ЗАСГИЙН ГАЗРЫН ТОГТООЛ

ТЭЭВРИЙН ЗАРДАЛ, ӨВС, ТЭЖЭЭЛ ОЛГОХ ТУХАЙ

2003 оны 3 дугаар сарын 19-ний өдөр

Улаанбаатар хот

Дугаар 66

Цас их орж мал хаваржилт хүндэрсэнтэй холбогдуулан Улсын байнгын онцгой комиссын санал, дүгнэлтийг үндэслэн Монгол Улсын Засгийн газраас ТОГТООХ нь :

1. Улсын нөөцөөс өвс, тэжээл тээвэрлэн хүргэх зардалд зориулан Хүнс, хөдөө аж ахуйн сангийн тусгай зориулалтын эх үүсвэрээс 39680.0 (гучин есөн сая зургаан зуун наян мянга) мянган төгрөгийг 1 дүгээр хавсралтын дагуу гаргахыг Санхүү, эдийн засгийн сайд Ч.Улаан, Хүнс, хөдөө аж ахуйн сайд Д.Насанжаргал нарт зөвшөөрсүгэй. .

2. Завхан, Архангай, Баянхонгор аймагт улсын нөөцөөс хөнгөлөлттэй үнэ (өвс боодол тутам нь 700 төгрөг, тэжээл кг тутам нь 100 төгрөг)-ээр олгох өвс, тэжээлийн хуваарийг 2 дугаар хавсралт ёсоор баталсугай.

Монгол Улсын Ерөнхий сайд Н.ЭНХБАЯР

Санхүү, эдийн засгийн сайд Ч.УЛААН

Хүнс, хөдөө аж ахуйн сайд Д.НАСАНЖАРГАЛ