ЗАСГИЙН ГАЗРЫН ТОГТООЛ

НЭРЭМЖИТ БОЛГОХ ТУХАЙ

2006 оны 8 дугаар сарын 16-ны өдөр

Улаанбаатар хот

Дугаар 193

Холбогдох байгууллагын саналыг үндэслэн Монгол Улсын Засгийн газраас ТОГТООХ нь:

1. Увс аймгийн Улаангом сумын ерөнхий боловсролын нэгдүгээр сургуулийг Монгол Улсын төр, нийгмийн зүтгэлтэн, Монгол Улсын баатар, маршал Юмжаагийн Цэдэнбалын;

2. Говь-Алтай аймгийн Эрдэнэ сумын ерөнхий боловсролын сургуулийг Монгол Улсын баатар Ванчинжавын Шаравын;

3. Баян-Өлгий аймгийн Өлгий сумын ерөнхий боловсролын нэгдүгээр сургуулийг Монгол Улсын баатар Мазимын Икейн;

4. Хөвсгөл аймгийн Рашаант сумын ерөнхий боловсролын сургуулийг Хэл судлалын эрдэмтэн, Мэргэн гүн Мөнх-Очирын Гомбожавын;

5. Сэлэнгэ аймгийн Хушаат сумын ерөнхий боловсролын сургуулийг төрийн хошой шагналт, зохиолч Дашзэвэгийн Сэнгээгийн;

6. Ховд аймгийн Чандмань сумын Ерөнхий боловсролын сургуулийг Монгол Улсын гавьяат жүжигчин Довчингийн Сундуйн;

7. Хөвсгөл аймгийн Галт сумын соёлын төвийг Монгол Улсын гавьяат жүжигчин Дагийрагчаагийн Банзрагчийн;

8. Онцгой байдлын Ерөнхий газрын харьяа Аврах тусгай ангийг хувьсгалт тэмцлийн ахмад зүтгэлтэн Сандивын Равдангийн;

9. Хөвсгөл аймгийн Мөрөн сумын ерөнхий боловсролын 2 дугаар сургуулийг Монгол Улсын гавьяат багш Даржаагийн Батсуурийн;

10. Сэлэнгэ аймгийн Мандал сумын ерөнхий боловсролын 3 дугаар сургуулийг Монгол Улсын хөдөлмөрийн баатар Очирын Дорлигсүрэнгийн;

11. Говь-Алтай аймгийн Бигэр сумын цэцэрлэгийг Монгол Улсын хөдөлмөрийн баатар Дүгэрийн Санжийн нэрэмжит тус тус болгосугай.

Монгол Улсын Ерөнхий сайд М.ЭНХБОЛД

Боловсрол, соёл, шинжлэх

ухааны сайд Ө.ЭНХТҮВШИН