох хүртэл хүчинтэй түр баримт /энэ баримт нь төрсний гэрчилгээний хамт хүчинтэй/, мөн цэргийн албан хаагчийн хувийн үнэмлэх зэрэг баримт бичгийг хамааруулан ойлгоно.