ЗАСГИЙН ГАЗРЫН ТОГТООЛ

ТӨВИЙН РАЙОНЫ ТҮЛШ, ЭРЧИМ ХҮЧНИЙ ҮЙЛДВЭРҮҮДИЙН ӨВЛИЙН БЭЛТГЭЛИЙГ ХАНГАХ ЗАРИМ АРГА ХЭМЖЭЭНИЙ ТУХАЙ

1996 оны 8 дугаар сарын 27-ны өдөр

Улаанбаатар хот

Дугаар 208

Монгол Улсын Засгийн газраас ТОГТООХ нь :

1.Төвийн районы түлш, эрчим хүчний үйлдвэрүүдийн өвлийн бэлтгэлийн дутууг хангахад зориулж Төвийн эрчим хүчний системээс хөрөнгийн баталгаа гаргуулж 1997 оны 1 дүгээр улиралд эргэж төлөгдөх нөхцөлөөр Монгол банкнаас 1,0 тэрбум төгрөгийн зээл авч ашиглахыг Сангийн яам /П.ЦАГААН/-д зөвшөөрсүгэй.

2.Зээлийг зарцуулах хуваарийг хавсралтаар баталж, уг зээлийг үр өгөөжтэй ашиглаж, төлөвлөсөн хугацаанд нь төлүүлэхийг Дэд бүтцийн хөгжлийн яам /Г.НЯМДАВАА/-д даалгасугай.

Монгол Улсын Ерөнхий сайд М.ЭНХСАЙХАН

Сангийн сайд П.ЦАГААН