ЗАСГИЙН ГАЗРЫН ТОГТООЛ (ЗАХИРАМЖ)

ТӨРИЙН ЗАХИРГААНЫ ЗАРИМ БАЙГУУЛЛАГЫН СУУДЛЫН АВТОМАШИНЫ ПАРКИЙГ ШИНЭЧЛЭХ ТУХАЙ

1998 оны 4 дүгээр сарын 22-ны өдөр

Улаанбаатар хот

Дугаар 60

Монгол Улсын Засгийн газраас ТОГТООХ нь:

1.Төрийн захиргааны зарим байгууллагын суудлын автомашины паркийг шинэчлэх төслийг зөвшөөрч Японы "Иточу" корпорацитай хэлэлцээ хийж, гэрээ байгуулахыг Сангийн сайд П.Цагаан, Дэд бүтцийн хөгжлийн сайд Г.Нямдаваа нарт зөвшөөрсүгэй.

2.Суудлын автомашиныг шинэчлэхэд шаардлагатай хөрөнгийг 1999 оноос эхлэн улсын жил бүрийн төсөвт тусган санхүүжүүлэхийг Сангийн сайд П.Цагаанд даалгасугай.

Монгол Улсын Ерөнхий сайд М.ЭНХСАЙХАН

Дэд бүтцийн хөгжлийн сайд Г.НЯМДАВАА

Сангийн сайд П.ЦАГААН