ЗАСГИЙН ГАЗРЫН ТОГТООЛ (ЗАХИРАМЖ)

ТӨСЛИЙН ДОТООД САНХҮҮЖИЛТИЙН ТУХАЙ

1998 оны 9 дүгээр сарын 23-ны өдөр

Улаанбаатар хот

Дугаар 178

Нэмэгдсэн өртгийн албан татварын тухай хууль батлагдсантай холбогдуулан Монгол Улсын Засгийн газраас ТОГТООХ нь:

Монгол Улсын Засгийн газар, Дэлхийн банкны хооронд байгуулсан зээлийн гэрээний дагуу "Монгол нүүрс" төсөл, мөн Монгол Улсын Засгийн газар, Япон Улсын Засгийн газар хооронд байгуулсан зээлийн гэрээний дагуу "МОН-П4", "МОН-П5" төслийн хүрээнд "Багануур", "Шивээ-овоо" уурхайнуудын технологийн шинэчлэл, өргөтгөлд зориулан импортоор нийлүүлэгдэх тоног төхөөрөмж, сэлбэг материал, багаж хэрэгслийн нэмэгдсэн өртгийн болон гаалийн татварыг уг төслийн дотоодын санхүүжилтэд оруулж тооцохыг Сангийн сайдын үүрэг гүйцэтгэгч Я.Очирсүхэд зөвшөөрсүгэй..

/1999 оны 8 дугаар сарын 11-ний өдрийн 125 дугаар тогтоолоор өөрчлөн найруулсан./

Монгол Улсын Ерөнхий сайдын үүрэг гүйцэтгэгч Ц.ЭЛБЭГДОРЖ

Сангийн сайдын үүрэг гүйцэтгэгч Б.БАТБАЯР